قصة سندريلا مغربية (قصة مغربية)
-----------------
لبارت1 و 2
السر الي غير حياتي انا نهال عندي 22 سنة ماغديش نقول آية فالجمال لكن عندي حقي فالزين شادة الباكلوريا لكن بحكم الحالة الإجتماعية الضعيفة ما قدرتش نكمل قرايتي عندي الأب متوفي عايشة فمنزل على قد الحال فحي شعبي مع الأم ديالي لكانت كتعاني مرض مزمن مما خلاني نخدم فواحد الصالون فالدرب واحد النهاركيف العادة رجعت لدار من بعد الخدمة لكن تفاجأت بماما تزاد عليها الحال أ تدهورت صحتها تخلعت بزاف بغيت نعاونها لكن ملقيتش باش التكاليف ديال العلاج غاليين بقيت متكية حداها كنواسيها شوية ماما بدات كتبكي أكطلب مني السماحة أنا نهارت ملي شفتها بديك الحالة قلت ليها السماحة علاياش راه بسبابي وصلتي لهاد الحالة كل نهار كنتي كتخرجي تخدمي باش تقريني أ تكبريني زات ماما بكات أقالت ليا سمحي ليا أبنتي حيت حرمتك من العيش فالرفاهية ,أنا أبنتي ماشي مك الحقيقية كان داك النهار أتعس يوم فحياتي تمنيت كون مت أمن عرف هاد الحقيقة الإنسانة لكانت قدوة ليا فالحياة كذبات عليا سنين صدقاة مزورة أ من بعد فترة ديال الصدمة إصراري باش نعرف عائلتي الحقيقية خلاني نمشي نسول ماما على كيفاش رباتني هي؟ ماما متردداتش باش تعاود ليا حيت هاد السر كان كيعذبها طول حياتها أنا أبنتي كنت مزوجة بلي كان كيصحاب ليك واش باك كنت كنبغيه أحتى هو كان كيبغيني من بعد سنة ديال الزواج شفت راسي تعتلت على الحمالة كانت العائلة ديال راجلي ديما كيلوحو ليا الهدرة مشيت عند الطبيب درت التحاليل لقيت راسي مكنولدش أنا بقيت مصدومة كان حلمي تكون عندي بنت ألا دري أحتى راجلي كان باغي إولي أب رجت الدار لكن مقلت لراجلي والو أملي سولني قلت ليه بلي هادشي عادي ديك ساعة تصلت بصاحبتي لي كانت طبيبة أعاوت ليها كلشي هي صبراتني أشجعاتني ملي مقلتهاش لراجلي أقالت لي بلي كاينةواحد المرا من عائلة غنية حاملة بالشهر الثالث أبلي هي لي غادي تولدها أغاتخطف ليها الولد حيث هي أصلا كانت غادي تخرج من ديك الخدمة أغتسافر لفرنسا لكن خصني نعاونها بشي بركة فالول كنت خايفة أرفضت لكن من بعد لقيت بلي هذا هو الحل الوحيد باش نحافظ على راجلي أداري داكشي علاش قبلت لمهم تافقنا أني غنقول راجلي بلي حاملة أغادي ندوز شهور الحمالة عند والديا لكانو فمدينة أخرى هو قبل حيث ميمكنش ليه إعتني بيا أهو خدام مشيت لدارنا عاوت لواليديا أش أقع أمن بعد معاناة قدرة نقنعهوم حيث كنت الوحيدة لي عندهوم من بعد ست شهور تاصلات بيا صحبتي باش نمشي ناخد البنت أنا مشيت طايرة جبتك أرجعت والديا علمو راجلي أهو تفاجأ حيت مخبرناهش من الأول بداو التساؤلات ديالو لكن غير شافك فرح بيك أنسى كلشي لكن باقي كان شاك رجعنا الدار أكلشي كان فرحان العائلة كلها مجموعة داكشي علاش انشاغل أنسى إسولني واحد النهار جاني إتصال من عند الوليدة ديالي قالت ليا بلي شدو صاحبتي أنا تخلعت بزاف ارتابكت معرفتش كيفاش درت حتى عاوت لراجلي كلشي تما فين خرجت على راسي تعصب عليا لدرجة أنه ضربني لأول مرة فحياتو أ قال لي بلي هو ممسؤولش على دكشي لي درت أوأنه مغاديش إربي بنت ماشي بنتو طلبتو لكن مسمعنيش قالي دبا تخرجي من داري أوكنوعدك بلي مغنقول هدشي التواحد هزيت حوايجي أدرتك بين دراعي مكانش عندي الوجه باش نشوف واليديا أعطيت وعد لراسي بلي غادي نربيك مهما كان الثمن أبلي غادي نوفر ليك كل مكتمناي لكن شفتي الصحة إلى قلالت معند بنادم ميدير ملي بدات مي كتعاود حتى سلات مسكتش من البكا كنت متأثرة بزاف لدرجة أنني فقت الوعي كنت ناوية نحقد على ماما أونكرهها لكن ملي كنشوفها بديك الحالة أكنتفكر شحال ضحات على قبلي مكنقدرش فقررت أني نتعايش مع الوضع أ ندير بحال إلى موقع والو لكن ماما كانت مصرة أني نمشي نشوف عائلتي الحقيقية حيث كانت حاسة بلي آجلها قرب إتسال أمبغاتش تخليني بوحدي لمهم عطاتني العنوان ديال دارهم كانت فمدينة أخرى أفواحد المنطقة راقية لكن أنا مكنتش مهتمة خديت العنوان غي باش ندير الخاطر لمي من بعد يومين توفاة ماما دارت بيا الدنيا دخلت فصدمة لدرجة أني مبقيت لانخرج لا ندرج لكن إيماني فالله خلاني نزيد نوقف على رجلية أقررت ندير بوصاية المرحومة أونمشي نتعرف على عائلتي الجديدة ..
لبارت3
اليل كامل او انا كيجيوني الافكار كيف غدي اكونو والديا؟ واش عندي خوتي ؟كيف غادي تكون ردة الفعل ديالهم ملي اشفوني؟كنت كنلاهي راسي بهاد الافكار باش منشعرش بالخوف اوانا بوحدي فدار كان احساس خايب من بعد مكنت مولفة شخص او متعلقة بيه بين نهار اخوه اختفى كانت حاجة اخرى شاغل بالي اخلعاني هي اني غنسافر لمدينة جديدة او كبيرة او انا عمرني خرجت حتى من دربنا فالصباح فقت بكري صليت الفجر او جمعت حوايجي او شي بركة كانت خلاتها ليا الميمة الله ارحمها خرجت توادعت مع ناس الحومة لي ساندوني او وقفو معيا فاصعب ايام حياتي كان صعيب عليا نفارقهم او نفارق دربنا لي تربيت فيه او كبرت فيه لكن كان هدا الحل لوحيد باش نقدر نستمر فهاد الحياة دعاو معايا بالخير او التسير
شديت الكار او بديت رحلتي للبحث عن امل جديد اخليني نتشبت بالحياة او نفيق كل نهار على قبلو كان اول عائق ليا هو الكار لي مولفتوش كنت الطريق كامل كنوقف الشيفور باش نهبط نرد حتى عصبتو مزيان لمهم وصلت كلشي كان جديد ديور جداد زناقي جداد ناس جداد كنت كنحس براسي تايهة فوسط هادشي كلو قلت مع راسي نرتاح شوية باش نقدر نجمع الانفاس ديالي .
