قصة سناء قصة مغربية
( جزء التاني )
( جزء التاني )
البارت 9
بعد
6 أشهر بداو مشاكيل الدار الي كنا ساكنيها 11 العام كارين غرفة وصافي ب
300 ردهم كانت هازانا كاملين التيساع فالقلب مول دار جه قالينا خاصكم تخرجو
بغيت نهدم الدار ونبني فبلاصتها عمارة كانت دار كبيرة وبرزقها كبرنا فيها
كاملين وهوا زربنا قالينانعطيكم
مهلة شهر ماما مسكينة عيات دور مقاتش دازت 15 يوم مشا قطع علينا الضو
بقينا غي الشمع مراعا فينا والو مبقناش فيه ، ماما كانت جامعة 8 ملاين ديك
الوقت كان داك المبلغ يشري دار لقات دار زوينة قريبة لديك دار لي كنا فيها ب
10 ملاين ماما مشات عند عمي قاتلو عافاك سلفني ونرجع ليك ، دار عمي لاباس
عليهم عندهم محلات تجارية فسوق معروفين و حانوت القليلة يدخل 2 ملاين فنهار
حيت ف سوق وهوا الوحيد الي داير ديك تجارة عرفتو اش قال لماما ؟؟
بارت 10
عمي : سمحيلي جيتيني قضروف قاسحة ومكنش حتى شي دخل
ماما
نزلو دموعها مسحتهم ورجعت للدار محطمة وبقات دبر دبر على دار حيت الوضع
الي كنا فيه ميسمحش مول الدار الله يرحمه مات دابا كان كل يوم يجي يغوت باش
نخرجو معطاناش وقت كاع ، ماما لقات دار صغيرة 2 بيوت
وكوزينة تحت الدروج فحومة شعبية وشريناها وتنقلنا للبيت الجديد حنا خدينا
بيت و حسن خدا بيت اه على راحة كان كيجي ينعس معانا فنفس البيت دابا عاد
نتنفسو براحتنا
فاطمة : هههههه اه والله تهنيا منه
انا : اف اف ماما فوقاش طلقو وتهنينا من كمارته
فاطمة : متحلميش بزاف راه ماماك كتبغيه عمره تتخلا عليه
انا : اف اف اف هادا راجل بعدا الناس تموت عليه
ماما جات هههه كانت فكوزينة لي تحت الدروج
اه يالالة سناء وفاطمة اش كدندنو انتي وياها
أنا
: صراحة أماما بغيتك تطلقي حسن راه معندو نفع معانا اا يصرف علينا لا والو
عاد يحيد ليك فلوسك دابا راه كبرت متقوليليش راكي صغيرة راه عندي 12 عام
ماما : تبارك الله على العزري الي عندي ولا راجل
أنا : مكرهتش أماما وكان جيت راجل نمشي نخدم عليك واخا نبيع الشكارة ف سوق
ماما
: سناء ابنتي خاصكي تعرفي راه باباك قدام الناس راجل الدار سترة علينا ،
الدار الي مافيهاش الراجل كينقزو عليها و كلشي يتعدى عليها ، سناء ابنتي
خاصكي تعرفي وكان مكنش باباك كاين معانا غادي كلشي يتعدى علينا واش
فهمتيني؟؟
أنا : والله انا راجل عليه واخا بنت ههههه
ماما : ههههه
فاطمة : هههههههه
كانت هادي حالتنا مع مكنش تلفزة ههه
بارت 11
داز
عامين ولات عندي 14 سنة ديما ضاحكة لاعبة مع صحباتي كنمشي نقرى ونرجع
معاهم درت الصحابات كنت محبوبة بزاف طبيبزة شوية وزوينة شعري طويل ديما
طالقاه ونلعب بيه وكان واحد الولد كل مرة ندوز عليه يبقى يشوف فيا وأنا
مجايبة خبر كاع ممعبرا العالم داياها فراصي نبغي غي نمشي نقرى ونلعب فطريق كي حمقة
إلهام : سناء شفتي هداك خينا شحال زوين ؟؟؟
انا : وانا مالي زينه ياكله
إلهام : وا ديك حمقة بغيت نقولك راه ديما مين نفونو كيبقى يبحلق فيك وراه داك نهار شفته كان بعيد وجه يجري حتى قربنا ليه وهوا يوقف
أنا : الهام بارااااااااااكة جمعي راصك أنا مالي وماله شوفي غي شعره طويل قرب يوصل لشعري
إلهام : هههههههه والله حتى حمقة فهميتي بعدا راه الولد باينا كتعجبيه وكيبغيك
أنا : 😕 تبغيه بوبريص شوفي انا ماشية ونهار تعاودي تجبديلي سيرته مغنعاودش نهدر معاك
بارت 12
مشيت لدارنا أول حاجة درتها بقيت نشوف راصي فمرايا !!!
