قصة عزيز و الحب
انا عزيز دري الطولة الفورمة التبوگيصة ديما انتيك بكل تواضع لي شافتني
كاتزعط فيا واخا خوكوووم من عائلة متوسطة مي مخلي لوليد مكافي مع خوتي وانا
ديما مدبر على راسي بريكولات ديما لعاقا فجيب عمرني مگلت الواليد عطيني
ماعليناش قصتي غاتبدا نهار غانبدا نكبر بديت كنحس براسي حتا انا بدا يدخلني
داكشي ديال المراهقة درية لي شفتها كنضربلها غميزة , تبسيمة ماعليناش كنت
باقي بعلوووك ( ماضحكش عليا راك كنتي بحالي خخخ) باقي فسانكيام يلاه كنحس
بداكشي راك عارف ..... هاكا دااز عندي سانكياااام حيت عمرني قصدت شي وحدة
واخا كانو كيبينولي مي خوكوم كان بارد ديك ساعة باقي بعلوك موهيم سالا
العااام ..... جا الصيف عاوتاني خوكوم مكيسافرش حيت كنخدم على راسي لدخول
المدرسي باش نشري لكتوبا ونتفركس ..... صافي داز عندي صيف غا تامار ....
جمعت صريف خوكوم حربي من الصغر .... جا الدخوول المدرسي ومع أول نهار
فالليسي ....... جا نهار اللول ديالي فسيزيام خوكوم انتيك ورضاة الواليدين
اهم حاجة ماكانخرج حتا نبوسلهوم يديهوم بجوج ودعيوات لميمة ديما معايا وصلت
.... داخل لباب ليسي وكايبانليا نيو جا ليسي ودريات داكشي ديال عروض
الأزياء....... هادي هي طقوس اليوم الأول من كل عام صافي انا داخل ستك ستك
بانتلي واحد سويدية ( بطابع مغربي طبعا ) لا فصراحة لعوينات زورق وشعر زعر
هادي باينا جديدة حيت بانتلي بوحدها وتالفا مشيت قصدت لعوينة مي بنية صافية
بغيت غير نوجهها موهيم سلام سلام گلتلها سميتي عزيز ونتي بقات ساكتة كنت
كنتسناها تقمعني مي صراحة الزين و قمة التواضع گاتلي متشرفين وانا ملاك يا
سلاااااااااااااااااااام إسم على مسمى ( لا لا هادي ماگلتهالهاش گلتها
فدماغي ) موهيم خوكوم الآدااااب گلتلها متشرفين سمية زوين قاتلي ربي يخليك
گلتلها فاش نقدر نعاونك بنتيلي تالفة قاتلي اه انا جديدة فالليسي وحتا
فالمدينة ( الله الله باينة هاد القوق ماشي من هنا ).
گلتلها ومنين نتي
وكدا قاتلي انا جايا من فاس ( گلتهالكووم كنت حاس بلي القوق البري ماشي من
هنا ) وجيت مع واليديا وسكنا هنايا على حساب الخدمة د بابا اااااح يخليلي
بابا وزادت قاتلي راه نتا اول واحد كنهدر معاه هنايا مهم گلتلها مرحبا بيك
هنايا وحسبيني بحال خوك يلا حتاجيتي شي لعبة گوليها نوريهالك ...... وانا
نتفكر گلتلها شمن نيڤو عندك قالتلي سيزيام گلتلها حتا انا ....سولتها شمن
قسم والصدمة ياااااااااااااي جات معايا الهربة الهربة صافي گلتلها يالاه
نمشيو ندخلو ونوريك ليسي حشمات فاللول مي معندها حتا حل انا لي كتعرفني
دورتها شوية تما ..... گلتلها نطلعووو نشوفو واش جا الپروف حيت ديك ساعة
كان عندنا يلا مخفت نكدب الماط اول حصة عندو موهيييم طلعنا لقيت راسي جيت
عند واحد بوراس مكيشرح تا وزا صافي دخلنا ريحت فالطاولة انا والقوق البري
عفوا ملاك ..... مع اول حصة راكووووم عارفين مكين لا قرايا لا والو خرج داك
بوراس بحالو وبقيت مجمع مع ملاك يا سلاااااااام سمية كتحمقني .... زدت
