*** نسب البورتريه **
الادوات .. واساليب التظليل .. والضوء والظل .. وطبيعة صامتة ... واشتغلنا ع الملامس اللي تطورت منكم كتير في التظليل ... دلوقتي هناخد المستوى التاني وهو دراسة حول نسب البورتريه
اولا نسب البورتريه هي العلاقة اللي بتربط كل عضو بالاخر
يعني بعد مانعرف النسب دي هنراعي كل الاعضاء ونسبها الصحيحة لكل شخص اي ان كان حجمه يعني من الصعب اننا نرسم عين كبيرة عن عين او انف في اتجاه غير اتجاه او صغير او كبير غير المعتاد وطبعا كتير مننا بيخطأ في رسم البورتريه وبيطلع البورتريه معوق بسبب عدم مراعاة النسب دي
ندخل بقى ع النسب بأختصار
مبدأيا لو قسمنا البورتريه الى اربع مربعات اول مربع ده هيبقى من منبت الشعر حتى نهاية الشعر وده هيتحدد علي حسب ماعينك شايفة لنسب الشعر اللي قدامك يبقى مقياسنا الصحيح هو اننا هنقيس البورتريه من بداية منبت الشعر
كده يبقى البورتريه هيتقسم الى تلات مربعات بعض
بنفس الطريقة وجربوها ع نفسكم
يبقى نسب البورتريه
المسافة
من بداية منبت الشعر الي الحاجب ومن الحاجب الي اسفل الانف ومن اسفل الانف الي اسفل الدقن
يبقى كده البورتريه بنقيس المسافة من منبت الشعر لحد الحاجب هي هي نفس المسافة من الحاجب لتحت الانف هي هي نفس المسافة من الانف الي اسفل الدقن كده اتقسمنا البورتريه الى تلات تلتات تمام لحد كده
😘التلت التاني بيتقسم الى تلات تلتات
اعلي التلت الاول هيبقى فيه الحاجب تمام التلت التاني اول الخط هيبقى خط العين تمام خط العين
مبدأيا خط العين بيتكون من خمس عيون يعني مابين كل عين وعين عين
نوضح اكتر من بداية الاذن لحد العين اليمنى بمقدار مسافة العين اليمنى ومن العين اليمنى للعين اليسرى نفس المسافة بتاع العين ومن العين اليسرى للاذن عين يبقى كده خط العين متكون من ايه خمس عيون يبقى كده ماينفعش نعمل عرض البورتريه كبير عن كده بدام خدنا القياسات الصحيحة وللعلم العين هي وحدة قياس نسب البورتريه
😂😂انا بحاول اوضح ع قد ما اقدر من تفاصيل وبردو بحاول اختصر في الشرح للناس اللي مابتحبش تقرأ 
😍طيب عرض الانف من بداية القناة الدمعية للقناة الدمعية للعين الاخرة ده كده معناه ان عرض الانف عين وبالفعل احنا حسبناها في خط العين لما قولنا ان مابين كل عين وعين عين صح كده
طيب
نرجع بقى للتلت التالت اللي هو من اسفل الانف الي اسفل الدقن
بيتقسم بردو الى تلات تلتات
التلت الاولاني هو النسبة مابين الانف والشفة الاولي التلت التاني هو اللي فيه الفم التلت التالت هو من اسفل الفم للدقن
عرض الفم من منتصف العين لمنصف العين الاخرى. ده خط الفم
تمام لحد كده
طيب نرجع للودن بتبتدي من خط العين طالعة بي لخط الحاجب نازلة لخط الانف
يبقى الدودن من بداية خط العين لخط الانف تمام كده
النسب دي الصحيحة لكل انسان صغير او كبير وجربوها تقيسوها ع نفسكم طيب بالنسبة للعواجيز بتختلف تشريحيا لان الراجل العاجوز الجلد بيلم وبيبقى فيه تجاعيد والاسنان لما بتروح من عنده بيبدأ دبنه يرفع شوية في النسب بتقل ولكن هنا انت بتنقل اللي عينك شيفاه ولكن بعد فهمك للنسب عمرك ما هتخطأ
طيب كده لما تيجو تعملو النسب دي هتحسو ان البورتريه عريض هنا بيقوم التظليل بدوره في تجسيم كل عضو وبناء البورتريه بشكل ثلاثي الابعاد مجسم
اليكم الصور للنسب ذاكروها جدا وده هيبقى تمرين تعملوه
ملحوظة انا مش هتفرق معاية الاعضاء مبدأيا انتو ارسمو النسب علي حسب الاتجاهات مع العلم بخط القياس اللي هيحتددلك الاتجاهات ركزو شوية واعملو التمارين دي ولو هتعملي مكان كل عضو خط تجريدي ليه مش رسم الاعضاء لاننا لسه هندرب عليها في الدروس اللي جاية
اليكم روابط لتبسيط وشرح نسب البورتريه
https://youtu.be/1EPNYWeEf1U
https://youtu.be/DDc_Aa_FLzI
https://youtu.be/v4gGEC5iCDE
https://youtu.be/BRmuGF0Kolw
https://youtu.be/empBVZd5Rxg
ربنا يقويكم ويوفقكم
تحياتي ليكم
#حسن_ابوجودة_الشرقاوي
الناس اللي مشتغلتش في الدروس اللي فاتت ياريت تشتغل لانها مهمة