وكنهدر
مع راصي ياه انا زوينة هههههه بقيت نضحك مع المرايا اه قاتليك كيتبعني
بالعين ويكون يبغيني تفو كلهم بحال بحال كي حسن كي داك المرض مكنتش نعرف
سميته كنت مسمياه شعيراتي ههههه مضحكوش عليا بصح داكشي لي كان
من
بعد تبدلت بزاف رجعت منخرج من دار حتى نشوف حالتي واش جاية معايا اللبسة
ولا لاء رجعت مكنعرفش راصي شكون من سناء الي حاقدة على الرجال لسناء ك تقاد
راصها على ود راجل ناري اشنو كاين اش هادشي مفهمت والو بقيت مين كنفوت على
شعيراتي قلبي يبفي يخرج دق دق دق ناري اش هدشي لمن نحكي فضيحتي مفهمت والو
رجعت كنفرح مين نشوفه ونكره مين منشوفوش ومين ميكونش ف بلاصة ديال ديما
نبقى غي ندور عليه حتى يبانلي الأمر حيرني ومعندي لمن نحكي ماما الى قلتها
ليها غادي تغوت عليا اللهم نحكي لصاحبتي إلهام هيا تفهمني كلشي على غد ليه
مشيت عند إلهام قبل الوقت ب 2 ساعات ههه هدشي معقد خاصني نفهم مشيت عندها
على 8 ديال صباح
الهام : مالكي اويلي ضربك حمار الليل اليوم راه داخلين 10
انا: لا مضاربني والو بغيت نفهم ومقت لمن نحكي لغيرك
إلهام : قولي مالكي بنتيلي مركيش مزيانة واش باباك ثاني جه سكران
أنا : الا اصاحبتي راه موضوع اخر وموضوع كبير
إلهام : اويلي اش درتي باينة شي فضيحة
انا : كنبكي واه فضيحة كبيرة
إلهام : اويلي سربي دغيا اش كاين
انا : كنبكي ونشهق معرفت مالي مين نشوفو قلبي يبقى يضرب معرفت مالني علاش علاش فهميني
إلهام : هههههه حسابلي كاع شي فضيحة ويلي على حمقة انا قلت راكي بعقلك وتفهمي كلشي صدقتي ما عارفاش مالك
انا : نبكي ههههههه وهيا تضحك
إلهام : وراكي تبغيه اصاحبتي وراني حسيت بيك تا انتيا كتبقاو تبحلقو فبعضياتكم
انا: نبكي ونبكي مسكتش ومبغيت نبغي حتى واحد كفاية بابا شوفي اش داير رجال كلهم بحال بحال خاصني نكرهو
ديك
الأيام مبقتش نمشي نقرى بقيت ندير حجج باش منمشيش وهوا ديما يبقى يشوف
ويدبر عليا جات عندي الهام قاتلي السيد مين مكيشوفكش معايا كيشوفني ويحط
راصه
انا صافي قررت باش نبعد ديك طريق باش منشوفوش
الهام : ياكي مغتبقايش دوزي عليا
أنا : لاء الى بغيتس بقاي دوزي عليا انتي ونمشيو مع الطريق لاخر صافس دكشي الي كان
بارت 13
بقيت نمشي نقرا حتى السيد وليت نشوفه ف ليسي لي كنقرا ليه
إلهام : هربتي منه هوا جاك كيشوفك ويرجعه فحاله
أنا
: هدا حمق وأنا غي ينساني ميحلمش بقيت مين نشوفه نقلب وجهي من بعد قلت
شكون كاع هدا اللي نبدل طريق على جاله أصلا مين منفوتش من تما نلقاه حدايا
كي ضل فين ما مشيت بقيت ندابز غي مع راصي ههههه كي حمقة ،
اختي فاطمة اتخطبت لواحد فالخاريج وكانت غادي تزوج داك الصيف كنت فرحانة ليها بزاف تمشي تهنا من حسن
وحتا
هيا كانت فرحانة خطيبها كان مهلي فيها الي مشافتوش وحلمت بيه أحلام صغيرة