عرفتها على راسي وحتا هيا كذلك قاتلي هي بنت فاس وتزادت تما وقرات تما حتا
لسانكيام ودعت ظروف مهنة د باباها باش يجيو لمدينتنا ..... وهي كاتعاودلي
هادشي وخوكوم حال فمو فداك الجمال الخلاب سهيت واحد لوقيتة فيها حتا
صونااااات وهي تصمك مي فودني تا نقزت من بلاصتي خخخخ القوق ومايدير مهم
خرجنا من ليسي مع طناش سلمت عليها هديرة بالآداب وقلتلها نتلاقاو فلعشية
كنا داخلين مع 4 ..... صافي تفارقت مع ملاااك ..... وصلت لدار كيف العادة
مشيت طليت على ميمتي فالكوزينة وهي تبقا تدعي معايا ...... طلعت لبيتي سديت
عليا وتصويرت ملاك محيداتش من بالي اي حاجة كنشوف فيها كاتبانلي تصويرتها (
تا هادي شدارتلي اويلي عمري كنت هاكا ) وسهييييت كنفكر فملاااك وهدرتها
معايا و الملامح ديالها فمها ضحكتها كلامها كولشي وااااااو إحساااس عمري
حسيت بحالو صاف او هزيت بورطابل او دخلت لباج شهيرة لي سميتها قصص مغربية
بالدارجة +18 كنقرا القصص ديال غلادياتورز حيت كيعجبني بزاف...... شوية
كنسمع لكنز ديال الدار ( الوالدة ) كتعيطلي نتغدا هيا هاديك هبطت نخشي
فوجهي ..... قربات 4 خسني نمشي نتبوگص ونلبس .... مهم وانا كاندير فتشاوك
سهيت فالمرايا عاوتاني ( گلتلكوووم انا راه هادي طيراتولي ) ..... صافي
ساليت خرجت من دار وغادي فطريق وعاوتاني كنفكر فملاك مي دبا كنفكر شنو
نگوليها حيت خوكوم طاح على وجهو ..... صافي وصلت لقيتها يالاه جايا من
لبعيد ستيو ستيو شيراتليا تسنيتها حتا وصلات سلام سلام كيف راكي قاتلي ساڤا
إي طوا اااااح يخليلي إي طوا معليناش قلتلها الحمد .... قلتلها فين سكنتو
بعدا قاتلي فحي السعادة الله حتا انا سعيد ( للإشارة حي السعادة قريب لحينا
) موهيم قلتلها يالاه ندخلو مشينا بقينا فالساحة كندويو واحد شوية جبدت
پورطابل قاتلي يااه تيلي ديالك فنيون اححح ... قلتلها اه اه ( لموووك هادا
راه خدمت عليه الصيف كامل ) شوية گلتلها ملاااك عطيني نمرتك ومنها يلا
حتاجيتي شي حاجة ولا نخرجو نوريك المدينة قاتلي اوكي تا انا يالاه كنت
باغيا نقولهاااالك ..... مهم اول خطوة درتها .... صافي صونات مشينا دخلنا
لقيسم گلسنا حدا بعضياتنا ضحك وتكركير وطالقينها تسرح ولفنا بعضياتنا .....
دازت ديك سعتاين طيارة والله محسيت بها .... مهم صونات 6 خرجنا قاتلي عزيز
والله حتا رتاحيت ليك بزااااف ( ياااي عاودي مسمعتش مزيان اااااح اقلبي )
صافي سمعت ديك الهدرة حتا انا جاوبتها بلي رتاحيت ليها وكاتعجبني بزااف (
خوووكوم مغربي ... لي گال عليا عناب نبلوكيه ) قاتلي بلي حتا هيا تعجبات
بيا وبشخصيتي احم احم التواضع ..... صافي خرجنا وحنا على الهدرة زوينة وكدا
باستني ف حناكي ومشات تفارقنا وانا غادي فطريق وكنضرب عليها من بعيد (
الحوووب ومايدير ) ماعليناش وصلت لدار بقوة التلفة ماسلمت حتا على الوالدة
وطلعت لبيتي شوية جات ميمتي وليدي كيف وقعلك مسلمتيش عليا اه اه سمحيليا
الوالدة راه غير الامتحانات ( الإمتحانات اولد لحرام ولعام عاد بدا اححح
