قصة سناء قصة مغربية ( الجزء الاخير )

قصة سناء قصة مغربية 

( الجزء الاخير )

بارت 18

وسمعو راه غنقولكم اش قال بصح بلا غوات 

ماما : هدري قولي 

انا : قالي عزيز داركم مقبلوش بيا وقالي نهربو أنا وياه عند عمته لمراكش ونتزوجو 

ماما بدات تولول وتغوت اويلي شفايتك اخديجة البنت صافي شمت ريحة بيطانها بغات تتزوج أويلي على زريعة الكيف زريعت الويل باغيا تهرب ديريلي شفاية 

أنا : اويلي مالكم تقلبتو عليا أنا مكنبغهش وراه ك نحكيلكم كلشي اش داني ليه ولشي هروب 

ماما تافقت عليا هيا واختي حبسوني فدار صيق كامل مكان لا خريج لا درج الحمام هوا التالي ممنوع تقولي دوشي فدار سخني الما اصلا الجو سخون ، داز عليا صيف كحل أصلا مكنتش نبغي عزيز وزدت كرهتو تحبست فدار بسبابه وليت مين نسمع سميته نقول تفو ،،،

بارت 19 

داز الصيف ورجعت نقرا عزيز جه لعندي قتليه سير بعدني كنكرهك كفايا الي وقعليا بسببك 

مشا عزيز مكسور الخاطر وانا قررت نعيش حياة جديدة بلا بيه 

الجديد شعيراتي اه عبد الحق هههههه غير شافني دايزة جه يجري لعندي وكيعيط سنااء سنااء ريضي باغي نهدر معاك 

انا وقفت قتليه سلام 

عبد الحق : اش خبارك كيف داز الصيف 

انا : خايب خايب متفكرنيش 

عبد الحق : حسابلي غتكوني فرحانة عزيز خطبك 

انا : اويلي نتا منين جايب هاد الهدرة مكنش منها والو بقينا كنهدرو حتى عاودت ليه قتليه عزيز كان بحال خويا بنسبة لي ولكن هوا كان كيبغيني وصافي هدا مكان والله يخليك بلا متجبلي سيرته مرة أخرى 

عبد الحق : اوووه على راحة 

أنا : مالك ياك لاباس هههههه كنت مديق 

عبد الحق : اه صراحة ههههههه 

انا : هههههههههه 

عبد الحق فهمتيني 

انا : وتقول ههههههههه غي جاتني غريبة انا وياك كنهدرو 

عبد الحق : كفايا عامين وأنا عينيا كانو غيحوالو ديما متبعك حتى خداك عزيز 

انا : الله الله بلا متبقى تخربق عليا أنا ماشية بسلامة

بارت 20 : 

مشيت لدارنا فرحانة ناري شعيراتي عبد الحق ههههه جه هدر معايا ناري كان يحسابلي معفر حيت بوقوس وكلشي كيبغيه كلشي مزعوط فيه حيت زوين جايب راصه ، مشيت غديا وكنغني فرحانة 

غد ليه ماشية نقرا جه عبد الحق عندي 

عبد الحق : سلام لش خبارك 

انا : لاباس الحمد لله وانت 

عبد الحق ماشيا تقراي 

انا : اه كيما كتشوف 

عبد الحق مزيان بلاتي نشوفك 

انا ان شاء الله بسلامة ، مشيت طريق كامل كنفكر هدا اش باغي مني صراحة كنت مين نشوفو تجيني رعادة وندوخ كان قلبي يبقى يضرب نقول صافي اسناء مشيتي فيها ، 

بقى هكدك حالنا كل يوم يجي عندي يسلم عليا ويهدر معايا على لقرايا يزيدني لدارنا ويمشي شي مدة شهرين من بعد قالي سنااء انا كنبغيك أول مرة يقولهالي صدمني قالي وانتي مقدرتش كنت غنطيح ليه قتله باغية نشرب الماء هههه 

اش غندير أول حب فحياتي مضحكوش عليا 😦😦😦

شربت الماء قالي نهجتي 

انا : اه حتى أنا 

قالي شنو حتى انتي 

قتله : كنبغيك 

صافي بقينا بزوج ديما بزوج كنت كنبغيه بزاف بزاف بزاف 

بقيت على ماما حتى شراتلي تلفون بقيت ديما معاه ومين نرجع للدار نبقى معاه نميساجيو داك الوقت كانت اتصالات دايرة مساجات باطل من 12 ديال الليل هههه كنت كنبقى فايقة باش نصيفطلو مساج مع 12 ناريييي شحال كنت كنبغيه 

بارت 21 

هوا كان يقرى فثانوي وانا كنت نقرى ف ثامنة هههه بقيت باغية دغيا نمشي نلحق عليه بقيت كنقرى وناخد معدلات زوينة وديما ناجحة بمعدل زوين من بعد طلعت كطريام ثاني نجحت مشيت لثانوي وتماك تبدل عليا السيد بدا كيغير عليا يديني ويجيبني ويقولي متهدري مع حتى حد كنت فالقسم ندير حالة مع الي يقراو معايا و استراحة منخرجش هههه نخاف شي حد يضحك معايا مالي يقراو معايا وتوقع شي مشكلة حيت عبد الحق كان عصبي وصحيح طول وعرض كان رياضي ، هوا خسر مخداش الباك كان مثلث فثانوي من بعد مشا دار تكوين مهني ، بقيت معاه ديما معاه باباه شرا ليه موطور حيت تكوين بعيد شوية ، جه الصيف الثالث وانا معاه قالي سنااء باغي نشوفك قلت لماما نمشي عند صحبتي دغيا ونرجع 

