قصة عزيز و الحب ( الجزء التاني )

 قصة عزيز و الحب ( الجزء التاني )

وأثناء حشمتي هههه سولني باباها .... بداك الكونطر باص عندو غير كيدوي كيزعزعلي ليسونتيمون قالي ولدي نتمنى تكون كتعتبر بنتي ملاك بحال اختك وعمرك تفكر تدير معاها شي حاجة ولااااا.... وانا نسكتو وبديت كندوي بحال شي راجل فعمرو ستين عام ههه عمي واخا هادشي كامل لي درت معاها باقي شاك فيها عمي راه ملاك بحال ختي ( وانا هاديك ختي خارجة وقلبي كيتقطع والله محامل نگولها ) ومتخافش اعمي ملاك راه بحال ختي وماعمري غانديرلها شي حاجة .... وكنشوف ملاك معصبة غير شوية وتنوض تگولهوم هادا راه حبيبي وكانبغيه هههه مهم قالي عمي الله يرضي عليك اولدي باينة فيك ولد الناس ومرحبا بيك فأي وقت فداري .... صافي سلمت عليهوم مشيت لدار فرحت لميما بلي دوزت مزيان رضات عليا فحال ديما ... ومن هنا خوكوم عزيز غادي يبدا يفكر فاش يخدم عاوتاني حيت لقرايا سالات وانا كل صيف مكنسافرش باش فأي دخول مدرسي مكنعولش على واليديا .... مهم مشيت عند واحد صاحب لواليد لي كيبيع حوايج وعطور واكسيسوارات للنساء سلمت عليه وطلبت منو نخدم عندو مردهاش فوجهي ... صافي داكشي لي كان ... غير خرجت من عندو عيطت لحبيبتي باش نفرحها حيت اصلا مافراسها والو .... ملاك عافاك واش نقدرو نتلاقاو فالكافي دبا قاتلي لا لا دار راه خاوية منقدرش نخرج اجي عندي قلتلها اوكي حياتي ( هخهخه تناكت دار خاوية ) ... جيت لدار طلعت لبيتها فديك ساعة مكانوش واليديها قاتلي شنو بغيتي تقولي فاش عيطتي حسيت بيك طاير بالفرحة ... مهم وانا كنعاودلها حسيت فوجها بلي مقلقة عندها شي حاجة مخبياها عليا .... عاودتلها ساليت وانا نقولها حياتي مالكي .....قاتلي عزيز انا غادي نسافر وهنا كانت الصدمة لا حبيبتي ميمكنش منقدرش نعيش بلا بيك لا حياتي ماتمشيش قولهوم يخليوك قاتلي راه عييت معاهوم مي مالقيتش شي سبب باش نقنعهوم .... فديك اللحظة مالقيت مانگول بقيت ساكت عنقاتني حبيبي عافاك غير صبر راه حتا انا والله ماباغيا نمشي مي راه ماعندي مندير مهم انا مضنيتش غايجي نهار نقدرو نتفارقو واخا غير نهار واحد حيت وليت كنبغيها كتر من راسي وحبنا كبير صافي بقات كتبوس فيا وتعنقني والله حبيبي ماغادي نساك وراه غير شهر ونجي والله كنواعدك صافي بستها وقلتلها اوكي .... مهم بغات تنسيني وهي تگولي مبروك الخدمة ومزيان وهاكا نبغيك حبيبي راجل صراحة انا متسرطاتليش غادي تمشي .... صافي دازت شي سيمانة و وصل نهار لي غادي نشدو فيه نقط الجهوي وهو نهار فاش غادي تسافر حبيبتي ... دخلنا ليسي انا وياها شدينا نقط انا مكنش مهتم بقدر ما كنفكر بسفر ملاك جبنا نقط مزيانة هي غادي طير بالفرحة وانا معلاباليش مهم مشينا لدار قلتلها ملاك طلعي هاني جاي حيت كانت غادي تسافر بعد ساعة ..... مشيت كنجري وصلت عند سيد لي غادي نخدم عندو طلبتو باش ناخد من عندو شي كادو لملاك ومع الوقت يقطعولي مسكين مترددش وقالي شنو بغيتي ختاريت واحد کامل فيه سنسلة وخاتم وبراسلي ♡♡... ( الحووووووووب ومايدير ) مهم خديتو مشيت عندها لدار هبطات وانا نعطيهلها وقلتلها هادا عربون محبة والحب الكبير لي بيناتنا وكانتمنا عمرنا نتفارقو صراحة فديك اللحظة عمرها تنسالي فحياتي كاملة شافت فيا وبدات كتبكي بكية ديال الفرحة والعشق والحب صراحة وخا نعيا منعبر منقدرش نوصف ليكوم هاديك اللحظة.....