اول مرة تبوسني بنت ) موهيم محكراتش عليا ومشات .... وعاوتاني بالي كلو مع
ملاك صافي زعطا ومادير شوية كنحل واتساپ كنلقا حبي المستقبلية فاتحا سلام
سلام زربت عليها بتوحشتك وهيا تجاوبني حتا انا ( الله الله القووق البري
حتا هو طاح ) صافي بقينا شادين ستووون قلتلها واش فيتليك تصاحبتي قاتلي لا (
الصدمة كااااااااانت قوية ) اواااااااااااه هاد التوووت كامل عمرو تصاحب
قاتلي اه لي كان كايجي عندي كنقمو اصلا انا مكنتش كنحمل دراري راه غير نتا
معرفت شنو درتيلي هههههه اوااااه انا والله مدرت شي حاجة ..... معليناش
سولاتني نفس سؤال مي باش نبان حتا انا پروفيسيونيل قلتلها انا بصراحة فايت
مصاحب دو فوا ..... وتفارقت معاهوم قاتلي مممم صافي بقينا شادين ساتونا حتا
لواحد الوقيتة وهي تقوولي .... ختنا گاتلي عزيز ( عزيز كنشوفك خهخهخه )
بغيت نقولك شي حاجة وي قلتلها تفضلي ملاك خودي راحتك قاتلي عزيز انا راه
عمري گلتها لشي واحد وعمري فكرت شي نهار انني غادي نبغي شي واحد مي اعزيز
انا معرفتش كيفاش وليت كنبغيك وهنااااك سكت قلبي واحد سانك سوگوند وساعة
وقفااات ولموارا ديال البصلة السيسائية دالمخيخ دمخي تشقلبو ... شوية قلبي
بدا يضرب بزاااف قلتلها ملاااك حتا انا نتي اول وحدا بغيتها من كل قلبي (
خوكووم مغربي طالقها تسرح مي والله حتا مزعوط ) صافي بقينا فداكشي دالحب
والغرام حتا لشي جووووج وكنا داخلين مع 8 قاتلي حبيبي صافي غانمشي نعس
...... اااااح على حبيببي كيف خاااارجة ضرباااات ف الپوطو ديال لوكوغ ديالي
زعزعاتو صافي قوتلها اوكي حبيبتي ... نضت فصباح وانا طاير بالفرحة فطرت
وتوجهت ليسي ل أرى ملاكي وليس للدراسة شكون خلاك تقرا معليناش وصلت معطل
لكلاس لقيت كولشي دخل كنت داخل عند الماط بزز باش خلاني ندخل داك بو راس
غير دخلت اول حاجة كنقلب على ملاك ... حتا كتشيرلي بيديها الحوبينو شادالي
بلاصتي سعداتي انا جيت گلست حداها وهاديك الساعتاين لولا كاملة وهي صاقلا
ومتبعة الدرس صافي حتا انا گلت نتبع وندير عقلي دازت ديك 2 سوايع ديال
الماط صونات خرجنا قلتلها ملاك واش داكشي بصح لي قلتيلي البارح ( مهم انا
غير بغيت نجبد الموضوع وصافي ) قاتلي اه وتظهر ملامح الحشمة خخخ لعوينات
فالڤيترينات ......
اه هيا هاديك انا قصدت غير باش نجبد معاها الموضوع
وجاوباتني اه بصح كانبغيك والحشمة غالبا عليها هزيت لها راسها قلتها ملاك
حتا انا كنبغيك وفوق مكتخيلي وأول نهار شفتك فيه حبيتك وصراحة بغيت تكون شي
حاجة بيناتنا فهماتني موهيمي قاتلي اه قابلة وكنبغيك بزاف احياتي او هيا
تبوسني ف فمي وليت حمر و قلتلها حتا انا ( بصراحة هاديك ساعة قلبي كيضرب ف
تسعين الحب ومايدير ) معليناش قلتلها دبا الربعة وداخلين غير عند إسلاميات
شبانلك نغيبو قاتلي لا عزيز يالاه نقراو هاد العام راه الجهوي .... صافي
تسمعت لحبيبتي ( تسطيتو بغيتوني نگولها لا وحنا عاد تصاحبنا ) طلعنا نقراو
....صونات 5 خرجنا ديك ساعة طلبت منها ماتمشي لدارهوم حتا ل 6 صافي قاتلي