اه نسيت مقتلكمش كنت درت صاحبة جديدة سميتها سكينة حسبتها كثر من صاحبتي درتها اختي وكلشي كنت كنحماق عليها 

مشيت لعندو طلعت معاه ف موطور بقينا دايرين دايرين كان اليل 8 ونص مشينا ندورو فواحد الجهة بعيدة شوية كانت مفيهاش سكان بزاف مزال متجزءتش ، 

عبد الحق : سناء حبيبة بغيت نعنقك 

انا : بقيت غي نشوف 

هبطنا من موطور غي جه يعنقني وتدوز الصطافيط شعلو علينا الضوء 

انا شفت بوليس بقيت نجري هربت نجري ونقول مجريت واش غنقولكم ديك جهة مقطوعة كنجري ونطيح كلي تنجرت بداك الشوك الي فيها معبتش براصي غي نجري نجري وتابعة الضو كيبانلي بعيد وصلت مجيهت واحد الديور كانو السكان قاعدين فالباب يتبردو حيت كان الصيف وأنا غي شفتهم وأنا نطيح سخفت 

دخلوني واحد الناس الله يعمرها دار دخلوني غسلولي لحمي كله شوك كلي تنجرت ناري كيف رجعت حالة 

بقاو ساكتين قالولي مالكي ابنتي اش كاين خفت نقول كنت مع حبيبي عبد الحق خفت نتفضح خفت عليه خفت على راصي بقيت غي نبكي بنت ديك السيدة قاتلها باينة شي حمار خطفها 

انا قلتلها واه واه خطفني ( ههههه ) بقيت نفكر فكدبة قالولي دارليك شي حاجة قلتلهم لاء هربتلو 

صافي قالولي اوا ابنتي معندنا منديرو ليك غنستناو يجي الولد يجي الدار ويوصلك بقينا نستناو جه ولدهم حتى 12 ديال الليل ، 

وصلوني لدارنا قيت نايضة القيامة ماما غير شافتني لباسي مقطع ولحمي كله مشرط طاحت سخفت حتى دارو ليها سوارت والريحة فاقت او حاجة دارت قاتلي اغتصبوك ، قتليها لالا دخلتني البيت قلبتني وانا نبكي لا لا ماما ما فيا والو ، جيران ملشي دارنا ترونت قلتلهم خطفوني 2 وهربت ليهم وهاد ناس سلكوني صافي دارنا خداوني المستعجلات شراولي الدوى الطبيب قاليهم خليوها على راحتها باش متمرضش نفسيتها

بارت 22

رجعنا لدار دخلت طواليط حشاكم لقيت 200 اتصال من عبد الحق و 100 مساج يقولي فينك اش طرا سمعت وصلتي لدار زاش فضحتيني قتليه لا مفضحتكش وقتليه راني مشرطة لحمي كله بسباب داك الشوك حتى نبرى ونشوفك كنبغيك بزاف بزاف تهلا فراصك 

عبد الحق فرح ومن داك النهار مشفته حتى بريت وبقيت نخرج وجه لعندي طمن عليا وقالي رآه بوليس قالولي اش كنت دير هنا فبلاصة مقطوعة قالي قتليهم غي كنت فدار عائلة وجيت راجع لدار بغيت نبول حشاكم وجيت هنا ومشاو ، قتليه ومدبرتيش عليا قالي لاء والله قلبت الدنيا عليك ومقيتكش طرتي قالي بوليس قبضوني وبقاو يشوفو ورق المطور 15 دقيقة وهوما يقلبو وقلبوني واش هاز شي حاجة معايا وشحال ديال تحقيق عاد طلقوني وبقيت نقلب عييييت ومقتكش وبقيت حدا داركم وشفتك فاش نزلتي من طوموبيل ديال دوك ناس ،

كان الحب ديالي ليه كيفوق كلشي صبرت لكلشي كنقول ديما مهم نكون معاه مهم نبقى حداه ، مين وصلنا ل 4 سنين ديال علاقة بينا جه قالي سناا راه دارنا بغاوني نتزوج ، 

أنا : ولكن راك عاد كتقرا وانا باقيا كنقرا ياك تافقنا مين نكبرو نتزوجو 

عبد الحق : سناء دارنا مبزين عليا نتزوج راكي عارفة كاين غي انا وماما بابا وخويا معندناش بنت فدار وماما عيانة خاص الي تقوم بدار 