دخلت لواحد القهوة بلا منعرف اش بغيت ناخد شديت المني كان كلشي غالي بقيت ساعة كنفكراش غادي الناكل فالخر خديت سندويتش كيدير 15الدرهم كليت او رتاحيت املي بغيت نخلص تصدمت لقيت النص ديال الفلوس مكاينش بقيت كندب او نغوت حتى جمعت عليا كاع عباد الله مول القهوة قال ليا انا ماشي شغلي لمهم عندي هو تخلصيني شديت الفلوس او لحتهوم ليه على كمارتو او خرجت تلاقيت مع واحد الراجل او سولتو على العنوان لي عطاتني المرحومة مي قال لي بلي بعيد خاصني تاكسي باش نوصل او انا غادية حالة فمي فواحد البوتيك فيه حوايج غزالين شوية كانت غادي تدخل فييا واحد الحديدة واعرة انا بالخلعة تفرشت فالشانطي خرج مولها كيجري اشوف ياكما اقعات ليا شي حاجة اش غادي نقول ليكم البنات واحد الدري شهوة منو اشمنك يا طولة اشمنك يا قلدة لكن انا مبينتش ليه لايحس براسو قال لي واش مكتشوفيش انا غير شفتو غوت او انا نقز عليه قلت ليه علاش شكون لي غالط انا اولا نتا راه نتا لي معرفتش شكون داك لشي سوكان بحالك هما لي خرجو على الناس هو بقا مصدوم او كيشوف فيا عتدر ليا واخا ماشي هو لي غالط جا اعوني باش النوض او انا ندفعو او قلت ليه ياكما صحاب ليك بلي غادي تسكتني بسمحي ليا ديالك راه غير لقيتني ممسلياش ليك او مشيت اخليتو باقي مصدوم مسكين , لمهم شديت تاكسي اوعطيتو العنوان او وصلني حتال حدا باب الفيلا كانت فيلا قداش ناهيا بحال داكشي ديال الافلام ,هنا بدا الخوف او التردد كيسبطرو عليا تاني حتى بغيت نصوني او انا نقول مع رلسي لا لا يلاه بديت كنتوخر اللور او هي تخرج واحد لمرا
البارت.4
كانت مرا انيقة او الوجه ديالها كان كلو براءة لكن باين عليه العيا او الياس بقيت كنتا مل فيها او انا مصدومة كان شعور غريب كنحس بيه سولاتني المرا شكون نتيا؟ انا تقطعات فيا الهدرة او بصعوبة جاوبتها انا نهال جيت كنقلب على واحد المرات تخطفات ليها بنتها 22عام هادي فنهار الزيادة ديالها المرا اندهشات من هدرتي بقات كتشوف فيا اقالت لي شكون قاليك هادشي باش عرفتي ؟جاوبتها الام ديالي الله ارحمها هي اللي قالتها ليا المرا استغربات او شكون قالها لماماك ؟ انا معرفتش باش نجاوبها تحرجت او حدرت راسي ماما هي اللي خطفات هديك البنت المرا غير سمعات هكاك جاتها نوبة عصبية تحنات ليا على رجلي او بدات كطلب او تزاوك باش نرجع ليها بنتها انا فاجاتني ردة الفعل ديالها او عرفت بلي هي الام ديالي الحقيقية انا بنبرة صوت ضعيفة انا هي هديك البنت حسيت بالمرا تخلطو عليها الاحاسيس طبيعي حيث ماشي ساهل انها تفقد بنتها من نهار الزيادة ديالها او من بعد 22 سنة تجي وحدة اتقول ليها انا هي بنتك المرا متيقتنيش فالول بغات شي حاجة تاكد ليها الهدرة لي قلت ليها تفكرت شي وراق كانت عطاتهم ليا مي ديال الكلنيك لي تولدت فيه مسجل فيه كلشي وريتهم ليها المرا قربات ليا او عنقاتني حسيت بيها فرحات بيا كان عناقها كل شوق او حب او حنان لي معمرني حسيت بيه ملي مات الوليدة ديالي كانت كتسولني بلهف على حياتي او او قرايتي دخلنا الفيلا ما تيقتش اشنو شفت جردة قدها قد الخلا كل بلاصة زرعين فيها شي وردة المهم كان منظر صحتي معمرني حلمت نشوفو حلات الباب عالم اخر اشمنك ياديكورات اشمنك يا اثاث اشمنك يا تيساع تفكرت الدار لي كنت عايشة فيها او بقيت كنقلب على شي حاجة مشتركة بينها او بين هاد الفيلا او بطبعت الحال ملقيتهاش فظل الصدمة بداداو اشخاص غراب كيتجمعو او كلشي كيسول شكون هادي؟ حتى من الخدامة وقفات تعرف شكون ماما او هي مفتاخرة عارفاكم غادي تقولو دغيا وليت كنقول ليها ماما حتى انا كانت كتجيني غريبة لكن ولفت المهم قالت هدي بنتي لي تحرمت منها 22 عام هادي واخيرا من بعد الفراق كتاب ليا نشوفها وخا جات معطلة لكن معليش ادارت عندي اقالت هدي هي دارك الجديدة كانت ديال جدك الله ارحمو ساكنين فيها الوراثة كلشي سكت او تصدم...