شوية طارت عليا عنقنا بعضياتنا فصراحة ولأول مرة كنعنقو بعضياتنا وكنحس واحد الإحساس غريب وزوييين بزاااااف مقدرتش نشرحو (وخا هاد شيطان ولد طحبا كان غدي يخصر ليا معاها دوسي )مهم بقينا معانقين واحد الوقت طويل وحتا حد فينا مقدر يفرق لاخور لأنه اخر لحظة بيناتنا .... وأثناء نومنا على بعضياتنا جا باباها ( ناري كنت غادي ندوب ديك ساعا ) فيقنا ههههه صافي بحال لي كنت كنوادعها وصافي .... مهم عاونتهوم باش يهزو ليڤاليز وداكشي فالميرسيديس دباباها .... سالينا جات آخر لحظة لي غانشوف فيها ملاك وهي كتركب .... هاديك اللحضة والله يلا حسيت بكلشي وقف قلبي عقلي ... شوية وبكل تواضع والله حتا خوكوم شداتو البكية اصعب حاجة عمري كنت كنتخيل راسي غادي نبكي على فراق درية ( لي عمرو جرب غادي يكون كيضحك عليا فهاد اللحظة ) ...... وفديك اللحظة هبطات ملاك وجات كتجري عندي وتعانقنا بديك الحرارة ديال لفراق وهي تضربلي واحد البوسة فمي ناري وباها كيشوف انا تصدمت .... مهم مشات ملاك طلعات وكانشوف فيها كتبعد ومقاد ندير والو .... صافي مشيت لدار محطم ضربتها بنعسة من 3 دلعشية مفقتش حتا لغدا ... غير فقت لقيت ليزاپيل دحبيبتي عيطتليها بقينا كندويو توحشتك وداكشي دالحووووووب ( لي كال عنيبا نبلوكيه ههه )...... مهم ساليت معاها ومشيت لخدمتي لأول نهار ومنها نسي نشوية ... مهم فقت صباح ومشيت الماحال وكان اول نهار عندي فالخدمة .... بديت مع اي وحدة كتجي بصواب الآداب واي وحدة كتجي مكنخليها تخرج حتا تشري شي حاجة گاع الدريات لي كايجيو كيعجبهوم تعامل ديالي وأي وحدة كتمشي تجيب صحاباتها وتوريهوم الماحال مهم ولا رواج فالمحال تيتيز خارج داخل وخوكوم تعامل مع اي وحدة خايبة زوينة مهم كنخليها بلكلام لحلو ترجع ديما .. واحد نهار گالس كيف العادة وهي تدخل واحد درية لا لا هادي بزاااااااف صراحة آية فالجمال الزين ولاطاي وصواب بقيت غير حال فمي ... غير قالت ديك سلام انا دبت بلاصتي لموارا دمخي تشقلبو ... مهم قلتلها مرحبا قاتلي عافاك شي فوندوتان وشي ادوات تجميل اخرى قلتها حشومة هاد الزين كلو گاع مايحتاج الماكياج ( لي گال عليا عناب نبلوكيه ) ههههه مهم عطيتها داكشي لي طلبات ومشات ....فالعشية گالس وكيف العادة وهي تدخل ديك لي هبلاتني مهم قالتلي عافاك واش كاين بلاك بيرفيوم ( نوع من العطر ) قلتلها لا لا ولكن تقدري ترجعي تلقايه قاتلي وااااااو وانا بعيدة اححح نموت انا على وااااو ... مهم قلتلها تقدري تعطيني نمرتك ويلا جا نعيط ليك بلا متعدبي قاتلي اوكي مهم دازت داك العشية فليل وهو يجيني ميساج سلام انا سلوى لي جيت عندك لماحال اه ساڤا ... قاتلي مكرهتش نتعرف عليك ... بقينا كندويو تعارفنا ... شوية وهي تدخلني قاتلي واش داير شي علاقة فهاد اللحظة دوك لعقولا لي عندي واحد كايگولي تا قولها راك سيليباطير راه توتوزا اصاحبي وواحد كايگولي لا واش نتا باغي تغدر لبنت لي كاتبغيها ... صراحة انا منين مشات ملاك وليك كنحس بواحد الفراغ فحياتي ... وفلحظة معرفتش كيفاش خرجات وانا نقولها لا ممصاحبش قاتلي حتا انا وصراحة نتا عجبتيني ومكرهتش تكون شي حاجة بيناتنا وانا غير حال فمي وكانقول اه ( انا گلتلكوم هادي والله حتا دارتلي شي حاجة ) ...