واخا ولاكين فين نمشيو قلتلها نگلسو فشي كافي شنو بانلك وافقات (
سحابلكوووم غانديها لدار ديرو عقلكوووم درية بنت ناس ولكن غادي نديها واحد
نهار هير تسناو ) مشينا گلسنا بقينا كندويو قاتلي حبيبي كنتمنا عمرنا
نتفارقو جاوبتها حتا انا احياتي عمري نخليك ..... شوية وهي تسولني ياك
قلتيلي فايت ليك مصاحب اوا عاودليا ( الله الله شفتي لي فيه العياقة وكيكدب
من اللول ) صافي خوكوم مغربي طلقها تسرح وعطيتها كونتور 90 وبديت فالإبداع
وقلتها تفارقت معاهوووم حيت مليت منهوووم وصافي وهي تعصب قاتلي هيا انا
غاتمل مني وتلووحني قلتلها لااا متقوليش هاكا انا هادوك عمري بغيتهوم وغير
كنت مدوز الوقت وصافي مهم تيقاتني بدلت الموضوع وقلتلها نتي حياتي وعمري
نتخلى عليييك .... قاتلي حتا انا مكيهمنيش الماضي ديالك شديتلها فيديها
وگلتلها ملاااك كنبغيك كتر من راسي .... ماجيت فين نكملها حتا ...... يالاه
بديت كنگولها كنبغيك وهو يوقف علينا واحد خونا من تخنزيرة باينا باباها
جوج ميترو فطول وتلاتة فالعرض يهزني يهرب بيا كانگول مع راسي غادي يجمعها
معايا دبا بشي تصرفيقة ترگدني ... مهم ناضت ملاك سلمات عليه وانا بقيت مسمر
بلاصتي معرفت مندير شوية قاتليه بابا نعرفك على عزيز كايقرا معايا وجينا
لكافي باش يفهمني واحد الدرس .... نقزت انا بلا منشعر اه اه اعمي الدرس
الدرس ههههه وهو يدوي تباااارك الله صوتو كونطر باص گالي متشرفين اولدي
وبنتي هاهيا معاك وتهلا فيها بغيتي تجيو لدار تراجعو مرحبا وهي تنطق فليفلة
اه اه ابابا .... وخوكوم حاني راسو وحشمان قلتلو انشالله اعمي يكون خير
وملاك راه بحال ختي وهي تخنزر فيا ملااااك ( باينا معجباتهاااش ديك ختي )
مهم قالت لباباها هاني على ماتوصل 6 وغانجي انا وعزيز يوصلني حتا لدار
قالها واخا بنتي وسلم علينا ومشا ... قلتلها ناااااااااااري باباك متفتح
قاتلي اه وشنو سحابلك مي راه تنوا دير معايا شي حاجة ميعقلش عليك قلتلها
علاه انا نقدر ندير شي حاجة هههه قاتلي لمووك گبيلة....
مهم تفارقت مع ملاك .... مشيت لدااار كي العادة مشيتكنقرا ف ديك لباج تاع
قصص مغربية بالدارجة +18 واحد شويا صيفطات ليا حبي مساج او شدينا ستوون
فليل الحووووب وداكشي ... وصراحة هاكا دوزنا سيمانة كاملة بدينا كنتقربو من
بعضياتنا ولينا نخرجو كل نهار نتشاوفو كل نهار كانجي عندها لدار كنراجعو
تزااد حبي ليها لواحد درجة كبيرة وحتا هي كذلك وقدرات تشغلي وقتي كامل
وخلاتني نبعد على گاع بنادم لي كنعرف وليت مشغول غير بها وحتا هي تعلقات
بيا بزاف ... مهم واحد نهار غادي ليسي وكان فداك نهار اول مشكل غادي يوقع
بيناتنا ... مهم وصلت لكلاس لقيت حبيبتي وحياتي باقي مجات صافي مشيت گلست
وشديتلها بلاصتها حدايا شوية وهي تجي واحد درية گلسات حدايا ( سميتها مريم
وهي قرات معايا فسانكيام وجات معايا هاد العام وبيناتنا بوقووووووصة ) مهم
گلتلها عافاك مريم هادي بلاصت ملاك قاتلي علاه هي حسن مني مهم خوكوم حشم