لبارت 5
شوية واحد الراجل جاي جيهتي او كيشوف فيا بطريقة غريبة انا توخرت اللور دفعاتني ماما او قالت لي متخافيش هدا باباك الاه شحال زوينة هاد الكلمة معمر التاحت ليا الفرصة باش نقولها لمهم عنقني شعرت بالدفء ماسولنيش كيفاش اولا علاش؟ بحال الا كان عارف بلي بنتو غادي ترجع ليه شي نهار ديك الساعة والديا فرحو بيا بزاف او بداو كيعرفوني على العائلة هادي فرح بنت عمك كانت بنت غزالة او ظريفة كانت لابسة حوايج باينا فيهم غاليين عنقاتني او رحبات بيا فالعائلة كدلك ماماها لالة امينة فرحو بيا بزوج بقات واحد البنت حتى هي كانت زوينة او لابسة كسوة غزالة لكن باينة فيها محملانيش او قالت ماما و اخيرا هدي ختك اريج انا فرحت كان الحلم ديالي تكون عندي ختي بديت كنقرب ليها باش نعنقها او هي ادفعني او قالت لي ميمكنش تكوني ختي اومشات او خلاتني انا صدماتني بتصرفها لكن ماما هدناتني او قالت ماشي مشكيل راه مزال مولفات. شوية سمعت الباب تحل او هي الدور او هاهو العزري ديال العائلة سي فهد جيت ندور مانلقاه غير نفس الشخص لي كان غادي اضربني بطموبيلتو صدق ولد عمي خو فرح تصدمنا بزوج هو سول مو عليا او لالة امينة بدات كتشرح ليه هو بقا كيضحك سولوه مالك قال ليهم والو انا مقدرتش نهز عينيا فيه كنتفكر الشوهة اللي درت كنمرك المهم كلسنا او ضطريت نعاود ليهم قصتي من الاول قالت لي ماما النوض نرتاح فبيت الضياف بيما وجدو ليا بيتي نعتاتتها ليا يالاه بغاو انوضو وقفت انا جارا ساكي او بلا منقصد دفعت واحد التمثال كان محطوط او هو اتهرس كلشي بدا كيشوف فيا انا حماريت او قلت ليهم سمحو ليا بقاو كيضحكو ماما قالت لي ماشي مشكيل ياك بعدا باقي عاقلة فين نعت ليك بيت الضياف جاوبتها او انا محمسة اه اه بقيت طالعة مع الدروج ولا بغاو اتسلاو طالعة او انا كنتمنظر مجيت فين نساليهم حتى نسيت علا فين نعتات ليا ماما واش البيت اللي علا ليمن اولا ليسر بقيت شحال او انا كنخمم فالخر قلت اولاه حتى ندخل لهادي اللي على الليمن او ليبغا اوقع اوقع بهمحية حليت الباب او دخلت او انا جارا الباليزة ديالي الصدمة كانت قوية مندخل غير لبيت فهد لقيتو يلاه كيبدل حوايجو مسكين معرف منين تسلطت عليه انا تصدمت اوتخلطو فيا الالوان خرجت كنجري مشيت البيت او هنا جاتني صدمة اخرى كانت بيت متيسعة او غزالة كبر من الدار لكنت عايشة فيها كلشي كان فيها كبير ناموسية كبيرة بلاكار كبير كلو مريات دوش كبير او زيد عليها البلكون لي كيطل على الجردة انا فالصراحة دخت جلست كنفكر فهادشي كلو لي وقع ليا كان كلشي غريب انا اللي ليمعمرني حلمت تكون عندي عائلة ولات عندي او من اغنى العائلات كان بالنسبة ليا هدا حلم زوين لكن اشتياقي لميمتي كان مكيخليش فرحتي تكمل لمهم دخلت الدوش باش نغسل ايديا لكن ملقيتش باش غادي نحل الروبني ضليت كنقلب او والو شوية دوزت اديا تحتو اهو اتكب الما بوحدو تخلعت قلت ياكما خصرتو او ملي حيتهم تقطع عاد فهمت بلي هو اتوماتيك او بقيت كنضحك على البلادة ديالي دوشت او تكيت شوية المهم رتاحيت مزيان جابتني الفيقة بالصداع ديال شواحد
البارت6
فقت بالصداع ديال شي واحد هبطت بان ليا واحد الراجل كيغوت او كيقول كيفاش دخلتوها بلا متاكدو شكون قال لكم راه بنتكم هادي اولا شي وحدة بغات فلوسكوم جوبو بابا او قال راه عندها الوراق ديال الكلنيك كلهم او باينة فيها مكتكدبش او حسيت بها واش بنتي قال لو اوا خصنا نديرو ليها فحص تثبيت النسب باش نزيدو نتاكدو بابا حسيت بيه وافق غي بزز ادن هاد الرجل كيعني ليه شي حاجة انا ملي سمعت هديك الهدرة بقا فيا الحال او تمنيت كون غير ماجيتش لعندهوم شافني فهد او طلعت كنجري البيت بقيت كنبكي سمعت الباب حليت لقيتو هو دخل او بدا كيصبرني او قالي ماتديهاش فكلام الواليد هو غير متوقعش أنه من بعد هاد السنين غادي ترجعي داكشي علاش شك انا سولتو او هدرتي كتقطع علاه باباك هداك جاوبني اه او عمك نتيا او انا نقول ليه او انا باقي كنبكي معمر كان هدفي الفلوس انا غير ضاقت بيا الدنيا من بعد ما ماتت ماما او قلت نجي نشوف عائلتي الحقيقية او نتعرف عليها او جاوبني او هو متاثر او شكون قال ليك شي حاجا الالة مرحبا بيك نهار كبير هدا ملي رجعتي لينا داك النهار حسيت بالطيبوبة ديال فهد او قدرت نتعرف على جزء من صفاتواو انا لي كان كيصحاب ليا متكبر لمهم مسحت دموعي او قالي هبطي نتعشاو هبطنا كلشي بدا كيشوف فيا حسيت داك النهار باهتمام معمرني حسيتو جاني راسي شوحدة مهمة خصوصا من طرف بابا او ماما لي كانو فرحانين بيا بزاف كانو دارو عشاء فخم على قبلي كانت الطبلة عامرة بالانواع او الاشكال ديال المكلة او لي نصها معمرني شفتها ولا دقتها لمهم كان عندي مشكل او اللي هو الفرشيطة او الموس اللي معمرني ولفت الناكل بيهم فقررت الناخد الحاجة اللي مغاديش تعدبني معها او منحتاجش نستعمل الموس مع العلم اني كان فيا الجوع لكن اهتمام ماما بيا خلها تعمر ليا تبصلي خلاصة القول تبرعت مزيان داك النهار هما حاولو اوصلو ليا الفكرة ديال فحص تثبيت النسب بابا كان كيلمح ليا بلي بغا ادير الخاطر غير العمي انا بطبعت الحال وافقت حيت حقهوم هداك المهم تعشينا او حسيت براسي تنفخت بكترت الماكلة خرجت الجردة باش نتنفس شوية وبدون شعور تلقت واحد الحزقت اللي استغرقات ساعة باش تسالي حسيت براسي رتاحيت جيت نضور لقيت فهد ميت بالضحك تحرجت بزاف او قالي بالصحة انا مشيت طايرة البيت مركت بزاف قلت اجي نطل نشم شوية ديال الهوة فالبالكون او انا كنتجبد دفعت واحد الفاز كان محطوط فيه الورد طليت منلقا غير فهد كان غادي اجي ليه على راسو انا تخبيت باش ميشوفنيش قلت على الاقل مغيعرفش واش انا هديك سمعت شي واحد فالباب حليت لقيت ماما قلت ليها دخلي لمهم جلسنا او جمعنا شحال عاودات ليا على الاوقات الصعيبة لي دوزات او هي كتقلب عليا حتى انا عاودت ليها على حياتي او قرايتي لي مكملتش او الاعتناء ديال مي الله ارحمها بيا ماما واخا هكاك محقداتش عليها واخا حرماتها مني سالينا الهدرة او مشات ماما لبيتها يالاه بغيت النعس سمعت الباب تاني حليت لقيت الفاز اللي صيفت على فهد ملصق انا فهمت بلي قشعني أو قلت مع تلقاه كيقو هادي يلاه جات أو بغات تصفيها ليا....
