سلو من صنع أيدي هدية لكل سيدات المغرب

سلو من صنع يدي  مقادير 1كيلو لوز مسلوق ومقشر ومحمر في الزيت ومهرمش 1كيلو جنجلان محمر ومطحون 1كيلو و500غ كاوكاو محمر ومطحون غنخلو شوية حبات لتزين ملعقة كبيرة نافع مطحون ملعقة كبيرة قرفة مطحونة 2 لتر زيت مائدة 2كيلو سكر مطحون 5 كيلو طحين محمر في فرن دبا غنعطيكم طريقة تحضير هدا جنجلان لي حمرناه وطحناه وهدا لوز لي قليناه ومهرمش وهدا كاوكاو مطحون وهدا نافع مطحون وهدي قرفة مطحونة وهدا دقيق محمر أكي غنبداو غنخلطو للوز وجنجلان وكاوكاو مع دقيق ونغربلهم ثم نزيدو علهم سكر وقرفة ونافع ونخلطهم مزيان عاد نبداو نزيد فزيت أنا خدات ليا 2لتر زيت كاينين ناس لكيخلطو زيت وزبدة أنا كيعجبني ندير فيه زيت أصافي زيت غتبقاو طخلطو وتزيد فزيت عينكم ميزانكم كاين دقيق لي كيشرب زيت أكيان دقيق لي مكيشربش زيت ونخلطو مزيان أنعودو نغربلوه باش إجي منسجام ها نتما وجدت سلو فحالي ها نتيجة كيجات ليا ها نتما تفظلو دوقو ولله أخوتاتي كل لي كلاه كيشكره ليا أما كنحماق عليه أه نست وحد قضية نقو جنجلان مزيان من لحجر باش متكنوش سباب لتهريس دراس لشي بابكم ولا رجلكم ياولكم أنا غير علمتك باش متقولو أنا سباب بنسبى ليا كنغسلو باش يتحيد منه تاب أكندرو فشمش إوا شي دعوت الخير