وصقلت بلاصتي شوية وهاهيا جايا حبيبتي نااااااري غير دخلات دارت فيا واحد
تخنزيرة خايبة ( صراحة لي عمرو شاف القوق البري معصب ماشاف والو فحياتو )
معليناش سيفطاتلي ميساج قاتلي فين بلاصتي جاوبتها حبيبتي راني شديتهالك وهي
تجي تگلس وماقديت نگولها والو ... قاتلي اوا خليك معاها ... نااااااري
مريم قشعات لبلان وبلعاني بدات تگولي عزيز عينيك زوينين شعرك زوين وبداات
تلمس فيا صراحة انا دبت بلاصتي مهم ساعتاين كاملا وهيا كادير هاكا وكانشوف
فحبيبتي كاتعصب صراحة جات لووووز وهي معصبة مهم صونات وهي تخرج ملاك تبعتها
حبيبتي ملاك راه هي لي جات گلسات وكدا وهي تبدا نااااري جا مشدها بقات
كتدوي تدوي انا بيني وبينكوم والله مسمعت والو من داكشي آخر حاجة سمعتها
صافي سير بعد مني راني معصبة ... مهم خليتها على خاطرها مشات شوية انا خارج
من ليسي وهي تلبقني مريم ناااري بيناتنا والله وبغات تدوبك وتجبدك عندها
ديرها خطااار مهم قاتلي فين كنتي ا جن توحشتك غير من قبيلة لدابا مهم
قلتلها راه كنت كاندوي مع ملاك ..... مهم قاتلي مريم اه ... بغيت نطلبك
عافاك يالاه معايا وصلني حتا لدار ومنها نتوانسو ونقولك شي حاجة ... مممم
قلتلها اوكي وانا ولد لحرام يالاه مصيفط حبيبتي مقلقة ونمشي مع وحدا
اخرى... مهم قلتلها اوكي غاديين فطريق ضاحكين شوية وهي تقولي عزيز صراحة
نتا كتعجبني بزاف وكنبين ليك شحال من مرة مي نتا مكتفهمش ..... ياااااااي
يااااااي ياااااي مريم مزعوطة فيا صراحة كنت حاس ... مهم بما أنني مغربي
خصني نقوم بالواجب هههه ( نن اولاد لحرام راني كنبغي ملاك تسطيتو ) مهم
قلتلها مريم صراحة انا مصاحب مع ملاك وكنبغيها بزاف ... دارتلي ديك تقليقة
زعما ( صراحة وخا مغربي مي مفياش الفعايل wink emoticon ) واش انا تسطيت
نغدر القوق البري ... مهم قلتلها مريم سمحيليا نتي دريا زوينة وكدا مي
منقدرش نغدر ملاك قاتلي اوكي وخا ماقابلاش ... مهم ماديتهاش فيها وصلتها
وزدت فحالي هيا هاديك دازت داك لعشية غير جيت صيفت ميساج لحبيبتي ( بنت
الحرام مكتجاوبش ) عاودت صيفت والو ... عرفتها مقلقة ديال بصح صافي گلت
نمشي عندها لدار وصلت حلات ليا ماماها .... خالتي كاينا ملاك ( داكشي ديال
الصواب زعما ) قاتلي اه اولدي نكلمهالك قلتلها وي بقيت كنتسنا شوية وهي
تقولي ولدي راه سادا عليها ومابغاتش ( ناااري انا سباب تفوو ) قلتلها خالتي
واش نقدر نطلع عندها مهم طلعت قلت لملاك فتحي اختي عافاك ( للإشارة ماماها
حدايا )......
صافي حبيبتي ملاك حلات الباب وهي تقول لماماها خلينا
بوحدنا ... مشات ماماها وهي تقولي دخل ... وانا حشمان اويلي شكاتگول هادي
مهم دخلنا البيت سدات علينا قاتلي يالاه شرحلي شداكشي درتي وشنو بيناتكوم
.... بديت انا كنحلف ونشرح وعافاك وراه مكاين والو مهم سامحاتني وقاتلي
ماباقيش نشوف بحال هاكا صافي تواعدنا وقلتلها كنبغيك قاتلي مي تو ااااح على
لونگلي كيف خارجة من القوق البري مهم باستني بوسة خفيفة *: وتسامحنا ...