مهم نعست هاديك ليلة وانا معارف راسي من رجلي ... فقت مشيت الماحال بديت الخدمة كيف العادة .... شوية وهاهيا جايا سلوى ناااااااري جايا لابسة واحد لكولون و جميع المقومات من هضاب وسهول وتقعرات واضحة ... انا طيراتولي بقيت غير حال فمي مهم قاتلي واش جا العطر لي وصيتك عليه وانا نقولها اه اه مرحبا هاهو .... قاتلي نقدرو لعشية نتلاقاو يلا ساليتي ... وا عتقو روح عقلي مشا حق مولانا ... قلتلها اوكي درنا لبلاصة ... ساليت الخدمة مشيت تستونيت تشاوك الحطة رويحة ومشيت تلاقينا فواحد لكوان يااااااي شجايا لابسة الهربة بقينا كاندويو وهي تقولي ... واش بصح داكشي لي قلتيلي لبارح ... واش انا كنت عايش لبارح باش تگولي شنو قلتي ههه عاوتاني جاوبتها اه ... شوية قاتلي مكرهتش تكون شي حاجة بيناتنا كتر من ديزامي وانا مصدوم اقسم بالله يلا هادي معرفت شنو دارتلي قلتلها اه اه ... صافي وليت ديالها تفارقنا و فطريقي لدار عيطاتلي ملاك الو حبيبي واش يلا ماسولتش انا متسولش قلتلها لا لا حبيبتي راه غير مكنساليش مع الخدمة ( ناااري لهلا يوريك شواقع هنا ) مهم بقينا كندويو ....ساليت معاها مشيت نعس وفهاد الساعة عاد غادي يفيق قلبي من لگلبة .. عاد حسيت بالخطأ لي درت وندمت وماكانش عليا نتصاحب مع سلوى وانا كنبغي ملاك وكيفاش گلت لهادي نتصاحبو فين كان عقلي .... صراحة هاديك ليلة منعستش بالتفكير .... وقررت غدا نتلاقا مع سلوى ونتفارقو ....... مهم عولت فليل بلي خصني نمشي نقول سلوى نتفارقو .... مهم فقت صباح مشيت لماحال دوزت هاداك نهار وضميري كيأنبني علاش ا عزيز درتي هاكا نتا ولد ناس وغادي مع ملاك بنيتك جات وحدة گلباتلك مخك .... جاوبتني وگلتلي صافي غادي نتلاقاها ونگولها نتفارقو وانا كنبغي وحدة اخرى .... مهم فليل سيفتلها ميساج قلتلها نشوفك متردداتش قاتلي اوكي ... مهم تلاقينا فواحد ساحة ههه سميتها ساحة العشاق هههه صافي غادي مصمم نشوفها منكملش معاها تا دقيقة ونزيد فحالي ..... غير وصلت شفتها تحشو ليا ركابي عقلي فرفر مشا يضرب دويرة... عينيا خرجو من بلاصتهوم حق مولانا جات لابسة واحد لميني جيپ فالغوووج والآن إتضحت ملامح الهضاب الكبرى ومرتفعات شاراپوڤا ..... انا عقلي طار من بلاصتو .... تا شكون يقدر يگول نتفارقووو مهم بديت كنتفتف گلتلها ابتنلكب سلوى بغيت نگولك شي حاجة .... وي حبيبي گول ..... الله الله الله أكبر ... تا فين هو العقل راه فرفر ... قلتلها سلوى جيت نگولك شي حاجة ونمشي قاتلي يالاه دوي عارفاك غاتگولي كتبغيني .... الله يا ربي فين طحت انا ... وا سلوى الله يرحم باك سكتينا خليني ندوي .... قلتلها سلوى جيتي زوينة ....