البارت7
صبح الصباح مشينا الكلينيك درنا التحاليل خرجات النتيجة ديك الساعة بحكم المعارف اللي عند بابا بطبعت الحال خرجو اجابيين رجعنا الدار بابا او ماما مكانوش متفاجئين لكن عمي حسيت بيه بحال الا اتقمع ماعلينا ماما قالت لي بلي قادو ليا بيتي طلعت النشوفها الاه كاينا حدا بيت فهد دخلت ليها كانت غزالة بحال هديك اللي قبل غير زايدين فيها شي حويجات كيبينو بلي مولاتها بنت او حتى هي فيها البالكون وصل وقت العشا كلشي كان مجموع على الطبلة لي كانت عامرة لكن انا خديت احطياتاتي باش منكترش تاني فالماكلة سالينا بغيت النوض منعفط غير على رجلين عمي شفت فيه او قلت سمح ليا اوهو مخنزر كان بغا اجاوبني لكن فهد قاطعو او قال ماشي مشكيل لكبار مشاو الجردة اشربو القهوة او انا بقيت مع فرح او اريج او فهد فالصالون
فرح’ ايوا كي جاتك العيشة معانا ولفتي او لا مزال ؟
يلاه بغيت نجاوب او هي تنقز اريج ايوا كيفاش بغيتها متولف او هي فين عمرها حلمات التعيش بحال هكا
تدخل فهد او قال ليها علاه فين صحاب ليك عايشة بحالك بحال كاع الناس
انا عجبني الحال ملي دافع عليا لكن اريج تقلقات او ناضت فرح’ حشوما عليك علاش درتي ليها هاك راك عارفها كدايرة او نتوما يا حصرة غتزوجوانا تصدمت ناض فهد او هو مقلق بقيت غي ان ا او فرح سولتها واش بصاح غادي اتزوجو قالت’بابا او باباك تافقو ملي كانت ماماك حاملة بيك باش ازوجوك نتي ليه لكن من بعد داكشي اللي وقع عودات ماماك حملات باريج او تافقو ازوجوها ليه هي طلعو كلشي انعس واو انا بقيت كنفكر فهادشي اللي قالت لي حتى الداني النعاس
فقت فالصباح لقيت حوايج كلاس او جداد او معا هم صباط الطالون زوين مفهمت والو شوية دخلات ماما صباح الخير ,صباح النور,عندي ليك اليوم مفاجاة غادي تبداي تمشي الشركة مع باباك انا فرحت حيث ماغديش نبقا غي كالسة فالدار او خاصك تلبسي هاد الحوايج باش تباني انيقة دوشت او لبست حوايجي كان عندي مشكيل انا معمرني حطيت رجليا فالطالون لكن واخا هكاك لبستو وخا كانو رجليا معوقين فيه لكن المهم هي المحاولة
البارت8
هبطت كلشي كان مجموع على الطبلة كيف العادة ماما’وتاتك البيسة ا بنتي جتي كتحمقي جاوبتها شكرا بابا هي واجدة اليوم غادي تمشي مع فهد الشركة فالأول غادي تاخدي دروس فالتسيير لي غادي اعطيهم ليك فهد نيت عاد تبداي الخدمة اريج نقزات علاه مكاين غي فهد اللي اعطيها الدروس لكن حتى واحد مداها فيها انا كنت خايفة لا نفشل لكن الثقة اللي شفت فعينين بابا او ماما خلاوني نثيق فراسي او فقدراتي او ندير ما فحهدي باش مانخيبش أمالهم فيا وصلنا الشركة او بغيت ندير فيها زاعمة او نحل الباب دالشركة لكن الباب كان كيتحل بوحدو يعني أوتوماتيك يلاه بغيت ندفعو جات ادي فالخوة او انا نطيح فهد بقا حابس الضحك لكن فالخر نفجر أنا محملتش راسي بغا اعاوني النوض لكن انا بالحر ديال الدقة بقيت كنبكي هو ارتابك او معرف اش ادير قالي وا صافي ميبقاش فيك الحال هادشي عادي او كيوقع نطت مسحت دموعي أو دخلنا الشركة كولشي كيشوف فيا أو كيتسائل شكون هاد الوجه الجديد فهد عرفني عليهم على أساس بنت الوريث الثاني الشركة لأن الأب ديالو هو اللي الكان الوريث الأول المهم جاو كلهم كيرحبو بيا حسيت براسي شخصية مهمة كلشي كيضحك ليا أو كيسلم عليا طلعنا المكتب ديال فهد عطاني كتوبا فيهم كل مكيتعلق بالشركة من المسيرين أو الخدمات اللي كتقدم أو أنا كنقرا دخل واحد الشاب أنيق شافو فهد أقال رفيق دخل دخل سلم علينا أو رحب بيا فالشركة أوخرج قال لي فهد بلي هو خدام فالشركة أو الصديق ديالو الروح بالروح جيت نظور عندو أو نقول ليه بلي باينة فيه ظريف الضربات ليا اديا مع الطبلة ديال الجاج أو تجرحات جا فهد باش اداويها ليا مدخل غير أريج أو لقاتو شاد ليا فادي كان باينة فيها محملاش الموقف بدات كتغوت او قالت لي يلاه جتي غي بيومين أو دغيا بغيتي التيح السيد فالشبكة قاطعها قاطعها فهد أو هو معصب أو قال راه ختك زعما هادي احتارميها بلاصت متجي تشوفي مالها رديتي البال غير واش شاد ليها فاديها حسيت باريج بحال الا حسات بغلاطها لكن خرجات بلا متعتدر عتدر بلاصطها أدوا ليا ادي شعور غريب حسيت كان خايف عليا أو مهتم بيا لكن كنت كنقمع راسي بلي هو راجل ختي المستقبلي
دازو الأيام أو تعلقي زاد بها العائلة واحد النهار اللي كان ربو فقت قلت أجي نجيب واحد الدورة فالدار أو أنا نسمع صوت البكا خارج من بيت أريج قلت أجي نشوف مالها دقيت أودخلت شافتني أو قالت أش بغيتي خرجي ممسلياش ليك رديت عليها ماغديش نخرج حتى نعرف شنو بكاك مكانتش بغات تعاود ليا لكن بطرقي الخاصة أو اصراري عليها خلها تفتح ليا قلبها أو تعاود ليا ’أنا كنعرف واحد الدري معقول أو ولد الناس كيبغني أو حتى أنا كنبغيه أو كيتسناني نكمل قرايتي أو اجي اخطبني أنا فاجأتني هدرتها كفاش علاش نتي مكتبغيش فهد على حساب تصرفاتك اصحبلي كتبغيه أو كتغيري عليه جاوباتني أو هي حادرة راسها كنت كندير هكاك غي باش نحرجك قدامو هادشي حيث مولفتش تكون عندي ختي أو بالأحرى أنا اللي مبغيتش نولف قلت ليها أنا معمرني غادي نفرض عليك تولفني ولا تبغني لكن متنسايش بلي بحالي بحالك حتى أنا معمرني ولفت تكون عندي ختي ولا حتى عائلة أنا قلبت ليها الموضوع أو قلت ليها اوا أش غادي دري مع حبيبك أشنو سميتو هي أوكتضحك’مكرم ,معرفتش كيفاش غادي نقولها البابا أو فهد جاوبتها أو انا واثقة من راسي ما تهزي هم أنا غنعاونك أريج’ بصح بصح تارت عليا أو عنقاتني عاد حسيت بمعنى الأخوة كان احساس جميل