قلتلها دبا انمشي قاتلي اوكي حبيبي باي كنت هابط سلمت على خالتي خوكوم
الآداب والصواب كنعطيه قتلة ( لتوطيد العلاقات الدپلوماسية هادشي ماتفهموهش
) موهيم مشيت لدار فتحت لواتساپ ناااااااااري تخيلو وا لقيت 7 دالميساجات
من عند مريم وفيهوم لقلوبا وداكشي ههه تا هادي شبغات مهم قريت داكشي
ولصقتلها ڤي وبقيت كندوي مع حبيبتي شوية وهي تسيفط عاوتاني .... اووووف (
واش هادي مكتقشرش ) صافي مجوبتهااش داازت ديك الليلة وخوكوم نعس فرحان حيت
تصالحت مع حب حياتي ... كلشي من اجل لحلوة صافي غدا داخل القسم لقيت حبيبتي
گالسا مشيت حداها دوزنا حصة فشكل كيف ديما.... وديك مريم كتشوف فيا
وتغمزني مهم ماديتهاش فيها صونات الساعة خارج مع عمري وهي تشدني مريم قاتلي
مالك مكتجاوبنيش احبيبة .... اويلي انا يالاه تصالحت مع حبيبتي وهادي باغا
تخرج عليا ..... گلتلها سيري بعدي مني ا مريم شمن حبيبي ..... ناري
عاوتاني ملاك تعصبات عرفتو شوية مايتناتفو صافي جريت حبيبتي شرحت ليها
وگلتلها راه مابينا والو وهي لي لاصقا فيا مهم ملاك هاد لحوايج كيعصبوها
بزاف صافي دوزناها او ريحت معاها ف واحد لكوان بدينا كنهطرو ا هيا تلاح
عليا بدينا كنفلورطيو او جمعت راسي كتلها ملاك ماشي هنا او وصلت ملاك حتا
لدار ودرنا نتلاقاو لعشية فكافي كيف ديما .... وصلات لوقيتة ملاك ماسيفطات
لا ميساج لاوالو تخلعت عليها حيت ممولفاش ليها مهم شوية وهي تعيط اوف لحمد
هاهيا الو حبيبة ناري .... وانا نسمع حبيبتي كتبكي وتگولي انا تصدمت انا
تصدمت لا ميمكنش غادي نقتل راسي ...لا ميمكنش غادي نقتل راسي ... قلتلها حبيبتي مالك شرحيلي شواقع مالكي كاتبكي حسيت بها محطمة بزاااااف قلتلها قولي فينك نجيك قاتلي راني عاد خرجت من دار مهم شديتها بجرية حتا وصلت لعندها عنقتها حبيبتي مالك ... وهي غير كتبكي وتگول انا ضعت انا ضعت قلتلها يالاه نحيدو غير من هنا وندويو ا ملاك حيت فديك الوضع منقدرش نديها لكافي مهم مشينا گلسنا فواحد لبلاصة كاااالم وهي تنفجر عليا انا سمعتهوم سمعتهوووم .. عاوديلي حبيبتي قاتلي كنت داخلا لدار وانا نسمعهوم كايگولو بلي انا ماشي بنتهوم وغير مربييني ويالاه فكرو يصارحوني بها لا ميمكنش ... فهاد اللحضة غانولي طبيب نفساوي ههه حيت قريت واحد لقصة كتشبه لحياتي ف ديك لباج راكوم عرفينها ديال غلادياتورز مهم جريتها لعندي عنقتها وحسيتها بالأمان بجنبي قلتلها ملاك هادوك راه واخا ماولدوكش والاكين راه رباوك احسن تربية قراوك مامخليينك مخصوصة من والو خصك تحمدي الله عطاك ربي آباء فحلهوم مهم قلتلها خسك تمشي وتحاولي تعرفي منهوم علاش وكيفاش حتا جيتي لهاد دنيا وشكون واليديك لحقيقيين مهم تعرفي شكون نتي مي عافاك مديري فراسك والو وانا معاك وعمري نتخلى عليك صافي وصلتها حتا لدار حسيت بها بلي بيخير رديتلها عقلها لبلاصتو ..