انا : اه جيبو خدامة 

عبد الحق : لا بغاوني نتزوج 

انا : وشكون بسالامة 

عبد الحق : راني رافض مبغتش ولاكن اسناء معندي مندير 

انا : غير قول شكون هاد خيتي 

عبد الحق : وحدة كانت ساكنة ف الحومة ماما صاحبت ماماها 

انا : كنبكي وقتليه الله يكمل بالخير

بارت 23 

سكينة : سناء اه فخبارك عبد الحق ماماه خطبت ليه 

أنا : اه فخباري صافي سكتيني 

سكينة : ك تضحك وباستفزاز زعما هانتي خلاك وغيتزوج 

أنا : مشيت لدارنا ودموعي على خدي طريق كامل وصلت للدار نعست 

غد ليه تلاقيت عبد الحق قالي : سناء راه صافي خطبت 

انا : اه فخباري 

هوا : شكون قالهالك 

انا : صحاب الحسنات عطى الله ، قتله شوف اعبد الحق انا معاك دابا ولكن نهار تتزوج غادي منعاودش نشوف فيك الشوفة 

بقيت معاه حتى بقى لعرسه شهر وقتله صافي سير وجد لعرسك 

بقيت نبكي وندعي ربي طلبت النسيان ودكشي لي كان كنت نقرا فالباك وكنت نحفظ حتى وصلني مساج من رقم معرفتوش مكتوب فيه 

)سلام سناء انا فاعل خير بغيت نقوليك عبد الحق دابا عنده العرس وراحنا ماشيين ف كورطيج نيجبو ليه العروسة 

نزلو دموعي وعرفت شكون هديك صحبتي سكينة دارت نمرة جديدة باش تحطمني ومننجحش حيت نمرتي كانت غي عندو وعند سكينة وصافي 

كرهت جمعت الكتوبا وقلت ليهم لي بغا يقرا يقرا انا مقارياش جه الامتحان دخلت غي نسنيي ونخرج وسكينة عاجبها الحال باغياني نخسر 

وفعلا دكشي الي كان مديتش الباك

تحطمت بزاف بكيت بزاف بيني وبين راصي حتى حد ما حاس بيا من بقيت ندعي ربي ونقول يا ربي خليني ننساه ياك خليته لغيري ياربي حتى نسيته الحمد لله مبقا يجي فبالي نهائيا كاع ما فكرت فيه مزال 

عشت حياتي عاودت الباك وداك لعام قلت منخلي حتى حد يضحك عليا ، بقيت عاد كنفهم وعرفت أنو دكسي ماشي حب دكشي غي تخربيق حد الان كنبقى نفكر كنقول واش فعلا كنت كنبغيه ولا غي حيت كان يحن فيا ولا غي باس نحس انه معايا راجل ماشي بحال بابا معرفتش ولكن أسئلة بزاف كدور فراصي ، تعرفت على شخص جديد ولكن هاد المرة قصدني للزواج نيشان قالي سناء ناوي المعقول 

عجبني بزاف واخا هوا كبر مني داك الوقت كان عندي 18 لعام وهوا 38 عام فاش عرفته كنت فوقت خايب املي فكلشي فدنيا فرجال ف صحابات حتى صاحبتي سكينة الي بغيتها كثر من اختي غضرتني وتخلات عليا كانت تغير مني وعلامن تغير انا الي كان خاصني نغير باياها ونعم الأب ماشي بحال الاب ديالي راجل تاع الصح ، ولكن محمد كان معايا ساندني كيما ساندته هوا كان عاد طلق وعندو بنت فاش عرفته كان حتة هوا منهار وديما كيكمي حيدت منه بلية ديال كارو حيدت منه بزاف من حاجة ، وحتى هوا كان مهلي فيا الي بغيتها يديرهالي لقيت فيه الخير لي مقيتوش فبابا ولكن كل عام نقولو فوقاش نتزوجه يقولي عام جاي صبري كل عام حتى طلعلي فراصي قلت هدا باغي غي يدوز الوقت

البارت 24 

صافي قتليه صافي خطيني عليك ونهار تبغي الزواج مرحبا بيك ، بقينا أصدقاء علاقتنا من الاول كانت محترمة وبقات محترمة ، 

من بعد فاش عرفته مناويش لحلال قلت صافي غنحيد ديك الفكرة من راصي بقاات عندي فكرة ثانية نكمل قرايا كنت دايرة سياحة محمد كان ولو صديق كان يقولي انتي بحال بنتي الي بغيتيها نديرهاليك كان يخلص ليا مواصلات يصرف عليا يكسيني كلشي دار فيا الخير لي مداروش فيا بابا 

بقيت كندخل انترنت ديما ندخل فيس نهدر مع ناس نتعرف على طبقات جديدة من الناس نتلف وقتي ومنها نزيد فثقافة ديالي 

واحد النهار كنت مشاركة ف قروب فيه ناس بزاف من كل البلدان تعرفت تماك على واحد المصري سميته حمادى رجعنا أصدقاء كنت نقولو غي أخي ونسولو حيت هوا كبر مني كان عمره 27 سنة وكان خدام فقطر كانت تعجبني هدرة معاه فين ما جيتيه تلقايه فاهم كانو عندو ثقافة مزيانة ، مع الوقت مدري تعلقنا ببعضنا حتى طلب باش يخطبني من دارنا وانا كان عاجبني قبلت 

تخطبنا وقالي سناء انا مباغيكش تخدمي ف سياحة مجال خايب غتعرضي التحرش وانتي زوينة وانا كنغير عليك مبغيتش حد يشوف فيك من غيري 

انا : لاء منقدرس نخرج من قراية غنكمل ف سياحة الى قلتها لدارنا غيرفضو 

حمادة : اوى شوفي شنو ديري قراي كوافير ولا اي حاحة نسائية باش مين نتزوجو تلقاي فاش تشغلي وقتك 

