حلوة بدون فرن

حلوة بدون فرن

طريقة تحضير حلوة نسلي بدون فرن

مقادير حلوة بدون فرن
الكوك كيلو و نصف
نسلي تقريبا 3علب
سكر فانيليا 2 خنيشات
لوز مفسخ مقلي ربع كيلو
شكلاط غبرة معلقة كبيرة
عسل هي و ما رفدت
طريقة تحضير حلوة بدون فرن بالصور
اولا كنعملوا الكوك ففرن ساخن و مطفي لمدة دقائق
كنطحنوه على الاقل مرتين فمولينكس حتى يرطاب
كنضيفوليه السكر فانيليا و النسلي حتى تجمع العجين
كنقسموه على 3
و نلون جزء بالاحمر و جزء بالاخضر و نخليو الجزء الثالث ابيض
اللوز كنفسخوه و نقليوه و نهرمشوه و نلونوه باضافة شكلاط غبرة و ممكن ما تضيفوهش 
تجمعوه بالعسل او بالنسلي و تحتفظوا بيه
العجينة نشكلوها كلها كريات صغيرة بحجم صغير جدا
نجمعوا 33كرات من جميع الالوان

و ناخدوا قالب المعمول و نعملوا في الكريات مع الضغط
بلاصبع او ملعقة خشب ونعمل فجوة في الوسط
ونعمروا الحلوة بحشوة اللوز
ونغلقوها
 ونقدموها فوريقات الحلوى