عنقاتني اوووو حبيبي ربي يخليك .... اويلي انا شگلت اش هادا لا بربي حتا سحرات ليا هادي ... والله حتا تلفاتولي مهم بدات كتدوي معايا وانا غير حال فمي .... شوية بنت لحرام بدات تجرني عندها ستحليتها حتا انا فين هو العقل ...تكات عليا وبديت كنفلورطي معاها وهيا تخشي يدها ف المكان لحساس ههه ... گلتلها صافي سلوى غادي نمشي ... وغير تفارقت معاها وهو يرجعلي عقلي .... وبدا يگولي عزيز واش عرفتي شنو درتي راك خنتي ملاك درية لي تاقت فيك ونتوما كتبغيو بعضياتكوم .... انا دخت ديك ساعة گلت خسني شي حد نعاود ليه هادشي منقدرش نبقا هاكا ..... وماطاحتلي فبالي غير واحد بنت الحومة بحال ختي الكبيرة كتعاوني فأي گلت هي لي غادي تفهمني وتنصحني ..... مشيت عاودتلها قصتي مع ملاك وهاد سلوى لي معرفت منين تسلطات عليا مهم قاتلي خويا شوف هادي راه سداتليك العينين وكتلبس داك اللباس وكتغريك المظاهر خداعة ... ونسى عليك هادي وسير تكمش حتا تجي ملاك وسير معاها بنيتك هي تايقا فيك متخليش هادي لي جات تخرج على علاقتكوم نتوما حبكوم كبير ونتا انا عارفاك كتبغيها غير منين ندمتي راه قلبك حذرك ..... مهم صراحة زدت فقت من الگلبة و وضحاتلي حوايج بزاف .... مشيت لدار وصممت انني غادي نسالي فمرة وماباقيش يغلب عليا عقلي ...

وصممت انني غدا نتفارق مع سلوى... مهم فقت فصباح وناوي على خزيت غير نشوفها ونگولها نتفارقو ... مشيت لماحال كيف العادة تيتيز داخل خارج ...شوية وهي تعيطلي سلوى .. الو حبيبي ... وانا ندور فيها مالك مصدعاني وپليس ماتبقايش تگولي هاد حبيبي .... قاتلي ويلي زين ديالي مالك معصب ...قلتلها لعشيا نتلاقاو فجردة مع 7 وانا نقطع ... اوووف سطاج لول دوزتو ناري كانت شوية وتشدني ... مهم دوزت هاداك نهار لعشية مشيت لقيتها كاتسنا ومشيت حافض شنو غادي نگولها ... وصلت وانا حادر عيني راه يلا شفت فيها والله حتا عقلي يفرفر عاوتاني... زربت عليها وگلتلها نتفارقو وانا كنبغي وحدة اخرى ومنقدرش نبقا نكدب عليها ... صراحة صدماتني قاتلي عجباتني صراحة ديالك وانا كنت غير باغا نتمتع انا وياك تشهيتك وصافي ... الحمد تفهمات صافي تفارقنا ... قاتلي ولكن نبقاو ديزامي .. وافقت ومشيت لدار وانا فرحان حيت كنت خايف تلصق فيا ونقدر بسبابها نخسر ملاك ....وفي طريقي لدار عيطت لحياتي ... بقينا كندويو توحشتها بزاااااف والله قالتلي حبيبي بغيت نفرحك راني غدا غادي نجي ( اول حاجة جاتني لبالي هي كون مزال متفارقت مع سلوى كون راني خسرت حب حياتي ) .... واااااااااااو وااااو حبيبتي فرحتيني بزااف بهاد الهدرة والله ... قاتلي حتا انا احبيبي راني طايرا بالفرحة ...