الحب الأعمى (قصة مغربية)
- ضاوية من نهار شفتك ضويتي ليا حياتي
- ربي ربي أشعيبتي
وحق مولانا -
باركا من القوالب وإلى كان هادشي بصح جيب القوالب وخالتي وردية وخالي حمادي لدار -
- على أنا مقلتلكش أضو عينيا لوليدة هبط ليها طانسيو لبارح كانت غتموت ولواليد مشا يعزي فعمي مات لبارح مسيكين ومجاتش نخطبك قبل مايدور العام
- أنا بغيت يدورو عليك عشرة ديال لكلاب مسعورين قول أمين
- ومحرامش عليك تشوفي شعيبتك وسط لكلاب خايف
- لا متخافش مغاديش نقدر نفرق بينك وبينهم شووووف مبغيتش نعاود نشوف زلافتك تا يدور على عمك العام وإلى شفتك شي مرا قدامي غادي نقولها لخويا عبد القادر وراك عارف علاش قادر كلاب دوار كلهم يجمعهم عليك
ضاوية وااا ضاوية واش تقلقتي واااا ضو دوار واااا تسناااااي -
ديما ولد الحرام كيطلع ليا القردة لراس وكيخسر ليا نهاري هادي سبع شهور وانا تابعاه ومتيقاي فكدوبو الله يلكّيها ليه والله كن ماكان معمر ليا عيني لا شفت فيه شوفة ولكن غي بلاتي عليه إلى ماخليتها فيه أنا منتسماش ضاوية شعالة سلوكة وصلت لدار لقيت خويا عبد القادر واقف حدا الباب حاضي الغادي وجاي الله يخليها قاعدة
فين كنتي ؟؟؟ -
- كنت فالمريخ فين غانكون كنت فلواد كنصبن ليك شراوطك
- هادا كلو تصبين
- وأش بان ليك كون كانو شراوطك بحال حوايج ناس كّاع ميخوضو لواد بغيت غي نعرف واش كانو مطلين بتخت ولا بزفت
دزت فيه ودخلت لقيت مي وخالتي سعدية كيتفرجو فواحد سيديا ديال شيخات الله يهديهم
- تي شوفي أسعدية هاديك لي لابسة الفنيدي شحال كتشبه ليك
لايه أنا كتشبهلي هاديك مولات سالف الكحل لي داير بحال زنطيط ديال العودة غير أنا فايتاها بزين حيت عندي شامة-
- حرام عليكم مت بوشعيب طاح لها طانسيو لبارح علا حال تموت ولوسها مات لبارح ونتوما جالسين كتفرجو فشيخات
- شكون قالها ليك؟؟؟
سمعت بهاد لودنين لي ياكلهوم دود نهار نموت بوشعيب كيقولها لبنات دوار فالواد -
- هيي مسكينة نوضي أسعدية جمعي لوقفة سيري علمي عيالات دوار باش نلحقو كسكسو فالوقت وانتي أضاوية أبنتي سيري قطعي واحد ربطة ديال نعناع نمشي نعزي بها
- قطعي أضاوية جوج ربطات حنا جردتنا دبلات الله يزوجك
أميييين أخالتي وعنداك تنساو ليا حقي ديال كسكسو -
قطعت ليهم ربطات ديال نعناع وأنا عارفة ليوم تقطع خالتي وردية لشعيبة راس حيت غي كان كيكدب عليا ولكن باش يتعلم يضحك على سيادو...تجمعو لعيلات دوار كاملين ومشاو يعزيو هالي دايا رابعة ديال سمن هالي دايا لبيض هالي دايا لبن المهم هو المشاركة هههه أما مت شعيبة شرات جوج مترو ديال القنبة لولدها على الموصيبة لي طيح عليها...وهو قالو والله وأعلم ربع يام مابان ليه الأترفدوار توحشتو صكّع عمرو دارها وغبر هاد الغبرة