حققها ليها شرا لينا تلفزة وصالون ولفراش وبقى لي ومتعها بروايح وكسوة ديما
يجيبلها من الخارج قلنا صافي هدا هوا الي غيتهلا فيها ويديرها فعينيه ،
فصيف تزوجت اختي دارت أحسن عرس 2 عراسات نهار على نهار داك الراجل هوا الي
دار كلشي من جيبه حنا مفحالناش قالينا متخمو لوالو مهم فاطمة تكون فرحانة
صافي اختي تزوجت وبقيت بحدي فدار وماما خرجت من الخدمة حيت مرضت شوية جاتها
اكزيما فرجليها حيت راكم عارفين خدمة الحمام رجليا ديما فازكين بلما حتى
جاتها اكزيما ،،
انا
كنت واخا مبنتة نموت على حاجة سميتها بلايستيشن ههههه كنت الحاجة الي
يبغيوها لولاد نبغيها حتى أنا كنت كنمشي للسيبير نلعب تماك كل مرة معامن
واحد لمرة جه واحد الولد قالي واش ممكن نلعب معاك قتليه اوك لقينا نلعبو
قالي انتي اخت فاطمة قتله واه علاش فين تعرفها ؟؟؟ 😮
هوا : اه سمحيلي معرفتكش براصي انا سميتي عزيز قريت مع اختك ف تاسعة سوليها عليا راها كتعرفني
أنا : اه تشرفت بمعرفتك اخويا يلاه نكملو لعبة
عزيز : واخا خويا هههههههه
أنا : ههههه احسن والله هكدا نبغيك
عزيز : كنتمنى تبغيني كيف ما كنبغيك
أنا : شنو شنو
عزيز : غير كنضحك معاك
انا : هانية ماشي مشكيل
صافي
بقيت انا وعزيز ديما نتلاقاو فسيبير كنلعبو ولفتو بحال خويا من بعد بقيت
نشوفه ف الحومة نبقاو نهدرو ديما بقى مرة مرة يوصلني نقرا كنت حاسباه عادي
لدرجة أنو مرة قالي شنو سميتك هههه قتله سميتي سامي قالي ياك الآلة سناا
سامي قتليه 😕 مين عارف سميتي علاش كتسول
تحت نيفه ( عارف عليك كلشي )
أنا : شنو شنو !! شنو كتقول
سعيد : والو ا سامي
انا : فرحت عجبني الحال مين قالي سامي
ماما
رجعت تخدم وخويا دخل يقرى فمدرسة كنت كنرجع للدار عزيز مسكين يقولي ماماك
فين نقوله كتخدم ويقولي وشكون يوجد لغدا نقوله راه يكون واجد ماما مسكينة
كانت توجد لغدا بالليل ، ولا تقولي ديري شي حاجة كولي انتي وخوك راكي كبرتي
ابنتي بلا ما نوصيك
عزيز
كان هههه مسكين ديما يجيبلي الغدا من دارهم ديما جايبلي حقي وفعرس اخته
جابلي 2 دجاجات محمرين سرقهم هههههه وانا نقولو اويلي اش هدشي كان كيحمقني
بضحك امه كانت حادكة اش منك يا مسمن اش منك يا بغرير ديما جايبلي حقي
كان ونعم الصديق
بارت 14
عزيز
كان كيتصاحب مع البنات ويتمشى معاهم حدايا وأنا عادي كنقولو تهلا فيهم
ونفرح ليه وهوا كان كيبغيني وأنا كيف الحمقة نواياه بحال خويا وصافي واحد
نهار قالي سناا بغيت نهدر معاك ضروري قتليه اك مشيت شفته وكانت الصدمة
عزيز : سناا انا اليوم جاي نهدر ونخرج لي فقلبي سناا انا كنبغيك
أنا : اه ومن بعد انا عارفاك كتبغيني
عزيز : خليني نكمل هدرتي انا كنبغيك ولكن ماشي بحال اختي كنبغيك حب فهميني
أنا ونجوى صاحبتك