البارت 9
مشيت لبيتي أو أنا كنفكر كيف نعاونها شوية سمعت صوت فهد عرفتو واش طالع مشيت طايرة المريا قاديت حالتي بقيت كنتسلت لحدا الباب حليتو غي بشوية أو أنا كنطل جيت نطلع راسي لقيتو كيشوف فيا أهو مبتاسم ارتابكت معرفت مندير محسيت حتى سديت عليه الباب بقا كيدق حليت قلت ليه أشنو قالي غي بغيت نقول ليك بلي ساليتي التدريب أو غادي تبداي الخدمة فالشركة بشكل رسمي أنا فرحت ألاه غنبدا الخدمة مشعرتش حتى نقزت عليه هو حشم المهم قلت ليه بلي عندي شي هدرة نقولها ليك قال لي نمشي نبدل أو هاني معاك مشيت ليك الالة أولبست أحسن بيجاما عندي أو قفت حدا المرايا كنتعوج أونتقاد او الريحة على الجهد أو تسنيتو حتى خرج من بيتو أو أنا نتبعو مشينا جلسنا فالجردة بديت ليه الهدرة أو انا نقول ليه كيشتي دبا نتا أو ختي غادي التزوجو لكن ختي كتبغي واحد اخر هو أو برودة أعصاب صافي هدشي اوا الله اكمل ليها بالخير أنافاجأني برودة دمو أسولتو على سبب تصرفو جاوبني أو قال أنا أصلا كنت داير الخاطر غير الوليد ,أما أنا فكنبغي أوحدة أخرى أنا ديك الساعة بحال الاضربتني بشي تصرفيقة قلت ليه أو بعصبية اوا الله اكمل ليكم بالخير أو مشيت أو خليتو بدا كيعيط ليا لكن مديتهاش فيه أو أنا طالعة البيتي بان ليا بابا فالصلون قلت أجي نعاود ليه حتى هو فالاول رفض لكن من بعد ماعاودت ليه أشنو قال ليا داك بوراص على البنت اللي كيبغي وافق أو قال لي خاطر بنتي هو الأول أنا مشيت كنجري عند أريج نقولها ليها أو أنا غادية بالسرعة القسوة جبت واح الربحة فالدروج درت نشوف ياكما شافني شي واحد بان ليا فهد ميت عليا بالضحك لكن ماديتهاش فيه أو دخلت عند أريج لبيتها فرحات مسكينة أو شكراتني من بعد هادشي علاقتي بها زادت قوات طلبت منها تمشي معيا نشري شي حوايج على قبل الشركة اكنو كلاص أو هي وافقات أو حنى خارجين تلاقينا مع فهد قالينا يلاه نوصلكوم أنا رفضت لكن ختي كانت باغية باش تشكرو على التفهم ديالو طلعنا أريج’ بغيت نشكرك على التفهم ديالك أنا و بدون شعور لالا أحبيبة مكاينش لاش تشكريه هو أصلا كيبغي أو حدة أخرى هو شاف فيا من المرايا أريج’بصح بصح اوا شكون هاد سعيدة الحظ أنا غير سمعت هكاك درت أودنيا باش نعرف كان فيا الفضول نعرف كيدايرة واش زوينة عليا لكن هو مجاوبهاش أو قال ليها قريب غتعرفوها لمهم وصلنا خرجات أريج تبعتها أدفعت الباب بجهد سمعتو خرج من الطموبيل أو بدا كيشوف فيا قلت ليه بالنفخة سمح ليا أو مشيت مشينا الشي بوتيكات غزالين أو شريت شي لبيسات واعرين شفت الناس كي عايشين أو الحوايج كيدايرين تفكرت راسي ملي كنت كنلبس واحد السروال كاشف أو بودي كلو تقابي المهم رجعنا الدار تعشينا كول واحد مشا البيتو أو أنا باقي كنفكر أو نخمم شكون غادي تكون هاد ختي اللي بغات تدي ليا حبي بقيت الليل كامل أو أنا مفقوصة.
البارت10
الغد ليه فالصباح فقت توضيت صليت لبست البيسة اللي شريت أو درت شوية ديال المكياج أش غادي نقول ليكم ألبنات غير خمسة أو خميس عليا أو خلاص زعما بكل تواضع جيت غزالة كاع معرفت راسي فالأول, المهم هبطت كلشي مجموع على الفطور جلست أو تما بدا النقاش حول الزواج ديال أريج أو فهد اللي تلغى أو بحكم أن العائلة ديالي ناس متفهمين أو واعيين دغيا حلو المشكيل أو تافقو ميتمش العرس انا معرفتش علاش فرحت واخا عرفت بلي الا متزوجش هو أو ختي غادي اتزوج بهديك الأخرى المهم سالينا الفطور أو قالي بابا باش نمشي مع فهد اوصلني حيث هو عندو شي شغال اقضيهم أنا فرحت مشيت سبقتو الطموبيل ركبنا قالي فهد باقي مقلقة مني ’جاوبتو أو أنا ممهتماش أنا علاش شكون قال ليك بلي كنت مقلقة قال لي غي قلت حيث بنتي ليا البارح بحال الا محملانيش قلت ياكما درت ليك شي حاجة ,’ لا مدرتي ليا والو وصلنا حدا باب الشركة يالاه بغيت ندخل أو هو اعيط ليا من اللور درت عندو هو بابتسامة جيتي غزالة اليوم ألاه أربي غادي اسكت ليا القلب شحال خرجات زوينة من فمو لكن معلوم مبينتش ليه قلت ليه شكرا أو دخلت طلعت النيشان المكتب ديالي الجديد اللي دجا وراه ليا بابا جلست فوق الكرسي أو كندور بيه أو أنا كندير ديك الضحكة ديال الشريرات مجيت فين نكمل الدورة الأخيرة حتى بان ليا فهد كيشوف فيا أو هو مصدوم صحابو واش تسطيت جمعت الوقفة قال لي هيا تعرفتي على البيرو ديالك الجديد قلت ليه أه وراه ليا بابا قال لي مزيان غادي اخوى البيرو ديالي بلا بيك قلت ليه فخاطري ماشي مشكيل نقدر نرجع ليه دبا الا بغيتي المهم مشا الخدمتو أنا قلت صافي سلا وقت التفليا أو دبا جا وقت الخدمة قلت باسم الله أو بديت بانو ليا شي وراق مفهمت فيهم والو قلت اجي نسول عليهم فهد أو انا غادية بان ليا رفيق داخل العندو قلت أو الله حتى نمشي نتسنط نشوف ياكما غادي اجبدو سميت هاديك مولاتي أنا حطيت أودني عند الباب أو سمعت رفيق كيقول ليه أصاحبي حتال امتى غادي تبقى هكا تشجع أو قولها ليها فهد مجاوبوش سمعت حسهوم تقطع عرفتهم واش حسو بيا بغيت نهرب قبل مايخرجو لكن سمعت الباب تحل او هو اقول فهد ’نهال ياك لباس أنا درت عندو لا والو باس غير بغيتك تفهم ليا شي وراق الا جات على خاطرك أو انا فخاطري كنقول علاش زهري معوج فينما كنبغي نكحلها كنعميها قال لي معلوم دخلي دخلي.