انا : راك عارف الحال المادية ديالي منقدرش 

حمادى : متفكريش انتي فهاد الشي غادي انا نتكلف بمصاريف 

حمادى كان دايرلي مصروف شهري حيت قالي انتي خطيبتي لازم انا نصرف عليك ، ومحمد صديقي حتى هوا مكنش مقسر كان يقولي واخا منتزوجوش نبقاو نهدرو متخلينيش مكنتش نقدر نخليه 

قريت كوافير واخا كنت معدبة كنوض مع 6 صباح نمشي نقرى سياحة الصباح ونخرج 1 ثاني نمشي للكوافير تعدبت بلبزاف ولكن استحملت ،

بارت 25 

مين بقات 4 اشهر ونكمل قراية وناخد دبلومات ديالي كانت الصدمة هههههه 

حمادى : سناء حبيبتي عايز انقاشك فموضوع 

انا : اه خير مرحبا اش كاين 

حمادى : انتي مش عارفة عادات مصر عندنا الرجل يتزوج اثنين 3 او 4 

انا بقيت كنضحك مفهمت والو قتله 

علاش اش كاين قاليا راه دارنا مبزين عليا نتزوج ورجع نفس سيناريو عبد الحق 

حمادى : حبيبتي انتي عارفة في بس انا واخويا احمد واخواتي البناات كلهم متزوجات وماما لوحدها لازم مين يكون معاها ويساعدها بشغل البيت 

انا : طب جيبلها شغالة 

حمادى : لا مفهمتيش قصدي اهلي عايزين عروسة 

انا : يعني ايه 

حمادى : انتي يسناء انا لما سألتك تحبي نعيش فين قلتيلي فقطر مش عايزة اعيش فمصر وأهلي عايزين العروسة تسكن معاهم عشان تخدمهم 

انا بقيت غي نشوف مصدومة ، قتله ومن بعد اش كاين اطربني 

السيد قالي انا حتصل على اهلي واسمعي بودانك ، قتليه اوك 

اتصل بأمه وانا نسمع كنا نهدرو فسكايب اتصل بدارهم وفتح الصوت عالي 

حمادى : الو ماما ازيك عاملة ايه اخبارك 

امه : الحمد لله يعريس 

حمادى : يماما انا معارض فكرت الزواج دي 

باباه : يا والد انت مالك كل حاجة موفرة عندك لازم نفرح بيك لازم عروسة 

امه : طب فكر فيا يبني انا لوحي وست كبيرة عايزة مراتك تكون معايا وافرح بعيالك 

أنا : نبكي مقدرتش نصبر 

هوا صافي صدر دارهم وقالهم بسلامة

بارت 26 

حمادة كان الي داروو عبد الحق كمل عليه كان مانعني من صحابات ومانعني من كلشي حتى محمد كنت كنبوكيه كل يوم باش الى كنت نهدر مع حمادى وصونا ميقوليش شكون هادا هههه واحد النهار نسيت نبلوكي محمد وصونالي حمادة قالي جاوبي 

جاوبت قلت الو سلام لا خويا راك غلط فنمرة هههه ومحمد يقولي لا انا محمد اااا سناء ههههه مهم الموت ديال الضحك ورجعت دغيا بلوكيته على غد ليه هدر معايا قالي ملكي ضربك حمار ليل قتليه ا محمد كنت ناعسة ونحلم معرفت واش انت الي صونيت ولأ غي نحلم ههههه ،

دازت عليا يامات كحلة بقى حمادة يشري فكادوات لدارهم ولدار لعروسة الجديدة وانا غي نشوف ونبكي ويجي يوريني فكمرة يقولي شوفي اش شاري ليهم 

صافي جه الوقت الي يمشي فيه لمصر السيد مشا تزوج مبقاش كاع يسول فيا حتى انا نتاصل بيه حتى يكون مسالي ويهدر معايا واتساب صيفطلي تصاور العرس تصدمت فقدت الوعي منضتش حتى لغد ليه بالليل معرفت ديك زاش نعسة ولا غيبوبة ازيد من 25 ساعة وانا ناعسة حتى نوضتني ماما بكشفة قاتلي حسابلي مشيتي تقراي حيت بيتي الفوق كنت مرات ندخل ولا نخرج مكن لي يجيبلي خبر وماما حسابليها راني مشيت نقرا ورجعت ونعست وانا والو غي طايحة

 صدمة البنات دازت عليا وبقيت ندعي ربي ننساه والحمدلله ربي دار الخير ومشى من بالي الحمد لله ربي معايا

بارت 27 

صافي قلت والله منبقى نفكر مازال محمد بقا يشوفني مريضة بقا يفرحني يجيب بنته يدينا نحوسو نلعبو فسيرك غي هيا صغيرة عقلها صغير وانا كثر يشريلنا شكلاط الي بغينا ههههه كنا نحمقوه مين نخرجو معاه 

رجع محمد بقا يتقرب مني قلت ليه نتزوجو وبقا عليا غي زيدي صبري عليا راه منتخلاس عليك غادي يطوال ولا يقصار لوقت نتزوج بيك وانا رجعت كرهت قلت يبغيوني غي يدوزو بيا وقيته ويخليوني بحدي تقهررت صافي بديت نفكر بعقلي باش نخدم على راصي هاد الوقت ميدوم لي لا محمد لا زفتة

