طريقة اعداد و تحضير مرندينا في البيت
ميراندينا :
4بيضات
كاس زيت
كاس سنيدة
نص كاس عصير الحامض
كاس حليب
فاني
3خمارات
3 كيسان دقيق.
-- ( 3 معالق كبار كاكاو + 3معالق سنيدة ) .
-- شكلاط مدوب مع الزيت في حمام مريم ويكون جاري لتغليف الميريندينا .
الطريقة :
نخدمو البيض شوية بالطراب ونزيدو سنيدة ونستمر في الخلط ونزيدو المقادير الاخرى ( ماعدا الكاكاو و 3 معالق سنيدة ) تم نقسم الخليط على 2 ويكون متساوي ، ناخدو لاطة مربعة بقياس 32/25
ونصبو فيها القسم الاول من الخليط وندخلوها للفرن معتدل الحرارة من التحت حتى يتحمر الوجه تم نطلعوها الفوق 4 دقائق تقريبا تم نخرجوها تم ناحدو خليط الكاكاو وسنيدة ونرشو عليها بواسطة صفايه باش يتوزع مزيان تم نصبو من فوقها القسم التاني من الخليط المتبقي وبلا مانجرو بالمعلقة باش مايتخلطش بالكاكاو ونرجعوها للفرن في الاسفل حتى تتحمر ، نخليوها تبرد ونقطعوها بحسب حجم الميرندينا و نسوسوه من الفتات ديال الجناب بواسة فرشاة باش مايخسرو لينا شكلاط ملي نغطسوها ، تم نغطسوها فالشكلاط ونحطوها فوق بلاستيكة تنشف و نزوقوها بخطوط شكلاط بنية اللون ( شكلاط اسود + ابيض مخلطين ).