عزيز : هديك وغيرها صحبتهم غي باش تغيري عليا وتحسي بيا أنا كنبغيك انتي
انا : ومن بعد دابا اش باغي ومن بعد جيبها من التالي يرحم باباك
عزيز : يا تصحبيني يا نسايني
أنا : تصدمت بقيت غي كنشوف وساكتة معرفت منقول
عزيز : أنا ماشي ل مراكش فكري مزيان الى نتصاحبه نرجع لوجدة وإلى مبغيتيش عمرك تشوفي هاد لوجه نبقل ف مراكش
أنا : مصدومة وساكتة
عزيز : مين تبغي تقوليلي قرارك سيري سيبير محمد يعطيك تلفون وهدري معايا راني وصيته مين تبغي سناء تهدر عطيها تهدر
أنا : تصدمت وعينيا تغرغرو ب دموع مشيت لدارنا كنبكي
داز
الوقت كيف الجحيم جاوني دوك اليامات طوال بلا بيه مشا عزيز الي كان كثر من
خويا مونسني مشا الي كنت نعاود ليه اش كيدير لينا حسن مشا الي كان يسمعلي
مشا كلشي علاش يا ربي علاش علاش كل رجال بحال بحال علاش همه غي يكون صاحبي
علاش هادا اش باغي مني
بارت 15
داز الوقت كي الجحيم عيييت توحشت عزيز مشيت لسيبير قلت لمحمد باغية نهدر مع عزيز عطاني تلفون
أنا : الو عزيز
: عزيز : سناا حبيبة توحشتك
انا : حتى أنا نوحشتك لمن مشيتي وخليتني ماشي حرام عليك
عزيز : صافي انا جاي غدا
جه عزيز مسيت نشوفه قالي صافي احنا دابا مصاحبين
قتله اوك مهم متخلينيش ولاكن الي خصك تفهم عمرك تقزلي بغيت سي حاجة منك علاقتنا غتبقى كيما هيا
عزيز : دابا غمبقى نقولك في حبيبتي ومتخافيش من ديك الناحية أنا عمري نطلب منك شي حاجة حتى تكوني حلالي
الصدمة
الي غنعرف على غد ليه عزيز دوزني مم طريق داك الي كنت مسمياه شعيراتي
ههههع ناري شحاال مشفته قلبي بدا يضرب عزيز غي وصلنا قدامه قبضني من يدي
وقالي حبيبة انتي حبيبتي هههههه
أنا : بقيت نضحك
شعيراتي : ضرب يده مع الحيط وأنا نشوف ههه ومشا فحاله
عزيز : ماله عبد الحق حماق
أنا : مال شعيراتي سميته عبد الحق هههه
عزيز : اه كان يقرى معانا حتى هوا انا وفاطمة
أنا : اها وبقيت غي نسوله عليه
عزيز : سناء مالكي كتهدري عليه كثر مني
أنا : لا والو ههههه
صافي
عزيز قرر يبقى هوا يجي يخدني من لقرايا ومين نقربه لعبد الحق يبقى يضك
معايا ولا يحل بيمو ويوكلني مهم يامات غي الضحك وأنا صراحة كان يعجبني
الحال نعصبه
عزيز : سنااء انتي ودك عبد الحق اش بينكم
انا : مفهمتش وضح كلامك
عزيز : أنا عارفه باغيك ولاكن عمره غيبغيك كثر مني
أنا : عزيز انت راك معارف والو
عزيز : عارف كلشي وراه قالهالي بلسانه قبل منهدر معاك
أنا : ياك اعزيز درتي هاكدا حيت عارفني حتى انا كنبغيه ياك
عزيز : إلهام حكاتلي كلش وزايدون راه انا الي كنبغيك
عزيز كثر عليا وعصبني
بارت 16
اختي
فاطمة الي قتلكم تزوجات اشمن زواج صدق ليها راجل ولد لحرام منه ماكان غي
الضرب ويطلب منها المحرمات (،،،) أعود بالله وأمه كتضربها اختي عيات صابرة