واااااو بقينا كندويو وفرحانين ... ونعست وانا فرحان فرحتين ... فقت كيف العادة مشيت الخدمة وبقيت نهار كامل وملاك فبالي ويلا شفتها شنو نقدر ندير شنو نقولها ... مهم وانا كنفكر فيها وهي تعيطلي الو حبيبي .... الو حياتي فين وصلتي قاتلي راني يالاه وصلت لدار ... وااااو على سلامتك حياتي توحشتك بزاااف قاتلي فينك قلتلها راني خدام احياتي ... قاتلي اوا فاش تسالي نتلاقاو ... قلتلها لا لا لا منقدرش نصبر نتلاقاو دبا هاني جاي .. ... مشيت كنجري وفقلبي فرحة لا توصف غير وصلت عيطتلها ...هبطات عندي ... واااو القوق البري زاد زيان عفوا حبيبتي ههه و محسيت براصي حتا عنقتها بشدة حبي لها بقينا معانقين لوقت طويل ( لي عمرو حب مغايحسش بيا ) ... قالتلي توحشتك وزيانيتي يا لعفريت ياك ما درتي عليا شي وحدة ( وفهاد اللحظة جاتني لبالي سلوى ) قلتلها لا لا حياتي واش انا نقدر راحنا مواعدين ... قاتلي والله احياتي حتا انا راه شحال من واحد كان كيتقرب مني فاش سافرت مي قلبي فيه غير عزيز ♥ ( والله حتا ندمت ملي غضرت القوق البري ) ...مهم طلعاتني لدار سلمت على واليديها ... وقاتلي يالاه نطلعو لبيتي لفوق نوريك شي حاجة .... طلعنا ولقيت حياتي جابتلي < ساعة > كادو واااو حياتي شكرا بزاف والله حتا زوينة مي بشمن مناسبة قاتلي هادي بمناسبة دوزنا عام فعلاقتنا ... وااااو على تفكير وعلى جمال ( انا يهودي لي غضرت هاد القوق مهم هوا تعلمو كتعاملو معا تيتيز ديالكم ) مهم شكرتها بزاااف ... شوية وهو يجيني ميساج ترن ترن جبدت پورطابل وهي تخطفولي قاتلي ارا لموك نشوف ... غير شدات پورطابل قرات الميساج وانا نشوف وجهها تغير ... ملاك مالكي ... بقااات ساكتة ومصدومة ....ملاك مالكي ... بقات ساكتة ومصدومة ووجها ولاو فيه گاع لوان ... ناري والله حتا القوق البري تعصب ... ملاك حبيبتي قولي مالك ... قاتلي هاك شوف ... والصدمة تفوووو ديك المرض ديال سلوى مسيفطالي ميساج فييه ( حبيبي ) ... ناري بديت كنحلف حبيبتي والله مابيناتنا شي حاجة وراه غير صديقة نااااااري انا شدرت .... قاتلي ارا نشوف هاد صديقة ... شدات الپورطابل بقات كتشوف فالكونڤيرساسيون لقديمة وهي تلقا الكارثة ناااااري انا حمار انا ... قاتلي هادي هيا صديقتك... انا ثقت فيك ا عزيز عطيتك قلبي عطيتك روحي حبيتك لواحد درجة مكتصورش .. انا غبت عليك غير شهر درتي وحدا ورايا عزيز خسارة مضنيتكش دير هاكا عزيز نتا طعنتيني فظهري وبديت كنحلف لا حبيبتي والله حتا كنبغيك والله منقدر نعيش بلا بيك عفاك خليني غير نشرح ليك ... قاتلي صافي خرج عليا مابقيتش حاملا نشوفك وغوتات صافي خروووووووووووووووووج ... هبطت وانا محطم لواحد الدرجة متصوروهاش رجلي مابقيتش حاس بيهوم قربت نبكي وحسيت بدنب غادي فطريق وكنقول انا لي خسرتك انا لي خسرتك ... محملتش راسي فديك اللحظة مشيت لدار عيطتلها أكثر من 20 مرة وماكاتجاوبش ندمت بزااااف وعاد حسيت بيها صافي انا خسرت البنت لي بغاها قلبي بسباب نشوة وغريزة ... شوية وهو يجيني ميساج من عند ملاك قاتلي ..