رجعت كندخل فيس كنهدر مع اصدقائي كانو عندي بزاف من كل البلدان وكان عندي صديق قديم بزاف راجل كبير عمره 38 عام من البحرين كان خدام ف الوزارة المنصب دياله كبير تماك كان مزوج فاش عرفته كنت صغيرة كان عندي يلاه 17 عام كنت نهدر معاه عادي بقينا كنهدرو ديما ونحكيله على اش كيدير حسن لينا والعداب الي عايشين فيه معاه كتجيه فشكل حيت هوما معندهمش هدشي عيب عندهم المرأة تخدم على الراجل كان يحكيلي حتى هوا على زوجته وأولاده الي كان يقولي أحلى شيء ف حياته ، حتى لواحد نهار تكلمني مرته كانت هيا غضبانة عليه كانت كتشك فيه بزاف بالي ك يخونها وانا قلت ليها بالعكس راجلك انسان محترم وكلشي كانو واقفين فطلاق صالحتهم ورجعتهم بزوج من تماك رجعت الصداقة متوضطة بيني وبينهم ولكن فاش كبرت ههههه مراته بقات كتغير مني وتقوله سناا كبرت متهدرش معاها هههههه ولكن هوا مقدرش يخليني حيت صداقتنا محترمة وهوا كيقولي احس نفس مسؤل عليك حتى تتزوجي

بارت 28 

ما علينا بعد الصدمة ديال حمد وبيت منعزلة كنهدر غي مع اصدقائي الي من برى وصافي وندعي ربي يحن عليا ، كان عندي صديق بحريني كدلك اسمه حمد هوا من رجال الهيئة الي كايدعيو للدين والإصلاح ودكشي يدعي للحجاب والصلاة وكيدر فديويات فانترنت للتوعية ودكشي واخا كان عندي صديق من زمان مكنتش نهدر معاه كنت غي مرة مرة ندير جيم ولا تعليق لظكشي لي كيطرح فديال دين كان كيعجبني

واحد النهار دخل هدر معايا سلام اش خبارك تعرفت عليه قالي فعمره 26 سنة وكيخدم ف جمارك وأعمال التوعية كدلك كيدير ندوات كلامه كله محترم والدين عحبتني شخصيته بزاف بزاف 

نهار على نهار بقينا كنهدرو كيستناني ونستناه ديما ونهدرو جه واحد النهار طلب مني رقم تلفون عكيته ليه 

اتصل عليا 

حمد : هلا سناا كيفك شخبارك عساك طيبة 

انا : الحمد لله بخير وانت اش خبارك 

بدا كيسولني على دارنا والأحوال بقينا كنهدرو صافي من بعد بقينا نهدرو واتساب قاليا صيفطيلي صورتك صيفطت ليه حتة هوا بقا يصيفطلي 

واحد النهار ترة في صديق لي يشتغل معاي ب الجمارك يبي ياخد من المغرب 

أنا قلت يكون يهدر عليا فرحت بزاف بزاف قلت كيبغيني كيق ما كنبغيه 

ولو هكدك عمري قتله نبغيك ديما نقولو اخي حمد

بارت 29

واحد النهار بقينا نهدرو وبقيت ندعي معاه قتله الله يحفظك ويحميك لأهلك واحبابك والي ب تتزوجها بعد قاليا 

حمد : سناا انتي تدرين اني كاتب كتابي 

انا : تفرقعت بالبكا الي مبكيتوش على حتى شي حد ربي عطاني الصبر على فراق الجميع الا فراق حمد بقيت نبكي ونشهق قالي 

حمد : سناا ياغالية اشفيج 

انا : مافي شي بس مبسوطة حق اخي بيتزوج 

حمد : تسلميلي والله يا غاليتي الله يحفظك 

انا : صدق اي شي أحبه وسكتت 

حمد : شنو 

انا : مكو شي انسى وكنبكي وقطعت

حمد صيفطلي رسالة قالي ردي عاتصالي 

رديت عليه وانا باقية نبكي 

قالي : الحين تقولين شفيج ولا ادايق 

قتله بس مهمومة شوي مشاكل بالبيت ، قطعت عليه قتليه بغيت ننعس وانا كاع منعستش بايتة نبكي وصابحو نبكي معرفتش ولكن عمري حسيت بداك الإحساس حتة بقيت كنحس قلبي غيطير مني 

حمد بقا يهدر معايا أسبوع هاكك عادي من بعد بقا يقوليا ترى كنت فبيت احمويا وشفت عروستي ، غد ليه يقولي اليوم بنروح انا وأمي لبيت خطيبتي ، رجع ديما يقولي كنت عندها جه واحد الوقت الي قطع معايا لهدرة وانا تعصبت بزاف بزاف كنهدر معاه ميجاوبنيش مرضت فحالتي ، 

تعصبت نضت بلوكيته من الفيس واتس كلسي برامج بلوكيته وقلت لا حمد لا حمادة لا زفتة نعيش حياتي بعيد علة الرجال أصلا العربون باين بابا الي من دمي ولحمي مدايرش فيا الخير عاد نستنى الخير فالبراني 