البارت11
اصلات وقت الغدا جا عندي فهد البير او قال لي ممكن نتغداو بجوج أنا بطبعت الحال وافقت و بدون تفكير مشينة الواحد المطعم غزال أو نقي حطو لينا ماكلة زوينة تغدينا أو هي هديك قلت أجي نقلقلو مربانا اعاود ليا على اللي شاغلة بالواو بغات تديه ليا هو حسيت بيه ارتابك أو بغا ابدل الموضوع او اهرب او قالي هاني راجع بان ليا التلفون ديالو نساه فوق الطلبة قلت اجي نقلب فيه مرابنا نلقى شي حاجة توصلني ليها مي هو مطور الميساجات كلهوم ممسوحين الجوغنال دبيل خاوي أو الكونتاكت داير ليه الكود أو قلت نشوف غي التصاور عندو تصاور واعرين خديت ليه واح زوجات ليا شوية بانت ليا واحد التصويرة ديالي معرفتش امتا خديتها كنت فالجردة كنسقي شي وريدات بقيت مصدومة جيت نعاود نتحقق واش هديك نيت أنا أو هو ابان ليا جاي جا حيد ليا التلفون بزربة من اديا انا قلت ليه راه غير سمعت الصونيت أو قلت نشوف ياكما هو حسيت بيه برد أو قال لي ماشي مشكيل مشينا قلت ليه يلاه رجعنا الشركة لكن بالي باقي مشغول على أش غادي تكون كدير عندو تصويرتي زعما كملت خدمتي أو خرجت رجعت نيت معاه فالطموبيل كنت بغيت نسول على داكشي اللي شفت لكن مركت النسولو قلت غادي اقول بلي غي حاسة براسي المهم ماعليناش وصلنا الدار أو حنا كنتعشاو كلشي كان فرحان أو كيهدر حسيت بدفء العائلة او عرفت المعنى الحقيقي ديالها واخة علاقتي بعمي كانت متوثرة لكن معليش مع الوقت كلشي غادي اتصلح طلعت البتي قلت نضرب ليا طليلة فالبالكون لقيت فهد مقابل مع بيتي او كيشوف فها بحال الا كيتسناني نطل حسيت بيه ارتابك ضحك ليا أو ضحكت ليه او تهت فعالمي الخاص اللي كلو مشاعر أو أحاسيس مختلطة فصباح نهار زوين أو مشمس سمعت بابا كيقول الماما تقول ليا بلا منمشي الخدمة حيث مكاين مايدار أو بلي هو غادي امشي مع فهد الواحد الإجتماع فشركة او خرى فالصراحة كنت باغية هاد الراحة نيت لمهم هبطت تلاقيت ماما هي أو مرات عمي واجدين باش اخرجو فين غاديين أماما ,’ غاديين غير نتقداو شي حاجة الدار,’ تبغي نمشي معاكم لا بلاش غير خليك ترتاحي اليوم
أووف الملل حتى واحد ماكين فالدار حتى من أريج أو فرح كيقراو مشيت جلست فالصالون بان لي عمي فالجردة كيقرا الجرنال بغيت نمشي عندو لكن خفتو اتعصب شاف فيا أو أنا نحدر راسي مشا اطلع البيتو سمعت شي صداع تخلعت مشيت كنجري بان لي عمي مسكين فالأرض تكركب من الدروج الفوق حتى التحت بقيت كنغوت جات الخدامة كتجري قلت ليها تعيط على اللومبيلونس أو أنا بقيت مع عمي حطيت ليه واحد الثوب على راسو اللي كان كينزف أو كانفيق فيه حاولت مانخليهش افقد الوعي أو بقيت كنهدر معاه حتى وصلنا الكلينيك دخلوه المستعجلات أو عيط على بابا العائلة كلها جات كتجري خرج الطبيب او قال لينا باش منتخلعوش او بلي كلا دقا فراسو أو كون ماجبناهش بكري كان غادي امشي فيها المهم دخلنا عندو الغرفة أو مشات فرح كتجري عندو أو كتبكي قال ليها ماكاين باس أو دار عندي أو قال لي الله ارضي عليك أبنتي نتي اللي وقفتي معيا’, ماتقولش هكا أعمي نتا بحال بابا او قال ليهم الله ارضي عليها هي اللي عاوناتني كانت الطريق كاملها أو هي كتهدر معيا باش نبقا عاقل المهم عطاه الطبيب الإدن بالخروج أحنا غاديين شكرني فهد على الي درت معا باباه قلت ليه الله أودي باباك فمقام بابا أو انا مادرت غير الواجب رجعنا الدار الكل كان فرحان حيث داز كلشي بخير
البارت 12
من بعد هاد الحدث ولات علاقتي مع عمي وطيدة كنت فيما نبغي ندير شي حاجة كانتشاور معاه هو الأول أو حتى هو مكانش كيبخل عليا بالنصائح ديالو وأخيرا كملات العائلة ديالي وخا كنت باقي كنعاني من فراق أمي الحبيبة لكن عائلتي الجديدة كانت كتنقص عليا ألام غيابها كنا كل ليلة كنتجمعو فالجردة من بعد العشا أو كانتناقشو او نهدرو أو بعض الخترات كان بابا أو عمي كيعاودو لينا على جدي أو كي كان كيتصرف معاهم كانو مساكن ديما كياكلو العصا فهادوك الأيام كنت مقربة بزاف من فهد كنا كنهضرو بزاف أو كتاشفنا بزاف ديال الحوايج مشتركة بيناتنا حسيت براسي تعلقت بيه بزاف لكن الشعور بالخوف من النهار اللي غادي اجي أو اجيب معاه مراتو المستقبلية مكايخلنيش نتهنا دازو الأيام على هاد الحال او انا كنزيد النولفو كثر كنا ديما كنمشيو الشركة بزوج او كنتغداو بزوج او فالعشية نرجعو الدار بزوج دوزنا لحظات زوينين حتى لواحد النهار اللي غادي ابدل ليا حياتي