شوية وهو يجيني ميساج من عند ملاك ... تفارق معايا صافي سالينا نساني وانا غانساك واخا مغنقدرش وغنتعدب بزاف لكن نتا حطمتيني ومنقدرش نرجعلك ... اقسم بالله يلا اخيب لحظة دوزتها فحياتي هيا هادي إحساس تكون كاتبغي شي حد لدرجة تموت على قبلو وتفارق معاه فلحظة ... بقيت كنطلبها وعافاك والله حياتي بلا بيك والو والله منقدر نعيش بلا بيك نتي حياتي عافاك سامحيني وراه كنت فلحظة ضعف ومعرفتش كيفاش درتها وراني ندمت ومشيت تفارقت معاها والله حتا ضميري أنبني ... قاتلي صافي نساني ... انا تحطمت ديك ساعة خرجت لزنقة غادي فحال الحمق وفمي غير ملاك ملاك ( مغيحسش بيا لي عمرو حب من قلبو ) ... عيطت لسيد لي خدام عندو قلتلو راه منقدرش نجي هاد الأيام ... شوية كاتبانلي بنت حينا لي كانت نصحاتني باش نتفارق مع سلوى ... شافتني قاتلي عزيز مالك... قلتلها خسرتها انا خسرتها خسرت ملاك ... قاتلي اجي نگلسو وعاودلي ... عاودتلها و انا محطم قاتلي عزيز شوف دبا ملاك مصدومة منك واخا نتا كنتي سديتي هاد الموضوع ديال سلوى وندمتي لاكن هيا عرفات ومن الطبيعي غادي تقولك هاكا ... قلتلها انا منقدرش نعيش بلا بيها ... قاتلي شوف نتا كل نهار غتعبرلها على ندم ديالك وماتستسلمش وقاوم فسبيل حبك ليها وهي انا متأكدة غير خليها تبرد واحد 3 جوغ وتقدر تسامحك دبا هيا مصدومة منك ... خديت بنصيحتها وبقيت كل نهار كنسيفط لملاك وكنترجاها وكنعبر ليها على الأسف ديالي وهي مكتجاوبش .... حتا الواحد نهار قررت نمشي عندها لدار ... واتمنى تسامحني كانت دازت 5 ايام مشفتهاش وفهاد المدة معمري شفت النعاس النهار كامل وملاك فبالي .... وصلت دقيت وانا محطم .. قاتلي ماماها راه سادا عليها وماباغيا تدوي مع حد ... بقيت كنعيطلها والو مكتجاوبش سيفطت ميساج كتبت فيه حياتي والله مغادي نمشي من هنا حتا نشوفك عافاك ... بقيت كنتسنا 2 دسوايع حدا الباب صراحة نستاهل ... شوية وهي تقولي ماماها ولدي راه قاتلك طلع عندها راه فبيتها الفوق ... فرحة نصف فرحة فديك اللحظة وطالع ومعول ندير لي فجهدي باش تسمحليا مهم وصلت فتحت الباب ... بيت ملاك لي كان ديما مرتب ... كلو عامر كلينيكس ولقيتها كتبكي حياتي عافاك سمحيلي خليني غير نشرح ليك ... قاتلي يالاه گول لي عندك وسير فحالك ... قلتلها عافاك حياتي والله حتا كنبغيك راه معرفتش كيفاش دارت هاديك البنت تتسيطر عليا والله ماكنت فالوعي ديالي وراني تفارقت معاها حيت أنبني ضميري على هادشي لي درت عافاك سامحيني راني ندمت وكانبغيك بزاف قاتلي كيفاش نقدر نعاود نتيق فيك لي خان مرة يخون 10 قلتلها عافاك حياتي راني معرفتش شنو وقعلي وراني ندمت صافي خلينا رجعو لبعضياتنا وبلا ماتخلينا نزيدو نتعدبو بجوج ... سكتااات بزاااف وقاتلي ...