قررت نبقى بعيدة ولكن مقدرتش نبعد بقيت متبعاه غي من بعيد صلطت عليه كل صحباتي يهدرو معاه أو والو يقولهم غي سلام لاباس بسلامة ميعطيهمش وقت عييت صابرة دازت 3 اشهر كلها صبر نضت فتحت فيسبوك جديد وصيقكت ليه اضافة وكلمته 

انا : هلا حمد كيفك عاساك بخير ممكن ما تكون عارف انا منو بس ابي بس استقسر منك عن شي 

حمد : انتي سناء 

انا : اي سناا 

حمد : ثواتي بتصل فيج 

انا : اوك 

اتصل عليا قالي 

حمد : سناا كيفك اشتقتلك كثير شخبارك طمنيني وبقيا نهدرو قالي سنأا انا احبك وهالسي الي خلاني ابعد عنك انتي تدرين اني كاتب كتابي خفت اضلمك معاي واضلم الي اتزوجها خصوصا انو زواجي تقليدي ما بينا سي بس رفيجت اختي ، قتليه انا حمد انا ما طلبت منك شي بس تكون اخي سندي بدنيتي بس انت يا حسرة خليت اختك بروحها بعد كل وعودك 

قاليا انا احبك وما قدرت افرق بين حبي لك او اخاويك ما قدرت افصل بين هالشي 

قتله يعني خلاص بتخليني 

قالي لاء ما خليك انا معاكي 

بقا كيهدر معايا بحال زمان كل يوم فرحت بزاف فات اسبوع ورجع خلاني نفس الشيء مبقاش يرد على رسايلي 

بارت 30

انا تدمرت بزاف من بعدها ومحشمتش حليت فيس اخر من جديد وبقيت نهدر معاه بصفة اني بنت ثانية مهم نسول عليه ونطمن عليه ، 

داك الصديق الي قتلكم عليه بالبحرين الي شغال بالوزارة بقا يهدر معايا قاليا سناا انا من زمان بعرفك ومازال مبغيتي حتى أحد ؟؟ مكنتش نعاودلو على الي قبل كنت نقول حتى نقرب ندير العرس ونعرضو لعرسي 

ولكن مع قلبي كان واجعني قتليه اي حبيت ومن ديرتك بعد واهوا متزوج وخلاني لانه حبني وحكيتله الحكاية كلها ، هوا دخل للفيس عرفه شكون حيت هوا الوحيد الي صديق مشترك ومن للبحرين 

من بعدها كلمني قالي كنتي كتهدري على حمد قالي راه ولد ناس مزيان ومحترم غي نسايه وخليه يعيش حياته اكيد الى قالك راه كيبغيك مكدبش حيت هوا انسان مؤمن ماغاديش يكدب وهوا دام خلاك مبغاش يضحك عليك بغا يخليك تعيشي حياتك وديري مستقبلك

بارت 31 

ديك لوقيتة بقيت غي ندبر كيف ندير نوصل للبحرين بأي طريقة المهم نوصل تماك والسلام المهم نشوفه المهم وافكار بزاف تدور فبالي ، بقيت ندبر حتى لقيت شركة تصدير العمال للخليج وهدرت معاهم ضبرو ليا خدمة ففندق فبحرين وانا حيت تحجبت قلت ماشي مشكل نمشي نخدم بينما استقر ونشوف مع صديقي يعاوني نقلب الاقامة ونخدم فكوافير ومنحيدش حجابي ودكشي لي كان

مشيت للبحرين بقيت خدامة ف الفندق 6 اشهر ولكن كنت فخدمة نحيد حجابي ومين نخرج نرجعه ومين نتوحش حمد نمشي نشوفه مين يدير ندوات هههه كنت كندير نقاب باش ميعرفنيش واحد النهار فاش كان داير ندوة للأطفال الصغار باش يديرو حجاب وانا مشيت دخلت زعما مع النساء حتى اتا عندي بنتي تماك السيد غير شافني معرفت من عينيا بحال شبهني بقاي حاضيني عينيا جات فعينيه حسيت بدوخة وقعدت كنت غنطيح خرجت من صالة المؤتمر ونسخف خداوني المستشفى المركزي في الرفاع قاو ضغطي ارتفع دكشي علاش دخت معلينا جاو صحباتي كانو معايا قالخدمة عندي يجريو وقالولي هاد السيد غي كيمرض فيك وبقاو يحلفو عليا باش منعاودش نقرب ليه 

صافي قلت مع راصي صايي نحيدو من بالي مين دازت 3 اشهر ف خدمة جانا قروب من صحاب الهيئة كانو حاجزين باش يديرو احتماع فقاعة الاجتماعات ويتغداو انا كنت ماسكة الطلبيات كناخد الكوموند هوما كانو مقررين شنو غياكل الحضور دارو ليهم buffet اما الاضخاص المهمة شي 6 بيهم كان المكلف قالينا حتى يجيو وشوفو اش يبغيو يطلبو ، 

طبعا انا الي كنت مكلفة باش ناخد من عندهم الطلب ديالهم غي انا دخلت القاعة ديالهم باش نطلب يجي وجهي فوجه حمد غي شفته وانا نهرب صيفطت حد اخر ياخد الطلب مكاني وطلبت تغييري هدوك اليومين الي قاعدين بالفندق للمطعم الاسيوي جاي الفوق باش منشوفوش