فقت كيما العادة دوشت لبست حوايجي غادية الشركة تلاقيت مع فرح أو أريج قالو لي بلي مكاينة خدمة اليوم أنا تفاجأت كيفاش مكايناش الخدمة اليوم علاش أش واقع بسلامة جا عندي بابا قال لي أه بلا متمشي اليوم الشركة خرجي فوجي ليك مع البنات شوية مشيت بدلت حوايج الخدمة أو لبست حوايج عاديين أو خرجنا كنت حاسة بيهم مخبيين عليا شي حاجة مشينا درنا الشوبينك لكن خاطري مكانتش مهنياني كنت كنشوف فيهم او هما كيتغامزو بناتهم مشينا الواحد المطعم تغدينا فيه او بقاو كيلاهيو فالوقت حتى وصلات ديك 9 او رجعنا الفيلا كنت حاسة بشي حاجة غريبة الضواو ديال الفيلا كولهوم مطفيين دخلنا أو هو اتحل الضوء كلشي كيضحك ناس جداد أو غراب عليا كيغنيو سنة حلوة يا نهال أنا عاد عرفت بلي عيد ميلادي اللي معمرني حتافلت بيه حيث الظروف مكانتش كتسمح فرحت أو تغرغرو ليا عنيا بالدموع , جات ماما لعندي أو قالت الحمد الله اللي حياني حتى شفت فيه هاد النهار لي بنتي كبرات فيه او ولاة مرا تبارك الله
كان كلشي فرحان لكن أنا كنت حاسة بالنقص حيث كان غايب عليا واحد الشخص اللي هو فهد ظليت كنقلب عليه الحفلة كولها لكن والو حتال النهار اللي مهم عندي هو تعطل فيه انا بقيت على أعصابي كنتسناه اجي سولت عليه مو قالت لي دبا اجي راه غير عندو شي شغال. الشغال فنهار عيد ملادي غير خليه حتى ابان ليا أولاه لابقات فيه شوية هاهو جاي بشوية عليه درت راسي ممسوقاش ليه جا العندي أو قال لي جوايوزان افيرسير قلت ليه شكرا أو قلت مع راسي مكاين لاكادو لا هم ياحزانون شوية عمي سكت الناس كولهم أو قال حنا اليوم مجموعين باش نحتافلو بعيد ميلاد بنتنا نهال أو اللي كنتمناو ليها عيد ميلاد سعيد أو كدلك كاينة مناسبة اخرى أنا استغربت اش غادي تكون هاد المناسبة أو هي مناسبة مهمة العائلة ديالنا او اللي هي الخطوبة ديال ولدي فهد انا تصدمت النهار اللي خفت منو هاهو جا يلاه بغيت نطلع البيتي عيط عليا فهد او قال لي قدام الناس مبغتيش تعرفي خطيبتي او انا نرجع البلاصتي أو حدرت راسي جاقرب ليا شفتو جبد شي حاجة من جيبو أو هو يقول لي نهال تقبلي التزوجي بيا. حيث الظروف مكانتش كتسمح فرحت أو تغرغرو ليا عنيا بالدموع , جات ماما لعندي أو قالت الحمد الله اللي حياني حتى شفت فيه هاد النهار لي بنتي كبرات فيه او ولاة مرا تبارك الله كان كلشي فرحان لكن أنا كنت حاسة بالنقص حيث كان غايب عليا واحد الشخص اللي هو فهد ظليت كنقلب عليه الحفلة كولها لكن والو حتال النهار اللي مهم عندي هو تعطل فيه انا بقيت على أعصابي كنتسناه اجي سولت عليه مو قالت لي دبا اجي راه غير عندو شي شغال. الشغال فنهار عيد ملادي غير خليه حتى ابان ليا أولاه لابقات فيه شوية هاهو جاي بشوية عليه درت راسي ممسوقاش ليه جا العندي أو قال لي جوايوزان افيرسير قلت ليه شكرا أو قلت مع راسي مكاين لاكادو لا هم ياحزانون شوية عمي سكت الناس كولهم أو قال حنا اليوم مجموعين باش نحتافلو بعيد ميلاد بنتنا نهال أو اللي كنتمناو ليها عيد ميلاد سعيد أو كدلك كاينة مناسبة اخرى أنا استغربت اش غادي تكون هاد المناسبة أو هي مناسبة مهمة العائلة ديالنا او اللي هي الخطوبة ديال ولدي فهد انا تصدمت النهار اللي خفت منو هاهو جا يلاه بغيت نطلع البيتي عيط عليا فهد او قال لي قدام الناس مبغتيش تعرفي خطيبتي او انا نرجع البلاصتي أو حدرت راسي جاقرب ليا شفتو جبد شي حاجة من جيبو أو هو يقول لي نهال تقبلي التزوجي
البارت13
أنا متيقتش اشنو سمعت بقيت حالة فمي طلعت راسي لقيتو هاز فاديه خاتم غزال جيت الندور لقيت كلشي راد معيا البال أو بابا أو ماما او عمي او فرح أو أريج كولهم كيضحكو او عرفت بلي كانو عارفين من قبل انا تجمدت معرفتش باش نجاوبو عاودسولني نهال واش تقبلي التزوجي بيا فالاول قلت نرفض باش نوريه كيفاش افقصني كاع دوك الايام لكن خفت نخصرو أو قزدرت أوجهي او قبلت بانت لي الفرحة خارجة من قلبو كان هداك النهار احسن يوم فحياتي أو تمنيت كون كانت معيا الميمة الله ارحمها باش تشاركني هاد الفرحة حيث كانت ديما كتمنا تشوفني عروسة لمهم دازت الليلة زوينة كلشي كان فرحان فيها .جاني ميساج من عند فهد كاتب فيه خرجي الجردة نشوفك بغيت نقول ليك هدرة مهمة أنا مشيت طايرة البيتي قاديت حالتي أو خرجت العندو لقيتو كيتسناني شاف فيا أو قال بغيت نقول ليك هدرة كنت حابسها فقلبي شحال هادي أنا أنهال كنبغيك من نهار جيتي الدار او نتي تبدلي فيا شحال من حاجة خليتني نعرف طعم السعادة انا تسرح ليا اللسان او عاودت ليه حتى أنا على مشاعري تجاه أو الغيرة اللي كنت كنحس بيها ملي عرفت بلي كيبغي اوحدة اخرى داك النهار كنت غادي نطير بالفرحة لدرجة انني منعستش الليل كامل أو انا كنفكر كيف غادي اكون نهار عرسي