سكتات بزاف وقالتلي ... عزيز غادي نسامحك لكن بشرط عمرك تقلقني وتمشي معايا بنيتك وأي حاجة وقعاتلك تجي تصارحني بها وبغيت نرجعو كيف كنا وحبنا يزيد قلتلها موافق حياتي ولي طلبتيها انا معاك كنبغيك ... قاتلي صافي نسا هاد الموضوع مابغيتش نتفكرو صافي نبداو صفحة جديدة ... اه اه احياتي نااااااري بقوة الفرحة طرت على مها بواحد التعنيقة حتا ولات تعيط بالعاداو ههه قاتلي احياتي صافي عاوني نجمع هاد البيت مهم تفارقت معاها وخرجت فرحان من دارهوم ودرنا نخرجو فالعشية بهاد المناسبة ... لعشية تلاقينا مشينا لماگدو تسارينا ودازت احسن عشية مع حياتي وهاكا دوزنا ماتبقا فصيف كامل صراحة عمري قلقتها ومشيت معاها بنيتي هادي وتوبا لي يغضر هاد التوتة راه يهودي ( كنصيحة : لي عندو شي وحدة وكيبغيها من قلبو يتهلا فيها وماتغدرهاش راه كتيق فيك ) ... مهم وصلات لقرايا هاد العام عندنا الباك انا وحبيبتي ... جا النهار اللول باش نمشيو انا وياها لليسي وكان الصهد داك نهار درنا وقيتة تلاقينا ولأول مرة كنشوف القوق البري مصيف لابسة واحد الميني ومن الفوق يا سلاااام صراحة سويدية ( لي كايگول سويد معندناش فالمغرب يجي يشوف ملاك ) سعداتي انا ... قلتلها حياتي جيتي غزالة كتحمقي قاتلي لهلا يخطيك عليا حياتي ... مشينا دخلنا والصدمة اويلي شكانشوووف ...
... سلوى جايا ستيو ستيو ولابسا شي لباس الهربة كولشي معزول ومطراسي ... لكن صافي عزيز لي كانت كتدوخو سلوى تبدل ... مهم دزت من حداها وهي تشدني وملاك معايا قلتلها سلام وانا نجر حبيبتي ومشينا ... وهي تسولني ملاك شكون هاديك ا عزيز قلتلها ياكي متقلقيش احبيبة ... قاتلي يالاه قول ... هاديك هي سلوى لي كنت تصاحبت معاها ... قاتلي وا بوگوصة هههه قلتلها لا حياتي متكونش بحالك ... ههه ودوزناها ضحك صافي حيت رجعات ثقة لي كانت بيناتنا هادي وتوبة ...مهم مشينا دخلنا القسم گلست انا وحياتي دوزنا الحصة ناشطين ... وهاكاك دازت ليام ديما مع بعضياتنا فليسي ... واخا كانت شحال من وحدة حاسدانا على علاقتنا ...وشحال من مرة حاولو يفرقونا ... لكن كنغلبو عليهوم بمصارحة بعضياتنا فأي حاجة كانت صغيرة ولا كبيرة ... ولينا كنگلسو ديما ف بيت حبيبتي فدار كنراجعو نحفضو بجوج حيت تواعدنا يا نسقطو ولا نجحو مهم منتفارقوش ... حتا لواحد نهار گالس فدار قاتلي حياتي راني فدار اجي عندي ... لاش احبيبتي ... قاتلي راني كنحفض بوحدي للفرض ومافهمتش شي حاجة ... قلتلها واغير جيني گووود ههه ... قاتلي وبغيتك تونسني احياتي راني توحشتك ... اوكي حياتي جيت دخلت بانتلي الدار خاوية قلتلها ملاك واش مكاينيش واليديك قاتلي لا حياتي راه مشاو الخدمة راك عارف وماكايجيو حتا لليل ... مهم طلعنا البيت بدينا كنقراو شوية وهي تگولي