بارت 32

دكشي لي كان حمد عيا يصبر سول البنت لي صيفتها فبلاصتي قاليها منو البنت الي كانت جات قبل قاتله اه يسرى بس كانت ناسية القاعة ودخلت هنا قالها اه اسف هيي مو اسمها سناا قاتله لا انت غالط ههههه وهيا ترجف كانت غتبول على راصها حيت دار فيها شوفاات بحال غيدبحها زعما كتكدبي مزيا كنت موصياها الى سولها تقوله لا هيا كانت عارفة كلشي الفندق كان موفر لينا سكن فيه 2 فغرفة واوا وياها مع بزوح مغربيات كنا نسكنو بزوج منتفارقوش 

مين جيت خارجة من الخدمة خرجت من الباب ديال السلعة الي كيجيبو منها الخضار ودكشي هههه ويدوز الزبل مهم ميشوفنيش وقلت لهاجر دوزي من باب العادية وقوليلي واش راه حاضيني 

اتصلت بيا 

انا : الووو طمنيني 

هاجر : ههههه المسخوط راه فالباب 

انا : ولي ولي

ههههههههه قفارت ،،،، مشيت للسكن وحسيت براصي عيانة شوية وطحت ليهم ثانيك داني مستشفى قالو ليهم خاصها الراحة صراحة فرحت قلت مرضة فبلاصتها باش يساليو زميطة ديال اجتماعات ونتهمى منشوفوش

بارت 33 

صافي من بعد رجعت لخدمتي بقيت كندخل نخدم ومين نخرج نلبس نقاب ميعرفنيش شكون هههه دازت ديك 3 اشهر الآخرة بمشقة الأنفس ومن بعد صديق الطفوةب الطفولة توسطلي درت اقامة على شركة صديقه باش نبقى على راحتي ميتحكم فيا حتى شي حد ومشيت خدمت فصالون ساعتها عاد فرحت بزاف حين بقيت لابسة حجابي مكنحيدوش ومع الوقت التزمت اكثر ولبست الحجاب الشرعي الي هوا نقاب فالأول كنت باش نتخبى من حمد أما دابا درته باش نعف نفسي ، كنت كنخدم من نيتي ودرت صديقات كلهم بحرينيات كلهم يبغيوني يقولوي غي يالحلوة كانو ديما كيخطبوني ومسكينة مولات الصالون الحاجة فاطمة كانت كيف ماما كنت كنعاود ليها كلشي كانت ماما فالغربة كتحن فيا ومسكينة ديما تعرض عليا نمشي عندها لدار من بعد قاتلي والله حبيبتي عيب انتي بنتي وتسكنين بروحك اسكني معايا 

بقات تؤكد عليا حتى قبلت ، كنت نمشي للخدمة نسلم عليها مسكينة مراة كبيرة وكانت مهلية فيا وحتى انا كنت ممقسراش معاها اميمتي ل حبيبة

بقيت نخدم ديما وعجبني الحال درت العمرة فرمضان أنا والحاجة خدانا ولدها عيسى مسكين كان يبغيني وأنا كاع ممعبراتوش نقولو غي اخي ، ماما فطوم كنت نحكيلها كلشي وعاودت ليها القصة كاملة ومسكينة تقبلتني كيف ما انا كتقولي غي يالطيبة ربي يجزاك خير ان شاء الله وتقوليا انتي مدرتي والو راه هداك هوا النصيب وصحاباتي الي قتلكم بحرينيات كانو زبوناتي بشكل دائم أم سناء وام عبد الرحمن كانو من أعز صديقاتي مكاموش يحسوني بأنهم زبونات كانو يعاملوني بحال اختهم ، بقينا مرة مرة انا وليلى ام سناء كنخرجو نمشيو المول كنشريو الي خاصنا وديما مسكينة تعرض عليا نمشي معاها للدار ونقوليها لاء حبيبتي بيتك فيه زوحك وبعد اخوانه مابي حد يشوفني وديما نخدها معايا لبيت ماما فطوم تماك نديرو جلسة شاي ومنها نضحكو

بارت 34 

واحد النهار صديقتي ليلى أصرت عليا نمسي معاها للدار نتغدا معاها وقاتلي متخافيش زوجي مسافر 3 ايام 

وافقت مشيت معاها للدار تغدينا وبقينا قاعدين نهدرو خطرا وحدة راجلها يحل باب وسناا مشات عنده بابا جه بابا جه دغيا لبست نقابي قاتله صديقتي الي بحكيلك عنها اهني وقاليها اسلم عليها 