البارت 2 :
2 كل اتنين كيكون عندنا سوق فدوار وديما أنا وصاحبتي عويشة كنمشيو بجوج ونرجعو بجوج - هييي على شعيبتي من عرف فين صد ماعرفتو واكل ولا شارب ولا ميت بجوع - ماتخافيش هداك عمرو طويل كي لكلب فين ما مشى ياكل إيوا متبقايش تسمي على زماني الكلب راه غيكون بات ولادي يلا بغا الله - - معرفت منين نشدك هاداك إلى جا خطبك فينما تشوفيني قوليلي عويشة لهبيلة ودفلي على وجهي وزيدي - صافي هاد المرا ما بقات ليه تا حجة باش ميجيش عمامو كاملين قتلهم بكدوبو ومو هاد المرة إلى هبط ليها طانسيو غادي تصفى ليها - هانتي هانا إلى معاود ختارع شي كدبة جديدة... شوفي شوفي هاداك مول لبطاطة ماشي جديد فالدوار آه واللهيلا زويون ولكن شعيبتي فايتو فزين يالاه نسولوه واش مزوج- بالله عليك واش كاين شي حد كيقارن العود بالبغل - وصلنا عندو من القرب كايبان زوين كتر بديت كنشوف فيه ومحسيتش براسي إمتى حليت فمي وبقيت بحالا أول مرة نشوف زين تا حسيت بالقرصات ديال عويشة - سدي فمك ألبهلة وسوليه بشحال البطاطا )- باقا مصدومة(بشحال البطاطا؟؟ - كنبيعها بستين ولكن ليك أزين نخليها ليك بخمسين صلي على نبي وخليها بربعين - - عليه الصلاة والسلام قولي بسم الله - مزوج؟؟؟ - لا مزال كنقلب على بنت ناس لي تفهمني ونفهمها - خسارة كنا بغينا نديرو مرتك فعينينا ولكن مكاين باس تدابا شوف غير قدامك وتلقاها خدينا البطاطا ومشينا بحالنا واخا عمري شريت شي حاجة لدار داك جوج دراهم لي كنت جامعاهم من عام لفيل باش نشري دمالج خسرتهم فالبطاطا ولكن مول بطاطا يستاهل - عويشة ياك مول البطاطة فطوكوبي ديال شاروخان - شعيبة : لاواه فطوكوبي ديال عتمان كوزان بسم الله الرحمان الرحيم شعيبة منين خرجتي لينا؟؟؟؟ - - من الأرض ياك آ ضاويه دغيا بدلتيني بهاداك الغول إيوا جمع فمك مكاينش شي غول قدك هداك راه زماني وبات ولادي و قبل ما تدكر سميتو شلل فمك بسمن و العسل - - ياك أضاوية أنا هادي ربع يام بايت فالكوري مع البهايم بسبابك وفالخر تنكريني - أنا شغلي بات تا فالخلا شوف نجيك من لخر بغيتيني جي لدارنا أنا منبقاش ندور معاك فزناقي تشوهني ومول لبطاطة بغا يخطبني قالي راس شهر يجي لدارنا يلا سبقك متعرفني منعرفك بسلامة
البارت 3 :
3 عل لله غير يدير شوية ديال نفس ويهز راسو ويهزني معاه أنا عارفاه كيبغيني ولكن معندو جهد ودراعو خاويين و الحب مكيوكلش لخبز وصلت لدار لقيت عبد القادر عاس كيما لعادة على الباب تانتي جبتي لبطاطة كّاع بنات دوار دايزين بيها - - حلف بالله بنات الحرام - علاش؟؟؟ حيت مول لبطاطة جديد فدوار عندو لحفرات ديال زين - بقات فالحفرات شوفي لعمارة لي فلحنك - حيد حيد من قدامي وانتا حنكك فيه الخالة قد درهم بحال خالتي سعدية بحال والو تكون ولدها - - والله متدركّي عليا زلافتك تنكفيك دخلت لدار لقيت مي مع خالتي سعدية طالقين لانطير ديال نميمة السلامة الخبارات ديال دنيا ودين تلقاها عندهم - الله على بنيتي جايبا تقديا بحال والو المرة جايا تجيب لعريس - العريس كاين موجود ولدي حمودة كيتسنى غير تقبل عليه - خالتي سعدية مفخباركش حمودة لبارح لقيتو فالعشة مع رقية علم الله أش كانو كيديرو بالإمارة شفتو كيزير سنطة لسروال - اوييييلي ميمتي دابا تلصق ليه هاديك الموصيبة شي مونتيف - أويلي أسعدية تي شفتي غي البنت أما زين رجال ديال ولدك حلال عليه جمعات خالتي سعدية لوقفة وجمعات جلايلها وضرباتها بواحد جرية اليوم تنوض العجاج فالدوارالله يقدرنا على عمل الخير أجي نتي أش كنتي كديري فالعشة - - الله يتبتك أمي على شهادة هادوك البيض لي ضربتي فالعشا توقفتي منين جاو من الواد - آه نسيت....سيري أبنتي الله يرضي عليك صلقيلينا داك البطاطة لي جبتي راه لهاتني داك المسخوطة ديال سعدية بالهضرة ونسيت مطيبت الغدا ليوم يجي باك يطلقني
البارت 4 :
درت مع شعيبة نتلاقاو فشلال مكنتش بغيت نتلاقاه ولكن قالي حياة أوموت -أش بغيتي تاني ؟؟؟ - توحشتك أضو عينيا- -طلقنا راه معندييش لوقت لي نضيعو معاك - واش بصح غتزوجي بمول لبطاطة ؟؟؟؟ -زعمة كتقول أنا كدابة سير سولو إلى متيقتيش- - والله تابغيت نتزوج بيك ولكن الله غالب امي قالت لي نتزوج بنت ختها ولا منعاودش تعتب دار - إيو كون راجل وعري على كتافك وانا والله تا نصبر معاك أشعيبتي - حلفي حلفي -وحق سيدي ربي -تسنايني ومتزوجيش بمول لبطاطة - -منتزوجش بيه إلى خدمتي وجمعتي فلوس لحلال ووليتي سيد رجال والله شعيبتي تا صدق راجل ناض تاهو دار الفراشة ديال البصلة حدا مول البطاطة ولا كيبح " البصلة خدو البصلة كيلو بستين وجوج بمائة '' أح صوتو شحال زوين كنظل نهار كاملو فسوق غي باش نسمع صوتو الحنين ونحضيه لا تلوي عليه شي وحدة راه عندي غير شعيبة واحد فهاد دنيا واحد نهار رجعت لدار مدوخاني شمش من سوق غير مسمعتش صوت خالتي سعدية من برا عرفت با هو لي كاين وبلي القاضية حامضة وبلخصوص إلى لقا مي ممطيباش لغدا وأنا دايعة فزناقي فين كنتي ألمسخوطة شفتك وليتي داخلة خارجة - - والله أبا إلى كنت غي فسوق إلى بغيتي نجيب لك12 شاهد نجيبو تحضي خطيبك إيوا إلى غير سوق مكاين باس نيت - كيفاش؟؟؟ ( شعيبتي ولا راجل دارها المرضي وطلب يدي من عند با ) - - جا اليوم مصطفى هداك البراني لي كايبيع البطاطة فسوق طلب يديك من عندي وأنا وافقت - ولكن أنا مكنبغيهش - شوفو لضاوية تا هي كتعرف البغا أنا عطيت لكلمة لراجل وكلمتي مكتنزلش الأرض تبغيه ولا متبغيهش أنا ماباغيش تبقاي ليا فراس خرج وزدح عليا الباب وكلامو باقي كيتعاود فودني وأنا أكتر وحدة عارفة بلي كلمتو مكتنزلش الأرض أنا مغانتزوج صطيفة واخا معرفت أش ندير دخلات ماما لدار تا هي معرفت فين كانت مجليا - ها انتي أضاوية دوار كلو عرضتو أنا وسعدية لعرسك وو جدنا ليك كولشي - - كيفاش؟؟؟ من إمتى صقتي لخبار هاد صباح - - مفكرتيش فيها ووجدتي كلشي ياك واقلة نسيتي واحد الحاجة - - أويلي ميمكنش نساو أنا وسعدية شي حاجة - - نسيتي آمي تسوليني واش موافقة واش أنا تقيلة عليكم تال هاد درجة باش تعطيوني لمن ما كان - - صطيفة راجل مزيان خدام بدراعو حسن من داك بوراس ديال شعيبة لي حاطا عليه العين - -باش عرفتني حاطة لعين على شعيبة - - كنت عارفاها من شحال هادي وزايدون فاش صاق لخبار بلي صطيفة جا يخطبك تا هو جا يخطبك معند باك - واش قاليه - - مالو حمق يقبل قاليه والله وعاود شافو كيدور عليك تا يقلب عليه دنيا إيوا ديري عقلك فراسك وتبتي
البارت 5 :
خرجت معصبة ومشيت لشلال حيت عارفة غانلقى تما شعيبة لقيتو جالس مهموم شعيبة أش هاد الوحلة أش المعمول؟؟؟ وااا - - كاين حل واحد أضو عينيا أماهو؟؟؟ - - انتي عارفة أنني درت جهدي والله شاهد عليا مشيت عند باك وجرا عليا....الحل هو نمشيو لمدينة تما نتزوجو وأنا نخدم وتاحاجة متنقصنا زعمة نهربو؟؟ - أه و كانحلف ليك بلي عمرو ميضرك جوع ولا يضرك البرد ولا تندمي ونتي معايا غير قبلي - بوشعيب انتا عارف وأنا عارفة بلي لمدينة مافيهاش هاد الأحلام الوردية لي كتواعدني بيها وزايدون هادشي راه حرام - - والزواج بزز بنضرك حلال؟؟ ولكن راه فيه رضات لوالدين أنا منقدرش نعيش وهوما ساخطين عليا - واخا إذن مكتبغينيش - نتا راك عارف بلي كنبغيك كون مكنتش بصح كنبغيك كّاع منخليهوم كيوجدو ليا فعرسي وجايا نتلقاك فشلال - - لا نتي مكتبغينيش كي كنبغيك بسبابك جراوعليا من دار بسباب أني كنبغيك رفضت نتزوج ببنت خالتي بسبابك مفكرتش فرضا لوالدين فكرت غير فيك فالمقابل نتي فكرتي غي فراسك - نتا راك دري دغيا غترجع رضا والديك ولكن أنا راني بنت والبنت ملي تخرج من دارباها ميمكنش ليها ترجع بحال كي خرجات ودوارنا دغيا كديع فيه الفضيحة كيغايديرو واليديا يهزو راس من بعد مانهرب مع واحد وزواجي قرب من واحد أخور إلى كتبغيني بصح خصك تفهمني ماشي تحكم عليا - أنا كنبغيك ومنقدرش نشوفك كتزوجي بواحد أخور لداكشي أنا غانمشي لمدينة بيك ولا بلا بيك غدا مع الفجر نتسناك فراس سوق إلى مجتيش غادي نعرفك بغيتي تزوجي بمول بطاطا وغادي نمشي لمدينة
البارت 6 :
