قصة التضحية (قصة مغربية)
"قد يولد الحب بكلمة و لكنه لا يمكن ابدا ان يموت بكلمة"
هاد العبارة انا كنامن بيها، او ما زال كنعيشها او عشتها ف 3 سنوات الاخيرة يعني منين كانت عندي 18 سنة حيت عمري دابا 21 سنة ، هاد العبارة ماشي غير انا لي امنت بيها حتى امير الله ارحمو امن بيها او مان تا يقولي الحب الحقيقي عمرو اتنسى و لا يموت..كنت كلما كنتفكرها كيضرني قلبي بزاف..او كنحس بالجروح ديال داك نهار مازال ما براوش او عمرهوم ما براو
لمهم بلاما نطول عليكوم نعاود لكوم الماضي لي عذبني او مزال كنتعذب واخا المكتاب ما منو هروب
*الماضي:
كيف العادة كنا ديما بجوج كل نهار حيت كان خاطبني او كنا متافقين نخدمو او نديرو دارنا او نتزوجو..العلم كولو عارفنا نحماقو على بعضياتنا او عمرنا نتفارقو مي القدر مان قوى مني و منو او فرقنا..كان تايبغيني بزاف، حتى الصحابات ما عنديش..مان فيه خويا صاحبتي كولشي..
دوزنا الباك او كنا كنتستيناو les resultas
هداك نهار "المشؤوم"كيف سميتو صونا لي امير قالي نسبقو lecy شوي و اجي ..مشيت كانت فيا الخلعة مي نجحنا بجوج فرحت بزاااااف قلت نخرج برا lecy نتسناه شوي بان لي فالقطعة د الشارع مشيت كنجري..شوي كنسمع لا نرجس وقفييي..ما حسيت براسي حتى دفعني او جات فيه الضربة طار تا السماء او تخبط...بقيت حالا فمي تصدمت..جاو ناس تجمعو..مشيت تلاحيت عليه..امير فيق فيق راه نجحنا او بمعدل مزيان ما تخلنييش او تمشي عفاااااااك.. قالي: ن..نرجس.ا.ااانا تانبغيك ك ب بزااف ..عنداك تنساينيي...او مات..ايه مات مات لي كنت كل دقيقة نهدر معاه لي مانقدرش نتخيل حياتي بلا بيييه..ماااات اميير...غيبت لقيت راسي فالسبيطاار...
ماما او بابا حدايا كنسولها ماما امير فاق حنات راسها او سكتات...بقيت كنغوت كنغوت....كنبكي الدم
كنت فبيتو كنشم ريحتو او نبكيي
جات مامات امير نوض ا بنتي تشوفيه باش نديوه ندفنوه...مشيت دخلت كان بارد بزاف قستو ما تيقتش شي نهار انشوفو ميت
تمنيت نموت بلاصتو واخا هو ختار انقذني و امووت
انا: امير علالالاش مت و خلتيني كون دتيني معاك انا منقدرش عنفدقتو او كنبكي بجهد كولشي سمعني...دخلات ماماه صاف ا بنتي باراك ربي بغاه او داه انا حاسة بك ا بنتي راه ولدي تا انا
منين كانو مخرجينو لا خليوه ما تديوهش لا بقاو كيزغرتو تما انا سخفت ما عقلتش على راسي
مشت زرتو فالقبر بقيت لابسة noire ما بقيت تاناكول ما كنخرج ما والو سادة عليا فبيتي حاولت نتاحر عتقاتني ماما..
موراها بقيت سادة عليا بيتي ما كنشوف حد كنشوفو غير هو تصاورو فكل بلاصة..منقدرش نساه..ولا نسا صورتو فاش ضرباتو طومبيل باقة لاصقة لي فذاكرتي بحالا هادي وقع غير البارح..وليت كنعس نحلم بيه نفيق نبدا نغوت بسميتو صافي تسطيت مشيت ل الطبيب عطاني شي دوا وليت كنبرى شوي كنت كل مرة نمشي لدار امير نجلس فبيتو ماماه كنت عزيزة عليها بزاف مي ما كتابش نكون عروستها....
*الان:
انا انتقلت من مدينتي حيت كول بلاصة فيها كاتفكرني بيييه واخا هكاك عمري نسيت ذكريات ديالنا كول ما توحشتها كنمشي لمدينتي و نزور قبرو كل مرة و نقولو بللي انا قربت نسالي قرايتي باش نولي استاذة كيف كنا باغيين او عمري نسااااااه سميتو محفورة فقلبي او عمرها تبدل..
ريحتو كنت تانديرها نحس بيه معايا ديما او الخاتم د الخطبة باقي ف ادي او عمري نحيدو حيت انا ديالو ديال امير لي ضحى بحياتو باش نعيش انا...
لذلك الحب لا يمكن ابدا ان يموت بكلمة"
#النهاية
واخة خايبة عندي الزهر(قصة مغربية)
قصة "انا بوليسي و هي شفارة "
قصة سندريلا مغربية (قصة مغربية)
قصة سناء (قصة مغربية)
قصة حماتي تعاستي و سعادتي (قصة مغربية)
قصة التضحية (قصة مغربية)
قصة المظلة (قصة مغربية)
الحب الأعمى (قصة مغربية)
قصة زواج ست أشهر (قصة مغربية)