قالت اللهم عداب وقهر حسن ولا قهر ديال راجلي هربت من دار راجلها وجات
لعندنا وهيا كانت حاملة عندها 4
أشهر ناضت اخت راجلها قاتلها ياكي هربتي توحشتي جوع ديال داركم الي عايش
فدل ومزيرية عمره تعجبه عيشت الخير اوا انتي دابا حاملة غتولدي وتربي
وتكبري وبنتنا غانخدوها منك واجدة اختي فاطمة مسكينة تبكي تقهرات ولكن
صبرناها وماما تقوليها متخافيش ابنتي البنت حنينة متفوتكش اختي كانت عارفة
بالي عندها بنية ، داز الوقت والأمور كيما هيا اختي ولدات جه شافها عزيز
وجاب ليها الكادو مكنوش عارفين بالي كيبغيني ولا كاين شي حاجة حيت كانت
ماما تشوفني نهدر معاه ولكن تقزل بحال خوها كان يقرى مع ختها
داز الوقت جه الصيف بقيت قاعدة غي الدار مبقتش نخرج بزاف مين نخرج غي مع ماما ولا اختي صافي
عزيز
كان دك الوقت عندو 19عام وانا 15 عام كان قرى كاطريام ومشا دار تكوين مهني
خدا دبلوم ومشى دار بيرمي ديال كار ودكشي هههه السيد خوه الكبير تزوج
والوسطاني مشا الخاريج بقى غي بحده هوا وماماه مشى عنده امه
عزيز : ماما بغيت نقولك واحد الموضوع
ام عزيز : واه اولدي تفضل اش كاين ياك بعدا غي الخير
عزيز : نعام اماما غير الخير فالحقيقة بغيت نتزوج
ام عزيز : ههيهيههيهيههي
أب عزيز : كهكهكهكهكهكك
اخته : بشاخ كلشي كيضحك
ام عزيز : هلاش اولدي انت شحال عندك بالسالامة
عزيز
معصب : شوفو بغيته ضحكو ضحكو مهم أنا كنبغي سنااء وكيف ماراكم تشوفو ديت
دبلوم وزدت شهادة سياقة غنخدم وغنقد عليها مهم انتوما سيرو خطبوهالي ولا
عمري نبقا ليكم فهاد الدار
دار عزيز كلهم كيضحكو عليه هههههه صراحة هدشي مين كنتفكرو كيضحكني ههههههه
عزيز تعصب بموقف ديال دارهم عمرو شرب شراب مشا السيد شرب ومشى لدارهم يغوت دار فضيحة ويغوت ويقول
انبغيييييها يا تزوجوهاني يا ننتاحر طلع سطحهم وبغا ينتاحر ههههه
امه بقات تبكي صافي ولدي مشا من يدي ديك بعلوكة اش دارت ليه
الصباح
صبح وناضو جيران مشاو عند أمه يستفسرو اش كاين قالت ليهم راه كيبغي سنااء
وقالنا بغا يتزوج بيها حسبناه غي يضحك وبقنا نضحكو ناض دار ديك فضيحة دابا
غنمشيو نخطبوهاليه
صحاب الحسانات جاو عند ماما يجريو ها اش واقع راه عزيز اشنو دار
ماما جات عندي وقاتلي اديك بنت لحرام مالكي مع السيد متقوليليش مبيناتكم والو
انا : اااا ماما راه هوا كيبغيني وأنا والله الى بحال خويا
ماما : فخبارك اش دار
انا : اش دار ثاني
ماما
: باغي يتزوج بيك وبغا ينتاحر ودارهم راهم باغيين يجيو يخطبوك بصح راني
صيفطت ليهم صحاب الحسنات الي جاو يستخبو وقلت ليهم بلا ما يجيو ماعنديش
بنات ديال الزواج
انا : اه ا ماماتي احسن ما درتي
ماما : بقات تضحك ههههههه ودابا انتي عندك 14 وهوا 19 راه مزال مشاف والو حال والو باغي يلعب معاك حابة فزنقة
انا : كنضحك هههههههه