ليل كلو وأنا فايقة كنفكر واش هادشي لي درت قرار صحيح واش نهرب مع الراجل لي كنبغي و نحط وجه وليديا لي تعدبو عليا فالغيس ولا نخلي راجل لي من ديما كان حلم بيه ونتزوج براجل معمرني شفتو جوج ديال لمرات مكّادين افففف تفكير كيجيب ليا جوع وانا مكنعرفش نفكر وكرشي كتغني...نضت لقيت واحد دلاحة جابها لوليد طلعتها لسطح وفرشختها هادي تصلاح هادي متصلاح تلقيت راسي كنعض فلقشور عاد طاح عليا لحل منهرب مع شعيبة منتزوج بصطيفة وصل الفجر وقبل مايمشي با لجامع وقفت كنتسناه باش نقوليه مغانتزوش بصطيفة ونمشي عند شعيبة قبل ميمشي لمدينة باش نقوليه يبقي وصل عندي با ورجليا بداو كيقفقفو ياربحة يا دبحة - أش كديري هنا مع الفجر ياهاديك تالفة - كنتسناك بغيت نقولك أبا شي هضرة - الله يسمعنا خير - با أنا راه مبغيتش نتزوج بصطيفة أنا راني كنبغي شعيبة وووو هو لي يبغيتو يكون زماني وو عافاك أبا يلا متخليني نتزوجو وهو بوحدو لي غيخليني فرحانة واش مبغيتيش أبا تكون بنيتك تكون فرحانة معرفت أش طرا من بعد لي عارفة أني حليت عيني لقيت ظلام ولي متأكدة منو أن راسي كان مفلق - واااااا مي شعلوووو ضو واااااعبد لقادر جيييييب شمع - الله يربي الله على بنيتي مشااااات مني سمعت مي كتبكي عليا وكتنوح عرفت بلي با صفاها ليا وانا دبا تحت تراب كن غير صليت الفجر قبل ماهضرت معاه - واا مي إلى كنتي كتسمعيني ملي ديري صدقة عليا سقي كسكسو مزيان وكتري لحم باش يدعيوا معايا ناس دواار - أويلي ميميتي بنتي عمااات وتسطااات الله ياخد الحق فلي كان حيلة وسباب - أشنو أنا وليت دابا عميا كتكدبي أنا متأكدة بلي أنتي كتكدبي ياك شحال دابا ساعة؟؟؟؟ - دابا تلاتة ديال لعشية وضو ربي معمر دنيا - أش وقع؟؟ - غير قلتي لبوك داك الهضرة جمعها معاك بواحد تصرفيقة ماجيتي طيحي غير على واحد حجرة قد الخلا جاب الله لي راسك باقي مجموع - دابا أنا واش مبقيتش نشوف ضو د ربي - داكشي لي قالينا طبيب دوار من بعد مكنت كنشوف كلشي وليت دابا كنشوف غير ظلام و من بعد مكان تاحد فدوار كيسبقني وليت إلى مكانش لعصا صابقني منزيد خطوة لقدام و من بعد مكنت ضاوية ضو دوار وليت ضاوية العمية آآه سبحان مغير الأحوال والحمد لله على كل حال جاب لله جات غير فعيني مجاتش فلساني كون منزيد فدنيا دقيقة كون تفركّعت... يكون شعيبة مشا لمدينة ويسحابو خليتو
البارت 7 :
من بعد مدازت عامين نص بنات دوار تزوجو تاعويشة لهبيلة تزوجات لحمق ديال عبد القادر وولات ساكنة معانا هناتني غي من تصبين ديال حوايجو... صطيفة ملي صاق لخبار بلي وليت عميا معاودش شفناه... وخالتي سعدية ولات غادا جايا عندنا كتر من قبل فشي مرات كتغضب عندنا بسيمانات من ولدها حمودة لي تزوج رقية ..شعيبة من داك نهار معاود سمعنا عليه شي خبار توحشتو الصكّع... وأنا باقة أنا عمية كي كنت هادي عامين مشفت ربيع كي داز ولا شحال ديال تلج طاح ولكن لساني باقي داير خدمتو وشاد ريزو وبلخصوص ملي ولات عويشة معاياا 24/24 ساعة واحد نهاررجعنا أنا وعويشة من الواد - شوفي أضاوية واحد طنوبيل كي دااايرة عندنا فدوار - ممم شميت ريحة إنا لون؟؟؟ - رمادية كتلمع بحال ديال تلفازة - أعلم الله ديال من تكون - براهش دوار كلهم مجموعين عليها الله يخليها سلعة تقول عمرهم شافو طنوبيلا - وعلى فين عمرهم شافوها مولفين غي بلبرويطات و لبغال زيدي زيدي راه تعطلنا من بعد ونجيو نسولو ديالمن وصلنا لدار وجدنا الغدا وغير حطييناه تحطات علينا خالتي سعدية من سما قاعدتها هي قاعدتها - عبد القادر: خالتي سعدية شفت بنات دوار كولهم مشطات شعرهم ومقادين حالتهم يسحابني ليوم العيد - عويشة: يعيدو بيك إن شاء الله ياك قلت ليك تبقا تحدر عينيك ملي تخرج من دار - عبد القادر: وراه البنات زينات ومقدرتش نرمش عيني - خالتي سعدية : معرفتيش علاش حيت شعيبة جا لدوار - عبد القادر: على من إمتى بنات دوار شافو فشعيبة من غير العمية ديال الضاوية سمعت العمية ديال الضاوية محسيت براسي تا هزيت داكشي لي كان فرجلي وشيرت بيه فين ما كان - خالتي سعدية : آآآآي الله يعطيك العما جبتيها فيا أ لمسخوطة - عبد القادر: أو الله أضاوية مقصدت الشوف لي قصدتو هو منعرف أش كان كيعجبك فداك شعيبة - خالتي سعدية : وتا راه مبقاش سميتو شعيبة ولا سي بوشعيب توما ماشفتوش كي ولا لاطاي ولباس وطنوبيلة - عويشة: هاديك طنوبيل الرمادية ديالو؟؟؟ - خالتي سعدية : أيييه ألالة - عبد القادر: مسخوط ميكون غير كان يبيع الحشيش ولا كيشفر فلبزاطم فالمدينة - خالتي سعدية : أنا نقول ونتوما قولو الله اعلم قالك كان خدام عند واحد شارف لاباس عليه وقبل مايموت كتب كلشي لبوشعيب حيت داك شارف معندو حد وشعيبة كيخدم من نيتو ودابا رجع لدوار باش يتزوج حليمة بنت خالتو ويديها معاه
البارت 8 :
فالدوار عندنا عادة كل عام فاش كيوصل ربيع كيتجمعو ولاد وبنات دوار وكيطلعو لجبل يدورو أنا مكنتش باغا نطلع أصلا عندي بحال جبل بحال لبحر كيبانو لي غي ظلام ولكن عويشة حلفات تانطلعو خافت يدورو لها بنات دوار بعبد القادر فشي مرات كنشك شكون فينا لي عميا معرفت أش عجبها فيه لا زين لا مجي بكري أنا بلاصتها واخا يبقى بوحدو فهاد دنيا - شوفي شوفي أضاوية شعيبة تاهو جا ومعاه حليمة وهما لولين لي طالعين لجبل تي كون كنت كنشوف كن مشيت نتفتها وكل وحدة شافت فيه نشطب بيها جبل أيا صكّعة كون غي هربتي معاه كون راكي دابا شادا ليه فيدو وولادكم فيديكم كون هربت معاه كون راني دابا قدام الدار كنرغب فعكّوزتك وشيخك حسن بعدا متبقاي تفافي فظلام لي مكتاب لينا كنديوها وصفيليا شعيبة كي ولاّ عافاااك باقي خنونتو كطل وراه تي لي خنونتك طايحة رجع بيض وعامر وشوية ديال لحية مغطيا ليه الوجه هاي هاي على شعيبتي