الغد ليه فقت مبوقة بالنعاس لكن الفرحة ديال أنني غادي نشوف خطيبي خلاتني النوض او نتوكض هبطت أو حنا كنفطرو مد ليا فهد الخبز او حسيت بكلشي حاضينا درت لقيت كلشي حبس الماكلة أو كيشوف فينا غير شفت فيهم أو كلشي كمل بحال الا موقع والو داك النهار معرفتش فين تسلط عليا بابا يلاه بغيت النوض باش نمشي مع فهد الشركة او هو اقول لي تسناي ابنتي أنا اللي غادي نوصلك اليوم حيث عندي ليك شي هدرة خاب أملي أو أحلامي تحطمات كانت عندي شحال من حاجة نقولها الفهد درت عندو بحال الى موقع أو قلت ليه واخا أباب المهم وصلنا الشركة طلعت المكتب ديالي أو قلت أجي نمشي نشوف فهد بقيت كنطل فالبيرو ديالو مبان ليا حتا واحد قلت واه فين غادي اكون مشا هدا شوية حسيت بشواحد كينغزني من اللور درت لقيت فهد قال لي توحشتني دغيا قلت ليه توحشتك لواه الزمر راه غير دزت من هنا أو مبان ليا حتى واحد فالمكتب قلت ياك لباس أو مشيت أو خليتو
جالسا فالبيرو ديالي أو ممهنيني الحال بغت ندير السبة بأي حاجة باش نمشي نشوفو كنقلب على شي ورقة أو لا شي حاجة ووالو أتقول واش بغات تبان ليا شوية سمعت التلفون هزيت أو بان ليا ميساج ديال فهد كاتب ليا الشعر أو عارض عليا العشا فواحد المطعم بجنب البحر أنا وبدون تفكير جوبتو ديك الساعة أو وافقت سليت خدمتي بكري أو شديت تاكسي مشيت الدار أو أنا كنت عارفة أش غادي نلبس واحد الكسوة طويلة فالكرونة كنت تقديتها ملي خرجت أنا ا أريج او فرح دوشت أو لبست حوايجي او تقاديت درت طريقة جديدة الزيف تجي لي مع الكسوة أو هبطت خبرت بابا أو ماما او معلوم وافقو أو طلعت تاني نشوف واش هي هاديك سمعت تلفون شفت لقيت فهد مصيفت ليا فميساج بلي مبقيناش خارجين حيث عندو شي خدمة انا دخت مفهمت والو من الصباح او انا كنتقاد او نخطط او فالأخير خسر عليا ميساج واحد تمنيت كون كان قدامي نشتف عليه شوية جاني ميساج أخر فيه هههه غير كنضحك معاك هبطي هبطي هاني فالتحت كانتسناك أنا رجعات ليا الروح او وخا هكاك اللي دار ليا وقفت أو قاديت حالتي مرة اوخرى أو هبطت تلاقيتو كيتسناني وا مفركس لابس لبسة جديدة او كيبان بكوص كلشي كان حاضينا حتى معرفت كاع كيف غنتصرف المهم مشينا الواحد المطعم غزال قدام البحر شد ليا فاديا كان احساس لا يوصف الموسيقى هادية قال لي النوضو النشطحو أو مع ختكم زرقة فالشطيح أو خصوصا هاد النوع هو فهم بلي مكنعرفش او قال لي ماشي مشكيل راه ماشي صعيب غي نوضي انا غنعلمك نطت او بقينا كنشطحو وخا مسكين تعديت عليه بالطالون ديالي لكن صبر معيا تعشينا أو جمعنا كنت طايرة بالفرحة حسيت براسي مالكة الدنيا..
البارت14
رجعنا الدار طلع هو البيتو هاد المرة هو كان طالع فالدروج أو هو اجي على وجهو أنا شداتني الضحكة لكن حبستها دار اشوف ياكما شفتو درت راسي خدامة بالتلفون باش منحرجوش
النهار اللي غادي تكون الخطوبة رسمية قلنا غادي نتجمعو كلنا او غادي نعرضو على العائلة فقت مروبلة او مدابزة غي مع راسي جا فهد اهدر معيا أو انا نقمعو بدون شعور جات اللحظة اللي غاندي فيها القهوة اديا كلهم كيترعدو وخا مكان حتا واحد غريب لكن كنت خايفة صوت الكيسان كيتسمع أو هما كيتقرقبو فالأول عطيت القهوة البابا أو عمي غي وصلت العند فهد معرفت كيدرت حتى كبيت عليه القهوة كلها أو مزال سخونة ناض من بلاصتو كينقز او هو يقول ليا قدام الناس او هو معصب هادشي غير الخطبة أو حرقتيني اما ملي نتزوجو معرفتش أش غادي دري ليا أنا بقا فيا الحال علاش اغوت عليا قدام الناس المهم كتبنا العقد أو كلشي مشا طلعت البيتي أو أنا باقي كاعية سمعت الدقان حليت لقيت فهد جا مسكين اطلب مني السماحة أنا أو حيت مكنشدش فخاطري سامحتو حيث حسيت بيه
علاقتي بفهد زادت قوات من بعد الخطوبة النهار كامل أو حنا كنهضرو حبي ليه زاد كبار كنت الا مشفتوش كنحس براسي ماشي هي هاديك حسيت انني كنعيش أحلى و أنقى قصة حب عرفت معاه جانب اخر من الحياة مليء بالسعادة أو الفرح قررنا نمشيو انا وياه نزورو قبر المرحومة وصلنا أو الدكريات كلهم رجعو ليا تفكرت طفولتي أو الحياة اللي كنت عايشة مشيت طلبت الرضى من الميمة أو سلمت على ناس حومتي أو رجعنا دازو الأيام و أخيرا وصل نهار عرسي أو اللي كان أسعد نهار فحياتي هضرنا أنا أو فهد أو تافقنا أننا نعيشو فدار بوحدنا وصل الوقت اللي نخرج فيه أو أنا لابسة حوايج العروسة كنت أسعد انسانة فالكون رجعو ليا كاع دكريات حياتي سواء زونين أولا خايبين جات اللحظة اللي غنطلع فالعمرية حسيت براسي نجمة فالسماء كتلمع أو كلشي كيشوف فيها شفت الفخر فعنين والديا أو الفرحة فعنين راجلي داز عندي النهار كأنه حلم أو تمنيت منفيقش منو لغد ليه سافرنا فشهر العسل أو كان أحلى شهر رجعنا الدار أو بدينا حياتنا من الأول واخا كانو شي مشاكيل أو بطبعت الحال أنا سبابهم لكن راجلي أو تاج راسي مول العقل كان كيحلهم بلا صداع
تزادت عندنا بنية نور أو اللي زادت نورات لينا حياتنا او خلاتني نعرف معنى الأمومة هاهي كتكبر أو كول مرة كانت كتسولني علا كفاش تلاقيت أنا أو باباها كنت كانعاود ليها قصتي من الأول باش معمرني النسا كيفاش تغيرات حياتي من بعد معرفت سر عائلتي
النهاية