مهم طلعنا البيت بدينا كنقراو شوية وهي تگولي حبيبتي ... عزيز والله ماعندي العقل ديال لقراية وفيا البرد ... ( اويلي هادي شكاتقول ) مهم جريتها عندي بنية حسنة كأي مرة كنكونو بجوجنا ... عنقتها وبقينا كنبوسو بعضياتنا ... شوية سخنا بجوج وكتر مما تتصورو انا مابقيتش حاس براسي شكاندير وحتا هي ... وصلنا لتحت وصراحة فهاد اللحظة كنت مرفوع وماعارفش شنو كاندير وهي كتقولي زيد ... حتا لواحد اللحظة وقع لي وقع وانا كنت بلا وقاية وماعرفنا شنو نديرو حيت انا كنت شاك ... ضرت فيها فديك اللحظة وبدون شعور ضربتها حيت مكنتش باغي هادشي يوقع ... واخا انا عندي نسبة فيه لكن محملتش راسي فهاد اللحظة ... گلست للأرض وجريتها عندي صافي سمحيلي حياتي وعمري نتفرق عليك وماغادي يوقع والو ... جمعنا البيت ومشيت للدار وانا ندمان اشد ندم حيت خرجت على بنت ناس بغلط منا بجوج ... لكن واعدت نفسي منتخلاش عليها ... تلاقينا الغد فليسي سولتها كيبقات ... وهي فرحانة وماعلابالهاش قاتلي مزيان احبيبي (ههه انا لي دري ومعصب من لي وقع وهي خالقا السعادة ) ... مهم قلتلها راني شاك تقدري تكوني حاملة ... قاتلي مهم خسك تجيبلي هاد الدوا وماعلينا غير نتسناو ليغيگل ... اويلي فاش طحت والمشكيل هي فرحانة ههههه وانا غنحماق ... دازت 15 اليوم على هاد الحال وانا كنتسنا والله ماكايجيني نعس ... حتا لواحد نهار عيطاتلي وهي تقولي ... الو حبيبي ... قاتلي راني طلعت حاملة ... اويييييلي ناري تعصبت وانا نقطع عليها ... شوية وهي تعيط اغير كنضحك معاك راه يالاه جاوني ليغيگل غير تهنا ... اوووووووووف والآن تنفست الصعداء ناااااااري يلاه رتاحيت ههه مهم قلتلها نتلاقاو... غير شفتها وتعانقنا بقوة الفرحة وهاكاك داز عامنا ديال الباك كلو فرحة ونشاط ... وحبنا غادي وكايزيد ... وجدنا للباكالوريا ودوزناها ونجحنا بجوجنا ....ومشينا كملنا قرايتنا بجوج ... وهاذي شي اشهر جبت واليديا ومشيت خطبتها واخا يالاه غادي ندخل لسوق الشغل ... مهم رشمتها ووليت كنخرج معاها رسمي وبخبار واليديها وامابقيتش غير كأخ في نظرهم ... وحمدت الله منين ربي عطاني سويدية وأول حب ليا وتبقا معاك حياتك كاملة ... الأن دوزنا 5 سنوات فعلاقتنا وعمر خلينا شي حاجة توقف فطريقنا ....
تسناو لجاديد انا غانكمل فهاد لاباج حيت نتوما لي مخليني نكمل بميساجات ديالكوم او بكولشي شكرا بزاف الخوت و الله
كتبوا ليا فكومنطيرات اش بان ليكوم فالقصة ...

‫#‏كنصيحة_من_أخ‬ : للدريات لي فأي علاقة عمرك تعطي شرفك لصاحبك لأنه وكوني متأكدة يلا خدالك شرفك غايتفارق معاك وديك ساعة غادي تفكري هدرتي ... انا وقعت فيها مع بنت الناس لكن كنت راجل معاها ومابغيتش نتخلا عليها واخا كان فالإمكان ديالي وهي أسهل حاجة مغايخسر عليك والو...

النهاية