كبر لحية شنو لون لي لابس لابس جاكيطا ديال جلد فزرق غالق وسروال دجين وأنا إنا لون لابسة سروال ليموني وطريكو خضر ودرا فالفنيدي ويلي ويلي سكتينا عنداك غير يشوفني فهاد الحالا يييييخ تايلا بغيت نتخبى فشجر نبان لا بلا متخباي تا يلا شافك يسحابو غير قوس قزح أويلي عبد القادر فين مشا عنداك يكون دوخاتو شي وحدة نتي لي مدوخاك شمش غا يكون غير هنا بقاي واقفة فهاد لبلاصة هانا جايا بزربة نشوفو غير فين مخشي والله ليوم تنصفيها ليه ونلقاه مع شي وحدة تسناك متخلينيش بوحدي ياكلني لحلوف واااااا عويشة مشيتي الله يتبعك لبلا نتي وهداك لي تابعة بقيت واقفة كنتسناها بنت الحرام تعطلات تا لعمود مجبتوش نرجع بحالي بديت كنسمع شي خطوات -عيشة هادي تي كنسمع لخطوات كيقربو مني ومعرفت علاش حسيت بتبوريشا شوية شدني داكشي من يدي - واااااا عتقو روووووح أعيبااااد الله - سكتييي - شعيبة؟؟؟؟؟ - وليتي مكاتحملينيش وكتخافي مني لهاد درجة صافي هانا غادي ومتعاوديش تشوفي وجهي تصدمت وتقول جاتني لقوى مقديتش نهضر مقديتش نقوليه تسنى...خطوات بعدو....شوية سمعت عويشة كتجري - أويلي مالكي علاش كنتي كتغوتي ياكما شفتي لحلوف - بغيتك تشوف تي إن شاء الله أما أنا فين كنشوف - وراه كنت كنقلب على عبد القادر ساعا غير ظلمتو مسكين لقيتوغي كيقضي حاجتو بين شجر - يخخخخ تفووو زيدي نمشيو بحالنا لواحد يتبع الخلا وميتبعكومش
البارت 9 :
دازت يومين وعقلي باقي كيفكر فشعيبة هادي عامين وأنا كنتسناه ليل ونهاروهاهو جا ولكن ماشي على ودي جا على قبل مرة وخرى باش يتزوج بيها ويديها معاه واخا يكون باقي كيبغيني مكاينش شي حد كيبغي يتزوج امرى عميا غادة غير بعكازوكتحسب الخطوات أش عندي مندير من غير ندوز ياماتي باش ماكان مشيت أنا وعويشة لواد باش نصبنو - بغيت يا سيدي ربي غير نفهم عبد القادر نجار و حوايجو عامرين بلاكّريس كي دار ليها - تي راه جيتيه فيام لعز أما شحال هادي كايكونو مطليين بزفت بكترة محاضي طرقان - سعدات هادوك لي فالمدينة كّالك عندهوم واحد الماكينة بحال تلفازة كتخشي فيها لحوايج كيخرجو مصبنين شفتي يال المنحوسة كون تزوجتي بشعيبة كن شراها ليك وملي تجي عندنا فلعطلة تبقاي تجيبيها معااك - أودي راه نحس معشش ليا فوق راس كل وحدة بدات كتفرك فقنت وانا بديت كنبرد عليا بالغنا - مالي يانا معندي زهر شعيبة تبدل عليا وزاد عطاني بظهر - سكتيييي ألمسخوطة - خليني نبرد على غدايدي راه دابا يكون كتغني ليه حليمة حبيبي أرب بص وبص بص - وسكتي ألويلا راه كيسمع - شكون با ؟؟؟ شوفي أعويشة يلاكانت شي حجرة حيديها ولا هاد المرة تقطع لي لهضرة - والله يقطع ليك الحس راه شعيبة لي كيسمع - هادا أنا أضاوية شعيبتك لي يسحابو خليتيه ونتي كنتي فسبيطارشعيبة لي بغا راسو كتر من أي واحد - شعيبة أش كدير فلواد - ملي سمعت بلي نتي كّاع متزوجتي ونهار مشيت لمدينة مبغيتيش تزوجي بصطيفة وضربك باك وجيتي على حجرة وعميتي بسبابي قلبت عليك دوار كامل - حلف بالله أشعيبة - وحق سيدي ربي - إيوا كمل راني عميا ولكن راني مزالا كنسمع كمل وكمل - أش غانكمل؟؟؟ - تا قلبتي عليا دوار كامل باش تقول ليا هاد جوج حريفات - ضاوية أنا كنبغيك و من نهار مشيت لمدينة معمرني نسيتك واخا غير ساعة ديما كنفكر فيك وخايف تكوني تزوجتي بغيري - إيوا أش غاندير بهضرتك ناكلها وتا ناس ديال دوار كلهم عرفينك غتزوج بحليمة - أنا مغنتزوجش بشي بنت من غيرك انتي لي كنتي كتبيغيني وانا كندور فزناقي ومعندي تا ريال نتي لي وقفتي وصبرتي معايا باش نولي راجل نتي لي واجهتي باك وخسرتي تشوفي دنيا كاملة على ودي وانتي لي سرقتي ليا قلبي وسرقتي نعاس من عيني وفرحة قلبي - إيو إلى هاد شي بصح جيب وليديك لدارنا - على أنا مقلتلكش أضو عينيا لوليدة هبط ليها طانسيو لبارح كانت غتموت ولواليد مشا يعزي فعمي مات لبارح مسيكين ومجاتش نخطبك قبل مايدور العام ههه - دور عليك لفعى قول أمين سير بعد مني مبغيتش نعاود نسمع صوتك - جاب الله جاتك فالعينين مجاتكش فالفم كون طيروك ليا أضويويتي نجي ليوم لداركم نخطبك إلى قبلتي عليا وهاد لمرا إلى مبغاش باك نخطفك منتشاورش معاك - يحليلي شعيبتي ولا رومانسي دازو 3 ايام على ما وجدنا راسنا وجاب سيدي بوشعيب عائلتو يخطبوني بنات دوار كانو غيموتو بالفقصة منهم حليمة مزيان وتبارك الله شحال صبرت معاه والفلخر يجيو يديوها باردة با هاد المرة مقال والو حيت ندم ملي وليت عميا قبل منديرو العرس داني بوشعيب لمدينة شفنا واحد طبيب وقالينا نقدر نعاود نشوف من بعد العملية لي درناها وكانت ناجحة الحمد الله ووليت كنشوف حسن من لول غير الله يعميها لشي حد يجبدني فداك الدوار وشحاااال زاد عجبني شعيبة ملي شفتو كبر زغبي ههه من بعد العملية بشهرين درنا العرس نوضناا العجاج فالدوار كولشي كان فرحان حتى من حليمة حيت دبرات على واحد سيد قالت والله أعلم حسن من شعيبة بنظرها أما بنظري شعيبتي مكاينش بحالو هه عويشة زغبية ولات كرشها لفمها ملي صاق عبد القادر لخبار مبقاش كيتزعزع من حداها خايف تولد على خمس شهور هه المهم فالخلاصة كنقوليكم أن إلى كان حلمك بين يديك وكان عندك جوج اختيارات بين تحققو وبين دينك وعائلتك ومبادئك كني متأكدة بأنه إلى حققتي حلمك على حساب الكفة تانية مغتكونيش فرحانة بحال إلى كانو بجوج فكفة وحدة وديما تأنيب ضمير تابعك لداكشي صبري والله مكيدير غير لي فيها لخير وغادي تأكدي كتر ملي غادي يدوز لوقت تمت بحمد الله
قصة "انا بوليسي و هي شفارة "