منقولكمش شكون صدق راجلها 😮😮😮😮 صدق حمد الي كنبغيه 

جه قربلي قالي هلا اختي كيفك مقدرتش نرض بقاو دموعي ينزلو وهوا قاليها اشفيها ما تحكي انا بقيت مسمرة مقدرتش نهدر دموعي تنزل حسيت قلبي غيسكت حتى حليت عينيا قيت راصي فمستشفى معلقين ليا السيرومات مقدرتش نحل عينيا مزيان فالاخر سمعت غي كلمت سلامات سلامات الحمد لله أجر وعافية مفهمت والو بغيت غي نخرج بغيت غي نهرب بقيت نغوت جيبولي الدكتور بغيت نخرج من هنا ساعتها تدكرت اش وقع وبالي حمد صدق زوج ليلى صديقتي كلشي بقا يفوت قدام عينيا سلسلة أحداث وانا غير نبكي ونغوت ، جات ممرضة قاتلي استني نتصل على اهلك الي جابوك انتي الحين 3 أشهر داخلة غيبوبة أنا مفهمت والو سكتت ، وانتضرت حتى جاو جات ماما فطوم و حمد ومرته جاو كلهم ماما فطوم تبكي وتقولي بنتي حرام عليك 3 اشهر وانا ميتة بدونك خليتيني بروحي حمد يبكي وليلى حتة هيا انا بقيت ساكتة ودموعي تنزل مقدرتش نشوف فحمد ورجعت فقدت وعيي دخل الدكتور وبقى يغوت ، انا ماقلتلكم حالتها حساسية مو الكل يدخل من بعد رجع وعيي فقت واكلت الاكلة الي نحبها جابتهالي ماماتي فطوم ، وخرجت من المستشفى بشرط يتوفر لي الراحة 

ماما فطوم قالت ليهم فالبيت ترتاح أحسن دكشي لي كان مشينا للبيت وبقات ماماتي ديرلي بحال البيبي الصغير وبريت ورجعت مزيانة ، 

دازت مدة قالتلي سنااا عندنا ضيروف البسي احلا ما عندك لبست وجات واحدة فلبينية كانت معانا ب صالون صاوبتليا شعري ودرت مكياج خفيف حسبت ضيوف عاديين 

صدق المفاجئة بعدها بشوي بداو يجيو الضيوف وجه الشيخ وليلى جات انا قمت بسرعة لبست حجابي بصح مغطيتش وجهي 

واها هاكك مفهمت والو هههههه كيما كتقولي ماما البقرة كانبقا غي نشوف بلا منفهم

الدار عمرت بضياف اتا قلت عادي ماما فطوم عاملة شي عزيمة حتة دخلو عندي الأخوات واختي ليلى وقالولي هالشي عشانك جايين نطلب ايدك لحمد أنا 😮😮😮 

ليلى شنو حمد زوجك انتي ايش تقولين 

ليلى : سناء حمد يحبك ويحبني وانتي تحبينه خالة فطوم قالت لنا السالفة وحمد حكالي عنك لما عرف انك بالبحرين تعب يدور عليك وبالشغل سأل عنك وعرف انك غيرتي الشغل بس وين ما درى وين ، حبيبتي ترى انتي اختي وحبيبتي والشرع حلل 4 ، انا فرحت وحماريت ههههههه كنت صفرا خطرا وحدة تزنgت ههههه

بارت 36 والاخيرو 

دازت 15 يوم دغيا رجعنا حيت حمد عنده غي شهر فالعام عطلية كان خدا 15 يوم فاش كنت مريضة فمستشفى بقاتلو غي 15 يوم رجعنا اه نسيت نقولكم ههههه مين داز العرس مشيت انا وحمد مدينة أخرى 4 ايام هههه هربنا غي خدينا لوطو وزدنا قالي حمد وين رايحة قتله زوجي حلالي بخطفك هههههه مشيت بيا ب لبسة البيضا كنسوق 3 ساعاات هههههه هوا مسكين داته عينه حتى وصلنا السعيدية وقتليه نوض نوض العريس ههههههههه بقا غي يشوق قالي وين انا قتله لل تخاف انت عندي هههههههههه سرقة موصوفة صيفطت رسالة لماما فطوم قتليها خطفته 4 ايام ونرجعو باش تطمن الكل وقضينا اجمل 4 ايام ساعتها عاد خديت راحتي معاه وعاودت ليه اش طراليا بسببه وبقى يبكي ويطلب السماحة بقيت نسكته نقولو صافي دابا راحنا بزوح لمهم بزوج ونعنقه وراكم عارفين تتمة 

حشمو ههههه (،،،،)

مين رجعنا البحرين طبعا حمد كان عادل بيني وبين ليلى الي خليتها متحسش بتغير حمد واخا تأكدت بالي كيبغيني أنا ولكن مبغتش تحس بالفرق وكنت انا وياها بحال صحابات وحد الان الي يشوفنا يحلف يقول ماشي ضرايرات خواتات ههههههه مع بزوجنا طبيبزات وبيضات نتشابهو هههههههه غالبين عليه ومفاهمين عليه هههه ، اه وحملت وجبت وليد وحنته سميت ولدي حمد على سميته هههههههه قتله بس انت تبين حبك وتسمي عاسمي انا بعد أسمي على اسمك ههههههه ، ودابا عايشة ف سعادة الحمد لله مرتاحة ، كنتمنة ربي يجمع شملكم كاملين مع الي تبغيو ، ومشات خبيرتي من واد لواد وبقيت انا مع الناس لجواد

واخة خايبة عندي الزهر(قصة مغربية)

قصة "انا بوليسي و هي شفارة "



قصة سندريلا مغربية (قصة مغربية)

قصة سناء (قصة مغربية)

قصة حماتي تعاستي و سعادتي (قصة مغربية)

قصة التضحية (قصة مغربية)

قصة المظلة (قصة مغربية)

الحب الأعمى (قصة مغربية)

قصة زواج ست أشهر (قصة مغربية)