ظ صافي مشيت ريحت فالدرب شوية وهو يجيني ميساج ههه من عند مريم ( هادي وحقرب حتا كتقلب عليا مي والله منكويها ههه ) قاتلي عافاك اعزيز يلا مسالي اجي عندي بغيت نشوفك ... مهم زغبني الله قلتلها اوكي شمن بلاصة قاتلي غير اجي لحي ونمشيو لواحد البلاصة مهم داكشي ليكان تلاقيتها مشينا لواحد لبلاصة مضلمة شوية قاتلي اجي نگلسو هنا مهم گلسنا وبدات تقرب مني وتلمس فيا انا معجبنيش لبلان صراحة حسيت بحالي كنخون ملاك صافي بقيت كنبعد منها وهي تقرب مني وشداتني بزز يالاه بغات تبوسني وانا نوض ( ناااااااري كون بدينا والله منعطلها ) مهم نضت قلتلها مريم بعدي مني واش هادشي علاش عيطتيلي ... قاتلي عزيز انا مابقيتش صابرة انا كنبغيك ومنقدرش نعيش بلا بيك صافي ..... خليتها وانا نمشي فحالي ... مهم مطحتش فالمصيدة ديالها ( حيت لبنات خطار ممكن تصورني وتجبد ليا صداع معا حبيبتي ) خليتها ومشيت فحالي وغير انا كملت الشارع وغاندور وهي تبانلي ملاك جايا يخخخ مهم الحمد ماشافتنيش تخبيت حتا دازت ... وانا عاد يطلع معايا القالب وفهمت لبلان ان ديك مريم معيطة لملاك باش تحصلني معها ... الحمد منين تصرفت دغيا ومشيت فحالي .... دغية مشيت لدار وانا نسيفط لحبيبتي ميساج قلتلها حياتي فينك واش دويتي مع واليديك ( زعما راني مافخباري مايتعاود ) مجاوباتنيش باينا راهوم كيتناتفو مهم انا ماسوقيش شوية وهي تجاوبني ومعصبة گولي نتا فين كنتي وفينك دبا گلتلها حبيبتي راني فدار كنقصي ههههه البراءة خوكوم مومتيل خخخ ......... مهم عاوداتلي لبلان د مريم قلتلها حبيبتي انا راه مخرجتش وجوج هاديك مابيناتنا والو وراه غير باغا تفارقنا ... تفهمات الوضع وتيقاتني سلكت منها اوووف .... مهم دوزناها غدا تلاقينا فلكلاص وحالفا ديك مريم حتا تفارقنا جات عندي وكانت معايا حبيبتي وهي تگولي لبارح متعتيني والله مكرهت نعاودوها ( اش اوا هاااادشي ) انا تصدمت فديك اللحظة قلتلها مريم بلا ماتخليني نتعصب سيري بعدي مني وهي تدوي ملاك قاتلي حبيبي يالاه نمشيو وخليها تگول لي بغات انا تايقا فيك ياااااااااي ياااااي هادي هي الصدمة الكبرى انا گلت صافي غادي نتفرش ساعة الحمد سلكت منها مشينا شوية قلتلها حبيبتي ياك ما تيقتيها قاتلي لا حبيبي حنا بيناتنا الثقة صافي هيا هاديك من ديك نهار حلفت عمري نقلق حبيبتي ونمشي معاها بالنية صافي .... شوية سولتها واش دوات مع واليديها قاتلي اه وهي محطمة قالولي بلي تبناوني من عند واحد المرا لي كانت تخلى عليها راجلها وماقدراتش تعيشني معاها وجابوني لعندهوم حيت مكيولدوش وهنا عاد فهمت علاش معنديش خوتي مهم واخا متقبلتش هدرتهوم مي ماعندي ماندير ...... صافي گلتلها حياتي الجهوي مابقا ليه والو عافاك مابغيتش هادشي يأثر عليك بغيت نجحو بجوجنا قاتلي غادي نتقبل مع الوقت وعندك صح هوما راه ممخلييني مخصوصة لوالو انا كنعتابرهوم واليديا وغادي نبقا معاهوم .... صافي مشيت وصلتها لدار قاتلي يالاه طلع معايا نحفضو ... فصراحة مقديتش نقولها لا وهيا فهاد الظروف طلعت معاها سلمت على خالتي وعمي هههه قاتلي لا منگلسوش هنا نطلعو البيت فالسطح مهم فين كنحفظ واليديها راه عارفيني بحال خوها صافي طلعنا على اساس المراجعة او دكشي ههههه
هههه مهم طلعت انا وحبيبتي لبيتها لي فالسطح سدات الباب وااااو لقيت عندها
مكتبة متنوعة وكتب لغات صراحة هاد وليديها بصح ضريفين قلتلها ملاك بيتك
زوين قاتلي نتا اول واحد غادي دخل ليه راه حتا واليديا مانعاه عليهوم واااو
صافي گلست وانا نلقا واحد دفتر ديال اليوميات شديتو وهي تقولي لا واخا
حبيبي مغاديش تقراه سوكخي ههه قلتلها اوكي حياتي مهم جبدات دروس وجات گلسات
حدايا قاتلي صراحة والله مفيا منقرا قلتلها حتا انا حياتي .... شوية وهيا
تعنقني قاتلي حياتي كنتمنى عمرنا نتفارقو ونبقاو نبغيو بعضياتنا حتا نموتو
