كيكة التمر والكركاع
بالنسبة للدقيق على حساب النوعية والجودة ديالو كاين لي تيشرب وكاين لي لا اذل كل وحدة تشوف القياس لي غيجمع لها الكيك
3 البيضات + كاس سنيدة + كاس كبير دقيق ابيض + 2 خميرة الحلوى
+ ربع كاس زيت + ملعقة كبيرة قرفة + ملعقة صغيرة سكنجبير
+ كاس كركاع مقطع قطع صغيرة + كاس تمر مقطع قطع صغيرة
+ 250 g شكلاط
الطريقة
في اناء نضربوا البيض + سكر بالضراب الكهربائي حتى نحصلوا على كريمة
ونخلطوا الخميرة مع الدقيق ونضيفوها مع الزيت + القرفة + سكنجبير
ومن بعد نضيفوا التمر والكركاع ونحركوا بملعقة ملي وجد لينا الخليط ندهنوا المول بالزبدة ونرشوه بالدقيق ونصبوا فيه الخليط
وندخلوه الفرن الساخن بدرجة 180 تقريبا 45 دقيقة
ولتزين الكيك ندوبوا الشكلاط بطريقةbain marie وندهنوه
و نزوقوه بالكركاع على حسب الشكل اللي بغيتوا