....حتا انا كنبغيك احياتي وعمري نتخلى عليك شوية وهي تغفلني بواحد البوسة
وبقينة *: *: هاكاك شوية سخنت مي شديت فراسي ( امين شكادير يلى كنتي باغي
شي حاجة ديرها فالحلال ) وحتا هيا مبغاتش تطلق مني وبدات تحيد فحوايجها
صافي قلتلها ملاك تعطلت خسني نمشي ... صافي سلمت عليها ومشيت لدار دخلت
لبيتي وبقيت كنتفكر فداكشي لي داز بيناتنا فالبيت صراحة دوك جنون لي عندي
فراسي واحد كايگول ليا زگلتي احسن فرصة ... ولاخور ولد الناس كايگولي مزيان
منين درتي هاكا حيت كنتي تقدر دير شي حاجة لبنت ناس وتقدر خاسرها ف مرة
.... شوية ترن ترن جاني ميساج من عند ملاك قاتلي حياتي وصلتي قلتلها وي
قالتلي صراحة ليوم راك تخطيتي سطاج لول قلتلها شكاتعني ملاك بهاد الهدرة
قاتلي ليوما عرفتك انك كتبغيني ديال بصح .... ومامصاحبش معايا على قبل
غاراضك ولا باش تديرلي شي حاجة .... قلتلها ملاك كنتي شاكا فيها انا كنبغيك
من كل قلبي ونهار حبيتك حبيت قلبك روحك وماشي جسد ديالك ( خوتي انا والله
حتا مغربي هههه حيت اي واحد كيتصاحب مع درية كايشوف غير المسائل ) معليناش
قاتلي حياتي بغيتي روحي نعطيهالك منقدرش نعيش بلى بيك كنبغيك ♥ .....حبيبي كنبغيك ♥
قلتلها حتا انا احياتي ... ومشيت لباج تاع قصص مغربية بالدارجة +18 كتليهم
راه باغي نطلع ادمين ف لباج ونعاود ليهم على حياتي و صدما قبلوني ف لبلاصة
او طلعت معاهم صافي ومشيت نعست هاديك ليلة فرحان حيت دزت من سطاج لول ههه
او طلعت ف لباج لي كنتمنا نطلع ليها تلاقينا غدا فليسي دوزنا احسن نهار ...
مريم دارت عقلها من نهار قمعاتها حبيبتي .... وهاكاك داز العام كااامل
كنتلاقاو انا وحبيبتي كل نهار مرة كنا كنراجعو فبيتها ( مع تسخينات شوية )
ومرة كنا كنمشيو لكافي نراجعو .... والحمد مع الوقت حيدتلها دوك الأفكار من
بالها بخوص واليديها ولات كتبغيهوم أكثر من قبل .... صافي بقا يوم واحد
الجهوي دوزنا نهار كامل فدارهوم كنستاعدو والدعم النفساوي ضغوغي ... مهم
دوزنا الجهوي اليوم الأول داز مزيان لينا بجوح كذلك اليوم الثاني و غير
كملنا كنت داير مع حبيبتي نتلاقاو فلكافي غير وصلت لقيتها سبقاتني سالات
قبل مني ... حيت هي كطير فالفرونسي وخوكوم ولد الشعب سطل غادي ماعارف حتا
سميت رومو ... مهم بقينا كندويو فالحووب وداكشي قلتلها ملاك صراحة مكرهتش
نجحو بجوج ونقراو بجوجنا لعام جاي فنفس لكلاص ... قاتلي ويلي شهاد الهدرة
حنا كنا كنخدمو مزيان وخدمت معاك كولشي يا لمسخوط والله وماتنجح حتى نطلقك (
ههه ماتخافوش راه غير كضحك معايا ) قلتلها نن والله حتا خدمت مزيان احبيبة
وإنشاءالله غادي نجحو بجوجنا ونشدو الباك بجوجنا وعمرنا نتفاقو ولا تفرقنا
شي حاجة قاتلي هاكاك لموووووك والله وتفارق معايا حتا نقتلك ههههههه القوق
البري يهددني .... مهم شوية مشينا وصلتها قاتلي والله حتا طلع معايا نسلمو
على ماما وبابا ونقولولهوم راه دوزنا مزيان بجوجنا ....تسطيتو نقولها لا
ههه صافي طلعت معاها لدار گلسنا بجوج مع واليديها وفرحاتهوم قالتلهوم بلي
دوزنا مزيان وكولشي بسباب عزيزهههه (عزيز كنشوفك هههه ) اويلي انا شدرت
قالتلهوم بلي عزيز عاوني بزاف هاد ليام وكان ديما معايا وعطاني دعم نفسي
معرفتش بلا بيه شنو كنت نقدر ندير ( وفي هذه اللحظة انا حشمان وحادر
راسي.....
يتبع...
يتبع...